MIKHA 6:4 - Lacid Common Language Bible

⁴ Ngoo gi nanu" ri Egutu mung" mo shu" thu lo yu" bye:. Ngoo gi nanu" ri join, bue" nyid jang" mo khyoid yu bye:. Ngoo gi nanu" ri shu" vhu" shi: wa shid re" Moshe- Arun yo' Miriam ri nhang: kaid byid: bye:.

MIKHA 6:4 ပူးပေါင်းရင်းမြစ်များ

2 SAMUELA 7:23

Re" byumyu" bui" wa khyo" wigi nyangnu" ri join koid jang" mo nang khyoid yu da" Israela byumyu" yi yhang: ti" du da" byumyu" gootu: he: mougmyid tho' moo anyid loo: nghoid ago" da:. Nyangnu" shid re" nang koid shug da" gyi: sheung: ziyo' mau" pho" moo" zoo" joem gi mougmyid gyab goin" jhang khyoo: myeing khyang" byo: sain" nhang: bye:. Re" byumyu" bui" nhang: wa khyo" Egutu mung" mo nang khyoid yu bye: da" byumyu" yi to' yhe: loo" lang" gootu: byumyu" yi yo' nyangnu" da" yu phara" joem ri nang khaid thu byid: bye: zi nghoid.

COUNG" NGHEI 77:20

Nang gi Moshe yo' Arun eig yug ri vhujhung: koid lho: re" da" byumyu" yiri yang zoem: su: yhang: ti" shu" lo yu" abye:.

THU' LO" MOUGSOUG" 12:51

Hau: nyid" ri nyang:- Aseing gi Israela byumyu" kung: yiri Egutu mung" mo shu" thu lo da:.

THU' LO" MOUGSOUG" 20:2

«Nanu" join koid nyid da" Egutu mo shu" thu lo da" nanu" Aseing Mangsoo gi ngoo nghoid.

THU' LO" MOUGSOUG" 3:10

Akhid" nang nga" byu yiri vhu" she: lho: nya: mungdain: mo yo" shu" thu yu wa shid re" ngoo nang ri Egutu khokham jhang khyoo: nhang: kaid wa.

THU' LO" MOUGSOUG" 4:10

Nghoid loug we' Moshe gi «Aseing we" ngoo ri anhang:. Ngoo gi dang: nyeing" se' tid su: anghoid. Nang ngoo ri shid moo tid yhang: ti" nyeing" bui" zi anghoid. Ngoo gi nhoid lhid:- dang: ajoeb byeing"-yhoo: tei" su: nghoid».

THU' LO" MOUGSOUG" 4:16

Nyang: gi byumyu" yi shidkhoin" moo re" dang: tid su: nang ri bo tid byid: su: bue" wa nghoid. Nang we' Mangsoo yhang: ti" nghoid wigi citid wa zi nyang: ri tid kyo" nyid wa nghoid.

THU' LO" MOUGSOUG" 6:27

Houg tang: gi Israela byumyu" yiri loid byoin nhang: wa shid re" Egutu khokham ri yhe: tid bye:.

YEREMIA 32:21

Mau" pho" alhoo: again yo' mau" pho" moo" zoo" joem gang mo ngoonu" da" gyivoo yi dain byug abye:. Re" byumyu" Israela ri Egutu mung" mo shu" thu lo wa shid re" yoem: so' yo' yoem: ri we' nang ci: abye:.

AMO 2:10

Ngoo gi nanu" ri Egutu mung" mo shu" thu lo lho: dain" pyoid yoo khyo" myid: xi: zain shu" loo bye:. Hougsu" wigi Amori mung" ri nanu" seing: wa shid re" ngoo byid: bye:.

GYUNG: SOO" 12:1

Moshe gi Khusha myiyi: dayug yo' lo, xo' yu da:. Miriam yo' Arun tang: gi houg: yoomo nyang: ri yooboo foin: dang: tid ago".

GYUNG: SOO" 33:1

Vhoo: mo joyoo myeing joem gi Israela byumyu" yi Moshe yo' Arun vhujhung: koid da" akhoug: moo: nyangnu" Egutu mo thu' lo thang: ri dab koid wigi nyid lo da" joyoo myeing joem nghoid.

ACTS 7:36

Nyang: gi Egutu Mung" moo we' - gyid thoem" ni moo we' - dain" pyoid yoo moo zain, loem: myed: xi: mau" pho" alhoo: again yo' mau" pho" moozoo" joem ri zei: shug lho: Israela byumyu" yi ri Egutu mung" mo shu" thu loo bye.

TARHA" TID POIN" 15:15

Nanu" gi Egutu mung" moo join bue" lo" wigi re" Aseing Mangso wigi nanu" ri loid byoin nhang: ziri myid boin: we'. He: zigi akhid" nanu" ri he: amyeing" byid: nyid zi nghoid.

TARHA" TID POIN" 24:18

Nanu" gi Egutu moo join bue" kho' wigi nanu" da" Aseing Mangsoo wigi nanu" ri khyoid yu ziri myid boin: ge'. Houg: yoomo ngoo gi nanu" ri he: amyeing" dang: byid: too" bye:.

TARHA" TID POIN" 4:20

Nghoid loug we' nanu" gi myikhyoem' yhang: ti" da" Egutu mo nyang: khyoid yu da" byumyu" yi nghoid. Akhid" nyid" nanu" nghoid nyid ziyo' dakhyo" nya: byumyu" koid yu wa shid re" nyang: gi nanu" ri shu" thu lo zi nghoid.

TARHA" TID POIN" 4:34

Nanu" Aseing Mangsoo gi Egutu mung" moo nanu" ri koid ziyo' dakhyo" gootu: mung" mo byumyu" yiri yhe: voem" shu" yu wigi nyangnu" ri nya: byumyu" koid yu yu" da" gootu: yu phara" nyid go" la". Nanu" myojid" vhoo: moo Aseing nya: yoem: so' moo" yo' yoem: vhoo" ri ci: shug bye:. Nyang: gi lang: yoem" no yo' gyi zain: pui" ri bui" nhang: lho: mau" pho" alhoo: yo' mau" pho" lo, moo" koid wigi gyoug dain ja: ri bui" nhang: bye:.

TARHA" TID POIN" 5:6

‹Ngoo gi nanu" join bue" lid lo da" Egutu mung" mo nanu" ri khyoid yu da" su: nanu" Aseing Mangsoo nghoid.

TARHA" TID POIN" 7:8

Nghoid loug we' Aseing gi nanu" ri jheddab wigi nanu" phoug" phyid" yiri byid: to" da" dangsoo" ri jhug zug yoomo nghoid da:. Houg: yoomo nyang: gi nanu" ri nya: yoem: so' moo" wigi khyoid yu lho: Egutu khokham ri join koid byid: nyid jang" mo loid byoin nhang: bye:.

TARHA" TID POIN" 9:26

Houg: lho: ngoo akyu" mho' zigi ‹Yoem: moo" bo da" Aseing we"- re" yoem: moo" yo' yoem: so' khyo" Egutu mo shu" thu lo lho: nang khyoid yu bye: da" byumyu" nghoid da" re" byumyu" yiri asaid pyam o".

1 SAMUELA 12:6

Hau: lho: Samuela gi «Aseing gi Moshe yo' Arun ri khyen: yu wigi nanu" da" phoug" phyid" yiri Egutu mung" mo shu" thu loo su: eig yug nghoid ago".