MIKHA 6:7 - Lacid Common Language Bible

⁷ Yang khyeing" khyeing" moin moin yo' athang agoin yau nyid da" gyid zoo: gyung: joem ti" zhainloin: xu: ri ci: yhe: ri Aseing gi vho: ngei wa la". Nga" yooboo joem da" aphoug" xab wa shid re" nga" zooshid" ri nya: jhang xoin" yhe: ngei" byid: wa la".

MIKHA 6:7 ပူးပေါင်းရင်းမြစ်များ

2 KHOKHAM 16:3

Nyang: gi Israela khokham yi da" leig ri cang da:. Nyang: gi Israela byumyu" yi shid khyoo: yhe: lo" ri mungdain: mo Aseing wigi khaid thu kaid da" byumyu" yi da" aco' ajhoid lo, moo" ri leig yu" wigi nya: yuggi zoo: rilang" yu phara" soolhoo: joem ri nghe' ngei" byid: da" xoin" khyo" xoin" ngei" byid: da:.

2 KHOKHAM 21:6

Nyang: gi nya: yuggi zoo: ri nghe' ngei" xoin" khyo" xoin" to' byid: da:. Nyang: gi buid phyed zi fa" zi lo, kyo' yu" mo, yo' join: zei: mo, ri dang: myid: myid: da" khyoo: koid da:. Nyang: gi Aseing ri gye" thougtheung yooboo koid lho: nya: nheig yo: khyoo: ri lhu: zhang" kaid da:.

2 KHOKHAM 23:10

Khokham phoo Yoshia gi hang" we' nyangnu" nya: yuggi zoo: myiyi: zoo: yiri nghe' ngei" da" xoin" khyoo" Moleg yu phara" ri ayo" ngei" byid: goo" wa shid re" Hinnom janggyoin: mo tungbau yu phara" ri no' da" joyoo Tophed ri we' aco' ajhoid koid pyam da:.

2 KHOKHAM 3:27

Houg: yoomo nyang: gi nya: gung khoo: moo: khokham xo' koid wa yug nya: zooshid" yuggi zoo: ri vang khyam: dang moo xoin" to' byid da:. Israela byu yigi gyoug dain pyam ago". Houg: yoomo nyangnu" gi hau: voogung mo zoid phang: lho: nyangnu" nya: mung" khyoo: tau" lo" ago".

YOBA 29:6

Nga" nu: zeing joem yo' coidbaid joem gi noug" myoo" sho' byid: ago". Nga" zhainloin: gam joem gi lug boem gyoo: cang yug ago".

COUNG" NGHEI 50:9

Nghoid loug we' re" da" kyung mo nuloo: ri nghoid loug we' re" da" khyam: mo coidbaid joem ri we' ngoo avhoo.

COUNG" NGHEI 51:16

Nang gi xoin" du: joem ri vho: ngei nyid su: anghoid. Hougsu" anghoid rigi ngoo ngei" byid: wa zi nghoid. Nang gi myi: nghi, xoin" ri we' vho: ngei nyid zi anghoid.

COUNG" NGHEI 51:18

Mangsoo we"- Ziun ri nheug khyeug lho: wigi nyang: ri pang" thoug byid: we'. Yerusalem da" vang khyam: joem ri doem tu: zhoug too" we'.

DANG: ZHOEM 15:8

Aseing gi byu gi yi akyu" mho' dang: ri vho: ngei nyid. Nghoid loug we' tarha" aci: bang: ci: re" da" xoin" du: joem ri nyang: gi ngheung" nyid.

DANG: ZHOEM 21:3

Deingmain" ziyo' nyeung veung" khyoo: ri koid we' hau: zigi Aseing ri ngei" byid: wa xoin" du: ci: yhe: tho' re" vho: ngei nheig shed: khyoo: nghoid nyid.

ESAIA 1:1

He: mougsoug" pug moo Yuda khokham yi nghoid boem da" Uzia- Yotham- Ahaza- Hezekia bang: vhoebkhang" da" ayo, gyoo: moo Amoz da" yuggi zoo: Esaia ri Mangso wigi pang shug da" Yuda mung" yo' Yerusalem voomoo" khyoo: ri tid da" mungdang: joem bo nyid da:.

ESAIA 40:16

Lebanon seig moo" yoo moo nyid boem da" gougnyhoug dangain" gi ngoonu" da" Mangsoo ri xoin" ngei" byid: wa atham: nghoid da:. hau: seiggam joem gi myi: moid tab wa sung neing: ago".

YEREMIA 19:5

Houg: lho: nyangnu" gi xoin" joem khyo" myi: moo nyangnu" zooshang: yiri nghe' ngei" wa Bala shid re" phoin: joem ri zhug ago". He: ziri koid wa shid re" nyangnu" ri ngoo khanham we' amyeing" abyid:. Hau: zigi nga" myid moo lang" khanham we' abo yu".

YEREMIA 6:20

Nyangnu" Sheba mo zi nga" jang" moo ci: ri" byid: da" nam pyo: xu: joem ri ngoo cishu: nhang: byid: la". Moug: vi: mo ci: loo byid: da" xoin" phei" joem ri ngoo cishu: nhang: byid: la". Ngoo gi nyangnu" jhungshug xoin" ri akham: yu byid: wa. Nyangnu" xoin" joem ri we' alhoem: ngei" byid: wa.

YEREMIA 7:31

Hinnom lang: khung" moo Tophed ga: myheing da" phoin: daloem: zhug da:. Hougmoo: nyangnu" gi nyangnu" da" yuggi zoo: myiyi: zoo: yiri nghe' ngei" da:. Ngoo gi nyangnu" ri hau: zi akoid nhang:. Hau: zigi nga" nheigloem: moo: boo lang" aboo.

EZEKIEL 23:37

Nya: tang: gi myi: shoid lang shoid moo" yo' byu said moo" shoid boem ago". Yu phara" soolhoo: joem yo' myi: shoid lang shoid wigi nya: tang: ngoo ri khu: byid: da" zooshang: yiri said da:. Nyang: tang: gi nga" zooshang: yiri nyangnu" da" yu phara" soolhoo: joem jhang xoin" ngei" pyam da:.

HOSEA 5:6

Nyangnu" gi Aseing ri xoin" ngei" byid: wa shid re" nyangnu" da" yang joem yo' nu joem ri she: yhe: ago". Nghoid loug we' houg joem gi nyangnu" ri ce: akyu" abyid: nghoid da:. Nyangnu" gi nyang: ri ashau" sho: myang loo: nghoid ago". Ciwim gari nyang: gi nyangnu" ri too" kho' abye:.

HOSEA 6:6

Ngoo gi nanu" da abei abyo, da" jheddab myid ri vho da:. Nanu" da" gougnyhoug xoin" ri avhoo:. Ngoo nga" byumyu" yi wigi ngoo ri nghe' ngei" xoin" to' byid: tho' nga" byumyu" yi wigi ngoo ri se boem wa zi je vho: da:.

XOIN" NGEI" 18:21

Moleg yu phara" ri no' wa jang" moo: ci: wa shid re" nanu" zoo: yi mo dayug ri we' a ab byid: goo". Ciwim gari: hau: zigi Aseing Mangso da" myeing ri shoem: nhang: zi nghoid.

XOIN" NGEI" 20:1

Aseing gi Moshe ri

AMO 5:22

Nanu" da" myi: nghe' xoin" yo' zoo: noem xoin" to' byid: ziri ngoo kham: yu loo wa zi anghoid. To' byid: xoin" khyo" ci: re" da" xu: sho' khu: myhu: to" gougnyhoug joem ri we' ngoo lhoem: kham: yu loo: wa zi anghoid.

PHILIMON 1:12

Akhid" ngoo nyang: ri re" jhang khyoo: nhang: kaid' bye- nga" jheddab myid we' nyang: yo' dage" bo re" loo bye.

TARHA" AGYI 11:31

Ngoo oung: pui" mo doem tau" lo uri ngoo ri tau' yu wa shid re" nga" yhoem: mo xang: shi" thu re" da" su: ri xoin" khyo" ngoo nang ri nghe' ngei" byid: wa. Ngoo gi byu hau: yug ri xoin" khyo" ngei" byid: wa» ga: dangsoo" byid: to" da:.

TARHA" AGYI 11:39

Lhammoo" eig khyab thang: ri nya: pho jhang doem tau" ju" lo da:. Yebtha gi Aseing ri nyang: dangsoo" byid: to" ziri koid bye:. Hau: myiyi: zoo: gi zoomyi: gyeing" khyo" nyid lo" da:. He: zigi Israela myiyi: yigi Gilead mo Yebtha da" myiyi: zoo: shid re" thu yhe: wigi zain khang" moo" myid: nyid" yhe: koug ngau yen" da" thung" ri: Israela byumyu" yi moo bue" thu re" da" khyoo: ajhung: nghoid da:.

1 SAMUELA 15:22

Samuela gi «Aseing gi ce: noem ri vho: nyid lha". Jidang: gyo: ziri lha". Anghoid lang" xoin" ngei" ziyo' xoin" joem ri lha". Nyang: ri ge thang da" yang xoin" ngei" tho' mo nya: jidang: gyo: zigi je ge nyid zi nghoid.