MIKHA 7:10 - Lacid Common Language Bible

¹⁰ Nanu" da" Mangsoo Aseing ga: zigi khayoo: la" ga: tid juang" mo, ngoonu" da" gyivoo yigi he: ziri myang lang" myonhoo: shoem: lo" byug goo" wa nghoid. Nyangnu" gi joem: lo" boem wigi fu" moo" khyoo: joem mo thoem" boeb yo' dakhyoo" ti" nang pye" pyam boem ziri ngoonu" shau" myang wa.

MIKHA 7:10 ပူးပေါင်းရင်းမြစ်များ

2 SAMUELA 22:43

Lid hau' tang" lo da" pheipyang" yhang: ti" bue" loo" wa shid re" nyangnu" ri ngoo mhoin' pyam bye:. Khyoogung mo thoem" boeb, ri yhang: ti" nyangnu" tho' moo: ngoo nang: pye" pyam bye:.

COUNG" NGHEI 109:29

Nga" gyivoo joem gi myonhoo: shoem: lo" ziyo' goeb jo, zi shoug" goo" baja". Nyangnu" gi asho, ashid: khyoo: ri mi, yhang: ti" gang" ci: goo" baja".

COUNG" NGHEI 115:2

«Nanu" da" Mangsoo gi khayoo: nyid lha"» ga: wigi byumyu" yigi ngoonu" ri ciyoomo myid: nyid boem lha".

COUNG" NGHEI 18:42

Lid hau, tang" lo da- pheipyang" yhang: ti" bue" loo" wa shid re" nyangnu" ri ngoo mhoin' pyam bye:. Khyoogung mo thoem" boeb, ri yhang: ti" nyangnu" tho' moo: ngoo nang: pye" pyam bye:.

COUNG" NGHEI 35:26

Ngoo yau: khi" zi shoug" nyid uri yu" gau nyid mo, gi jhoid soem" joem: lo" byoug wigi lhu: nhoung pyam zi shoug" goo" baja".

COUNG" NGHEI 42:10

«Re" Mangsoo khayoo: nyid lha"» ga: wigi nyangnu" ngoo ri khanham we' damyed: nyid boem yoomo nyangnu" da" juang" yi da" kyi" khyeug ri kham' zo: nyid.

COUNG" NGHEI 42:3

Ngoo gi nyid" ri myen" ri dangau nyid. Houg: yoomo ngoug byid gi nga" da" zoo: noem bue" nyid. «Re" da" Mangsoo khayoo: nyid la"» ga: wigi nga" gyivoo joem gi ayo, khang" moo ngoo ri damyed: nyid boem.

COUNG" NGHEI 58:10

Deing: byeung" bang: gi yooboo dab, mo, shen" yhen shoug" nyid zi myang da" uri gau, yi nyid boem wa nghoid. Nyangnu" gi akhyeung" mo, da" suid" boem tho' khyo" gu: lid lo" boem wa.

COUNG" NGHEI 79:10

Re" da" Mangsoo khayoo: nyid la". gootu: byumyu" yi ciwim gi ngoonu" ri hougsu" myid: wa joyoo boo nhang: nyid la". Re" deizoo yi da" suid" ri ein: foid pyam byid: nyid da" byumyu" yiri nang shen" yhen dam kaid nyid da" khyoo: ngoonu" ri: myang nhang: we'.

COUNG" NGHEI 92:12

Deung byeung" da" byu yigi labam gam su" ko' lo, lam: lo wigi Lebanon boem mo shamu gam joem su" nyangnu" gi youg gyi: lo boem wa zi nghoid.

ESAIA 26:11

Nang wigi nyangnu" ri yooboo dam byid: wa ziri re" gyivoo yi asi nghoid ago". Aseing we"- nyangnu" ri sho' phu" nhang: wigi kyi" khyeug kham zoo: nhang: we' nang soin' to" da" yooboo dam nyangnu" ri kyi" khyeug kham zoo: nhang: wa. Re" byumyu" yiri nang khayhi' jheddab ziri nyangnu" ri ci: shug byid: we'.

ESAIA 41:25

«Ngoo gi bidthu shoid moo nyid da" byu dayug ri khyen: yu bye:. ngoo gi nyang: ri mougzhung: shoid mo khaid zain: wa shu" loo wa. Nyang: gi vhoebkhang" bang: adang moo nyangnu" thoem" boeb nghoid rigi oug" koid su: zhoonhau: ri nang: nhe" yhang: ti" nang: nhe" pyam wa.

YEREMIA 49:15

Aseing gi nanu" ri yoem: neing: nhang: wa. Hang" we' nanu" ri aphoug" myang: goo" wa.

YEREMIA 51:24

Aseing tid zigi «Yerusalem ri nyangnu" koid lo boem da" akhyeing" moo" dangain" shid re" Babelon yo' nya: byu yiri ngoo aphoug" toug" byid: ziri nanu" myang boem wa.

YEREMIA 51:51

Nanu" tid zigi «Ngoonu" sho' phu" wigi ngi: yoem" bye:. Tungbau byu yigi Noku Yhoem: Moo" mo gyeung" shang: da" joyoo joem khyoo: shu" loo" shau" wigi ngoonu" bain sho' asho" ajhen: kham zoo: bye:» ga: tid.

EZEKIEL 7:18

Nyangnu" gi jid: moo" byimi void lho: da gung goin" nain" loo goo" wa. Nyangnu" da" vhuloem joem ri dung: pyam lho: nyangnu" dangain" gi ngi: yoem" zi shoug" loo goo" wa.

DANIELA 3:15

Akhid" laboo"- khoolhang- teing shi- jhabceing yo' gootu: baid myheing ja: thui: ri shoug" gyoo: yo' dage" soolhoo: ri goeb pid no' byid: we'. Nanu" hougsu" akoid nghoid rigi nanu" ri akhid" nyang: gye" dab nyid da" myikhyoem moo" khoug: khyoo: du" zei kaid zi shoug" goo" wa. Nanu" ri yo" khyoid yu da" yu phara" nyid ein: jhoo: go" rhe"» ga: tid da:.

YOELA 2:17

Xoin" ngei" wa phoin: yo' Noku Yhoem: Moo" khyoo: vang lo" da" khoem" duang: agyoo: moo Aseing ri xoin" ngei" byid: nyid da" khainjung yigi «Aseing we" re" da" byumyu" yiri nheig khyeug yu shi" we' gootu: byumyu" yi wigi nanu" da" Mangsoo gi khayoo: nyid lha" ga: ngoonu" ri aphoug" akhyoid koid lho: ajuang" yi pyam nhang:» ga: wigi koug ngau lho: akyu" mho' boem ca" wa nghoid.

OBEDIA 1:10

Nang gi Yaku da" amyed ashen re" da" mang: nhung" yiri lhoid yu lho: said loo bye: yoo mo nang rigi apyaid atoo: moo phyo' shoin' pyam zi shau" wigi asho' ashid: bue" zi shoug" loo" wa nghoid.

OBEDIA 1:12

Yuda mung" mo re" mang: nhung" yi da" nheig byu jang: ajo, loo bue" lo" ziri nang gi yu" gau nyid wa zigi a eung: nghoid da:. Nyangnu" byo, yoin" lo" da" bidnyid moo nang gi age yu" gau nyid nghoid da:. Nyangnu" da" nheigloem: gi yoem: shoin: zi shoug" nyid jang" moo nang gi nyangnu" da" atho' moo yi juang" wa zigi a eung: nghoid da:.

MIKHA 4:11

Byumyu" myoo" sho' mo, gi nanu" ri khaid zain: wa shid re" zeung: foem: nyid boem ago". Nyang: tid zigi Yerusalem ri phyo' shoin' pyam ca". Ngoonu" gi «He: voomoo" byo, yoin" jo, ziri myang wa» ga: tid ago".

MIKHA 7:8

Ngoonu" da" gyivoo yigi ngoonu" ri ciyu" juang" nyid boem wa khyoo: ajo, loo- ngoonu" gi gyoeb leung loo" bye:. Nghoid loug we' doem yo" to' loo wa zi nghoid. Akhid" ngoonu" gi moug: coid khoug: moo ju" nyid jo, nghoid loug we' Aseing gi ngoonu" ri bidbang byid: wa zi nghoid.

ZEPHANI 3:15

Aseing gi re" dam ri bain thang loo" nhang: abye: Nyang: re" gyivoo yi dangain" ri we' khaid pyam byid: bye: Israela da" Aseing khokham gi akhid" nang yo' dage" nyid nyid. Ce" gyoug ci' wa khyoo: we' ajo, loo:

ZEKHARIA 10:5

Yuda byumyu" yigi fu" moo" khyoo: joem moo nyangnu" da" gyivoo joem ri nang: nhe" nhoeb pyam' da" gyizoo: yi yo' dakhyoo" ti" oung: doid lo" boem wa. Aseing gi nyangnu" yo' dage" nyid yoomo nyangnu" gi gyizoo joem yo' meing: zain: go" ri myang: zhung: da" gyiphung: rilang" yo" zain: oung: pyam' wa zi nghoid.

MALAKHI 1:5

He: ziri Israela byumyu" yigi «Nyangnu" myojid" yo' myang lang" Aseing ri Israela moug: nghoid jang" moo we' phung" yoeb myonhoo: boo nhang:› ga: tid goo" wa» ga: tid.

MALAKHI 4:3

Ngoo moo" zei: lo da" bidnyid moo gi nanu" gi akhyeing" ashoeb bang: ri oung: pyam lho: nyangnu" gi nanu" da" khyid: voo khoug: mo pheilhoug: yhang: ti" bue" lo" byug goo" wa zi nghoid.

MATHE 27:43

Nyang: gi mangsoo ri loem jeung" lho: ngoo gi Mangso nya: zoo: nghoid ga: we' tid. houg: yoomo Mangsoo gi nyang: rijheddab nheig khyeig nghoid rigi akhid" nyang: ri khyoid yu baja".»

YOSHU 7:9

Khanan byumyu" yi yo' mungdain: mo gootu: yugkhang" moo" gi hau: khyoo: ri shau" gyo: ri" goo" wa. Nyangnu" gi ngoonu" ri re" vang: lheing wigi ngoonu" yugkhang" moo" ri re" said pyam ri" goo" wa. Houg: lang" re" ngi: ri goem loem wa shid re" nang cikoid wa lha"» ga: tid.

Pang Shug 18:20

Moug: khung: moug: di we"- hau voomoo" byo, yoin" pyam' bye: yoomo gau, yi nyid loo: ge'. Mangso byu yi yo' lagyoo: yi, lapi: yi we"- gau, yi nyid ge' Khasu" wim gari Mangsoo gi nanu" ri nyang: koid lid lo ziyo' dakhyoo" ti"- hau: voomoo" ri yoobo dam, kaid' bye.