MIKHA 5:3 - Lacid Common Language Bible

³ Hougsu" nghoid wigi myhi' zeing gi zoo: khu: re" jang" moo ju" sho' Aseing gi nya: byumyu" yiri nyangnu" da" gyivoo joem lo, khoug: moo she: pyam too" wa zi nghoid. Hau: thang: ri tungbau moug: moo pyoung" to" zi shau" da" Israela byumyu" yi gi nya: da" moug: moo nyid yam: cang" yi yo' dage" doem shoug" shoin" nyid wa nghoid.

MIKHA 5:3 ပူးပေါင်းရင်းမြစ်များ

1 KHOKHAM 14:16

Yeroboam yooboo shoid wigi Israela byumyu" yiri yooboo khoug: khyoo: shu" loo yoomo Aseing gi Israela byumyu" yiri she: pyam wa zi nghoid» ga: tid.

2 KHOKHAM MHOOMYID: 30:7

Aseing Mangsoo ri jhug azug boem da" nanu" phoug" phyid" yi yo' nanu" da" bidnoem Israela byu yi yo' atu' go". Nanu" shau" myang bye: ziyo' dayhang: ti" nyang: gi houg: bang: ri gye" xoo: sho' yooboo dam byid: da:.

COUNG" NGHEI 67:3

Mangsoo we"- re" da" mung" byu yi nang ri coung" nghei goo baja". Meing: byu yi bain sho' nang ri coung" nghei nyid goo baja".

ESAIA 11:11

Hau: bidnyid ju" loo lang" Aseing gi nya: yoem so' ri dalheing: doem ci wigi Asuri- Egutu- Pathro mung" joem Etiopi- Elam- Babelon- Hamad yo' gyid yam cang mo mungdain: joem panglai: gugyoo: kang joem moo nyid deing jo, boem da" nya: byumyu" yiri yhoem: khyoo: doem shu" tau" yu wa.

ESAIA 49:6

Aseing gi ngoo ri «Nga" dei zoo: we"- re" shid re" je gyi: da moo" nga" jang" moo jo,. Nyid deing nyid da" Israela byumyu" yi gyi: sheung: wa shid re" nang ri nyhid: too" wa zi za: anghoid. Mougmyid dangain" khyoid yu zi shoug" wa shid re" ngoo gi nang ri byumyu" yi da" bidbang ri we' bui" nhang: wa» ga: tid da:.

YEREMIA 23:5

Aseing tid zigi «David da" amyed ashen mo deingmain" da" byu dayug ri khokham khyo" khyen: yu wa ayo, ju" lo nyid bye:. Hau: khokham gi phajhi" boo boo za: vhoeb wigi mungdain: goin" moo jo ziyo' tarha" deing byeung" zi koid loo wa.

YEREMIA 31:1

Aseing tid zigi «Ngoo gi Israela byumyu" kung: joem dangain" da" Mangsoo bue" lo wigi nyangnu" gi nga" byumyu" bue" loo goo" wa da" ayo, ju" lo nyid da:.

EZEKIEL 34:16

«Ngoo gi byug byug da" yang ri cang shoo: wa. Lam" byug da" yang ri doem shu" tau" yu wa. Dam dab du: ri dam noo thoeb byid: wa. Noo bang: ri macid" byang" byid: wa. Nghoid loug we' xu: wigi yoem: bo bang: rigi said pyam wa. Ciwim gari ngoo gi jo ziri koid da" yang zung" su: nghoid.

HOSEA 11:8

«Israela byumyu" yi we" nanu" ri khasu" tho' se' to" pyam wa la". Nang ri ngo wigi khasu" tho' she: pyam khoo' wa la". Adma ri ngo wigi phyo' shoin' pyam ziyo' dakhyo"- anghoid lang" Zeboim ri ngoo baid yhang: ti" nang ri ngoo khasu" se' koid wa lug la". Nga" nheigloem: gi hougsu" koid wa shid re" agyoo: wa. Nang ri jheddab da" nga" nheigloem: gi gye" gyi: sheung: nyid da:.

HOSEA 2:14

Houg: yoomo ngoo gi nyang: ri dain" pyoid yoo khyoo: doem shu" yhi: loo wa. Hau: joyoo moo ngoo gi nyang: ri jheddab dang: khyo" doem tid oung: yu wa.

HOSEA 2:9

Houg: yoomo gug zoo shivoo: yhoem" yo, ri ngoo gi nga" jhungshug shivoo: yo' zabyid yhid: ri doem tau" yu pyam wa. Nyang: ri byimi shid re" ngoo byid: to" da" soug" goug" yo' zin: yung" pain" gi ri doem yu pyam byid: wa.

AMO 5:15

Akhyeing" ashoeb da" khyoo: ri ngheung" lho: ge da" khyoo: ri jheddab nyid we'. Hau: lho: tarha" yung" moo we' tarha" deingmain" khyo" bui" nhang: we'. Aseing gi he: byumyu" mo ashid: loo: nyid deing gyoo" mo, ri nheig to khyeug shi" abe.

MIKHA 4:4

Byu yugkhang" moo" gi nyang: nya: da" zabyid khyam: yo' lafoem' khyam: khoug: moo yug yo myenjham" za: yo" nyid loo" goo" wa. Nyangnu" ri kyoug: nhain wa byu aboo loo. Yoem: moo" bo da" Aseing gi he: da" dangsoo" khoin" ri byid: too" bye:.

MIKHA 4:7

Nyangnu" gi khyid: yoin" wigi yhoem: moug: mo ve: gang: nyid boem nghoid loug we' nyid deing bang: mo ngo wigi aseig doem nyheing lho: nyangnu" gi gyi: sheung: da" byumyu" doem bue" loo goo" wa. Hau: ayo, mo thang: phyang" apyaid atoo: moo ju" sho' ngoo gi nyangnu" ri Ziun boem tho' moo vhoeb nyid loo wa» ga: tid.

MIKHA 5:7

Ashid: loo nyid deung jo, da" Israela byumyu" yigi byumyu" myoo" sho' mo, shid re" Aseing wigi khyoo' byid: da" nghain: jhu" yo' nyau young" lo da" shivoo: joem da" atho' moo voo byid: da" moug: gyid yhang: ti" bue" loo wa nghoid. Nyangnu" gi byu yiri anghoid Mangsoo ri khau: nghe: lo boem wa nghoid.

MIKHA 5:8

Byumyu" yi moo nyid deung gyoo" mo, gi siyoo moo zoo: noem ri kuang yen" da" khangkhyi joem yo' dakhyoo" ti" nghoid boem wa. Nyangnu" gi yang phung: gung khyoo: vang yhe: lho: yang joem ri byam zeug myheug yu wigi adu atoem ngaid phyed pyam lho: houg: mo yo" khyoid yu wa da" nheig byu jang: ajo, loo.

MIKHA 6:14

Nanu" gi voem: zo: nghoid loug we' agyi: wa gyeing" nyang: nanu" gi zoo za: dayoid nyid shi" goo" wa nghoid. Nanu" gi ziyoo joem yo' de" loo" goo" nghoid loug we' ashau" seung: ci: boem wa. Nanu" gi yo" seung: ci: boem nghoid loug we' ngoo wigi meing: zain: jang: moo phyo' shoin' pyam byid: wa nghoid.

MIKHA 7:13

Nghoid loug we' mougmyid gi hau: moo: nyid da" byu yi da" akhyeing" ashoeb moo" zoo" yoomo midcoo: boem" dain" pyoid yoo bue" loo" goo" wa nghoid.

ZEKHARIA 10:6

«Ngoo gi Yuda byumyu" yiri yoem: bo jo, nhang: wa nghoid. Israela byumyu" yiri khyoid yu wa. Ngoo gi nyangnu" ri nheig khyeug yoomo nyangnu" dangain" ri yhoem: khyoo: doem shu" tau" yu wa zi nghoid. Nyangnu" gi ngo wigi khanham we' angeug pyam' yu" da" mo, yo' dakhyoo" ti" nghoid wa. Ngoo gi nyangnu" da" Aseing Mangsoo nghoid- nyangnu" da" akyu" mho' thui: joem ri tam" gyoo: byid: nyid wa zi nghoid.

MATHE 1:21

Nyang: gi yuggi zoo: khu: loo wa zi nghoid. Nang nya: myeing ri Yesu ein: myheing byid: ca" wa. Khasu" wim gari nya: da" Byumyu" ri nyang: nya: youg: noo yooboo mo khyoid' yu wa su: nyang: nghoid nyid».

MATHE 12:50

Mougkhung: tho' moo nyid da:- Nga" phoo vho: khyo" cang koid: mo, hang" we' Nga" mang: nga" nhung"- nga" nham" mo" yo' nga" myhi, nghoid bye:» ga: tid.

MATHE 25:40

Khokham" gi nanu" ri ngoo deung" deing tid ba"- Hid: nga" nhung" yi khoug: mo:- nge thang su: ri yu coung: da" zigi ngoori yu coung: zi nghoid bye:› ga: tid.

Roma 8:29

Mangsoo: gi - nyang: khyen yu too" mo, ri nya: zoo: Yesu yhang: ti" bue" loo wa shid' re" nghoid.