MIKHA 7:16 - Lacid Common Language Bible

¹⁶ Byumyu" yigi he: da" khyoo: ri myang lang" nyangnu" gi yoem: boo nghoid loug we' vhooloo yu" kho" byug boem wa zi nghoid. Nyangnu" gi nheigloem: thang boem ziyo' nhoid myhid" ci: boem lho: nukhyab jhid ci: lo boem wa nghoid.

MIKHA 7:16 ပူးပေါင်းရင်းမြစ်များ

YOBA 21:5

Ngoo ri yu" yu" ge' Nanu" yu" gyoug wigi zhug yu" tam" byug sho' bui" zigi agi" shi" rhe".

COUNG" NGHEI 126:2

Ngoonu" gi gye" gau yi lho: gye" ngei pyoo: yoomo jihkoin" khoin". Hau: uri gootu: da" byumyu" yi ti" Aseing gi nyangnu" shid re" moo" zeing zei: byid: abye: ga: wigi ngoonu" da" khyoo: ri tid nyid boem.

DANG: ZHOEM 30:32

Nang gi nheig agyeing: loo: nghoid boin: ziyo' akhyeung" da" moo" zei: thu' kaid wa zi myid yeung ci: rigi daso' theung: lho: damyid yu" shi" we'.

ESAIA 26:11

Nang wigi nyangnu" ri yooboo dam byid: wa ziri re" gyivoo yi asi nghoid ago". Aseing we"- nyangnu" ri sho' phu" nhang: wigi kyi" khyeug kham zoo: nhang: we' nang soin' to" da" yooboo dam nyangnu" ri kyi" khyeug kham zoo: nhang: wa. Re" byumyu" yiri nang khayhi' jheddab ziri nyangnu" ri ci: shug byid: we'.

ESAIA 52:15

Nghoid loug we' akhid" byumyu" myoo" sho' bang: we' yu" mau" loo goo" wa. Khokham yigi atho' tid loo sho' mau" byug wa. Nyangnu" gi nyangnu" khanham we' ase' da" ja: ri shau" myang wigi Se' gyo: yu loo goo" wa» ga: tid.

ESAIA 66:18

Ngoo gi nyangnu" da" myid soin' khyoo: yo' lo, moo" joem ri si' byid: da:. Byumyu" dangain" ri zheing" yu wa shid re" ngoo re" lo nyid bye:. Nyangnu" zeing: ri" lang" nga" yoem: so' ci: yo" koid ziri se' loo goo" wa.

EZEKIEL 38:23

Hid: su" khyo" wigi ngoo gi gyi: sheung: ziyo' gyeung" shang: yug nghoid ziri byumyu" dangain" ri ngoo ci: shug wa. Houg: lang" nyangnu" gi ngoo Aseing nghoid ziri se' loo goo" wa.

MIKHA 3:7

Ju" loo wa ayo, shid re" Lapi: pe: zigi nyangnu" da" lapi: dang: adeing yoomo myeing yoin" myonhoo: gyoeb wa zi nghoid. Nyangnu" ri Mangsoo gi atu" byid: loo: yoomo nyangnu" dangain" bang: gi shoem: pyang: lo" byug goo" wa nghoid.

MIKHA 5:8

Byumyu" yi moo nyid deung gyoo" mo, gi siyoo moo zoo: noem ri kuang yen" da" khangkhyi joem yo' dakhyoo" ti" nghoid boem wa. Nyangnu" gi yang phung: gung khyoo: vang yhe: lho: yang joem ri byam zeug myheug yu wigi adu atoem ngaid phyed pyam lho: houg: mo yo" khyoid yu wa da" nheig byu jang: ajo, loo.

HAGI 2:22

Khokham mungdain: dangain" ri we' tu: mhug sain" khyo' pyam wigi nyangnu" da" yoem: so' ri we' thang loo" nhang: wa nyangnu" da" gyi rheing" joem yo' houg: moo zhung: mo, dangain" ri tu: sain" pyam byid: wa zi nghoid. Myang: joem we' shid: lo" boem wigi myang: jui: mo, we' nyang: cang" nyang: said go" lho: doem thang lo" byug boem wa.

ZEKHARIA 12:9

Hau: ayo, moo ngoo gi Yerusalem ri zain: wa ga: soin' da" byumyu" ja: khang" moo" ri phyo' shoin' pyam' wa.

Roma 3:19

Tarha" moo bo da" zi dangain" gi - tarha" khoug: moo nyid mo shid' re" za: danghoid da" khyoo: - byu yi da" kyiyang myeing da" nhoid' joem ri nghoeb' pyam' byid: wa zi yo" - xangsu: byu dangain" gi - Mangso: da" tarha" dang: phyed' da khyoo: ri kham nhang: wa shid' re" nghoid. da" zi ri akhid" ngoonu" se boem bye.

Pang Shug 11:18

Tung: boug ginheig khoo" yo: nyid ago"- Khasu" wim gari nang nheig yo: da" ayo, ju" lo lho: shid: bye: bang: ri dang: phyed' wa da" ayo, ju" bye:. Re" da" dei zoo: lapi: yi yo' Re" da" byumyu" yi nang ri gyoug phau" nyid mo, nge zoo: gyi: zoo: dangain" ri ngi shab, jhung: shug byid: wa da" ayo, we' mougmyid' ri lhu: phyo' bang: ri phyo' shoin, pyam wa da" ayo, we' ju" loo bye: o"» ga: wigi tid nyid boem.