MIKHA 5:2 - Lacid Common Language Bible

² Aseing tid zigi «Bedlehem Ephrad we"- nang gi Yuda voogung joem mo nge thang voogung daloem: nghoid loug we' goonham' gooco' byuyoug gyung: gyo" loo su: Israela khokham dayug ri nang mo khu: thu loo nhang: wa nghoid.

MIKHA 5:2 ပူးပေါင်းရင်းမြစ်များ

APOEM AYANG: 35:16

Yaku yo' nya: yhoem: byu yigi Bethela mo thu lo" lho: nyangnu" gi Ephrad khyoo: ade: yo" ju" shi" moo nyid nyid uri Rakhela gi zooshang: co' phyed bidnyid ju" wigi gyi: sho' nyang: no nyid bye:.

APOEM AYANG: 35:19

Rakhela shid: byug lang" Nyang: ri akhid" Bedlehem ga: da" joyoo Ephrad khyoo: yhe: lo" da" khyoo: nam moo myhoeb pyam bye:.

APOEM AYANG: 48:7

Ngoo gi re" myhi' Rakhela yoomo ngoo hid: su" koid bye:- Mesopotamia mo ngoo doem tau" lo nyid ri Khanan moug: khoug: Ephrad mo gyi" sho' ave: da" joyoo daloem: moo nyang: shid: khari" yoomo ngoo gye" koug bye:. Ngoo gi nyang: ri Ephrad khyoo: yhe: lo" da" khyoo: yam moo myhoeb too" bye:» ga: tid kyo". (Ephrad ga: zigi akhid" Bedlehem ga: da" joyoo nghoid.)

APOEM AYANG: 49:10

Yuda gi khokham lhamdung: ri ci: su: nghoid. Houg: lho: nya: amyed ashen gi ajang" davhoeb khang" nyid wa bye:. Byumyu" yigi nyang: ri kheing" di" byid: wigi Nya: shidkhoin" moo tam" gyo: vhu" nghuid" nghuid" boem wa bye:.

1 KHOKHAM MHOOMYID: 2:54

Bedlehem ri te: su: Salma gi Netopha byu yi Atrod Bed Yoab byu yi yo' Zori byu yi da" phoug" phyid" nghoid wigi nyangnu" gi Manahad akung: ako' eig kung: mo dakung: bang: nghoid da:. (

1 KHOKHAM MHOOMYID: 5:2

Nghoid loug we' Yuda byumyu" kung: gi yoem: bo thang da" byumyu" kung: bue" lo lho: byumyu" kung: dangain" bang: shid re" vhoebkhang" su: bue" lo da:.)

COUNG" NGHEI 132:6

Bedlehem voogung moo Dang: Theing Kuid: khyoo: ri ngoonu" shau" gyo: lho: hau: Kuid: ri Yearim da" dain" moo: ngoonu" myang boem bye:.

COUNG" NGHEI 90:2

Boem joem ri aphain" so: too" shi" ziyo' mougmyid yoosoo" ri amyhu: too' shi" mo wigi nang gi pyaid mo too: mo Mangsoo nghoid.

THU' LO" MOUGSOUG" 18:21

Hau: tho' ago"- ge: bui" wa da" byu dayham" ri khyen: yu wigi nyangnu" ri byu dakhyeing" yug- dashoo: yug wim xi: yug- daxi: yug ri vhoeb wa da" vhujhung: khyo" khyen: too" we'. Hau: bang: gi deungmain" ziyo' khougvhoid ayu da" Mangsoo ri gyoug phau" myang: da" bang: nghoid ca".

THU' LO" MOUGSOUG" 18:25

Israela byumyu" yi akhoug: mo ge bui" wa da" byu ri khyen: yu bye:. Nyang: gi nyangnu" ri byu dakhyeing" yug- dashoo: yug- wim: xi: yug- daxi: yug ri vhoeb wa da" vhujhung: yi khyo" soin' too" da:.

ESAIA 11:1

David da" khokham kung: gi thug lheing: pyam bye: da" seiggam yhang: ti" nghoid da:. Nghoid loug we' seig ngoid mo seig bu: aseig to re" ziyo' dakhyo" David da" amyed ashen yi mo khokham aseig dayug doem thu loo wa.

ESAIA 53:2

Nya: dei zoo: gi kyug hei' da" myidgung moo agyi: cen' da" agam yo' dakhyoo" ti" nghoid wa ziri Aseing da" myid vho: khyoo: nghoid. Nyang: gi ngoonu" wigi yu" xoem" wa da" langi: yo' yung" gyeing" avoid ayoo" nghoid da:. Nyang: ri yu" nheig dab pho" zi ci: aboo. Ngoonu" ri nya: jhang she: yu wa ci: aboo nghoid da:.

ESAIA 55:4

Ngoo gi nyang: ri vhujhung: yo' byumyu" yi da" gyizoug: bui" nhang: bye:. Nyang: khyo" wigi nga" yoem: so' ri nyangnu" ri ngoo toin" shid bye:.

ESAIA 7:14

Houg: lang" gi bye:. Aseing gi nyang: nyang: avoid daja: ngoonu" ri byid: loo wa. Hau: zigi gung lid: da" zoomyi: dayug gi yuggi zoo: dayug khu: loo wa. Nya: myeing gi Emanuela ga: myheing loo wa.

YEREMIA 30:21

Nyangnu" da" vhoebkhang" su: gi nyangnu" nya: byumyu" mo thu loo wa. Nyangnu" da" khokham nya: zoo: gi nyangnu" nya: byumyu" mo thu loo wa. Nyang: ri ngoo khi: lang" nyang: gi nga" jhang tab lo loo wa. Akhe: ri hang" voem" loo wa la. Nyangnu" gi nga" byu yi nghoid lo wigi ngoo gi nyangnu" Mangsoo nghoid wa. Ngoo Aseing tid too" bye:».

HOSEA 6:3

Ngoonu" gi Aseing ri si' wa shid re" yoem: kaid shang. Nyang: gi nab soin: moug: bo" re" ziyo' dakhyo"- mougmyid mo vo khyo' da" gyu moug: yu: yhang: ti" ngoonu" jhang re" loo wa» ga: tid ago".

AMO 9:11

Aseing tid zigi byo, yoin" loo" bye: da" yhoem: yo' du da" David mungdain: ri ngoo doem tu: to' kaid wa da" bidnyid gi ju" loo bye:. Hau: voogung vang khyam: joem ri ngoo doem nyheung pho: lho: doem tu: to" wa. Ngoo gi hau: ziri doem zhug to" lho: goonham' yo' dakhyoo" ti" koid wa nghoid.

MIKHA 4:10

Yerusalem voobyu yi we"- zookhu: wa soin' nyid da" myiyi: myhi' yo' dakhyoo" ti" lang: yhen lho: koug ngau nyid we'. Khasu" wim gari akhid" nanu" gi voomoo" mo phang: thu lo" lho: jang: dam pa: moo nyid ca" goo" wa. Nanu" gi Babelon khyoo: yhe: loo" goo" wa nghoid. Nghoid loug we' Aseing gi nanu" ri hau: jang" mo nanu" da" gyivoo joem da" lo, mo nanu" ri khyoid shu" loo wa zi nghoid.

ZEKHARIA 13:7

Myhang: thang da" Aseing tid zigi «Lhab' sham: we" too' we' nga" moo" zei: da" yang zung" su: ri zain: we'. Nyang: ri said we'. Houg: lang" yang zung" su: ri said pyam' lang" gi yang joem gi byo sain" lo" byug wa nghoid. Ngoo gi nga" mung" byu yiri zain: loo wa nghoid.

ZEKHARIA 9:9

Ziun mung" byu yi we" gye" gau yi ngei bu: nyid ge'. Yerusalem bang: we" yoid nyho: loo ngei bu we'. Yu" we'- re" da" khokham phoo gi re" jang" moo ju" re" da:. Nyang: gi ung: pui" oung: myug ziyo' ju" re". Nghoid loug we' nyang: gi nu" nham' lho: loo zei: tho' moo zhung: wigi re" bye:. Nghoid- Loo zei: nu" dadu: atho' moo zhung: lho: wigi re" da:.

MATHE 2:1

Akhid" Herod khokham" da" pyaid moo Yuda mung" mo Bedlehem voogung moo Yesu bain khu: lo thang: ri yu" ge' bid thu' mung" mo phajhi" bo da" byu yi gi Yerusalem voogung moo zheung: ju" re" boem wigi

MATHE 2:6

‹Yuda mung" mo nang Bedlehem we"- Yuda voogung yi tho' moo Nang je nge nyid zi anghoid. Nga" da" amyu" Israela ri shu" vhu" khu: wa da" zoug: gi nang mo thu' loo wa ga: wigi nyang: ri tid kyo" boem.›»

MATHE 28:18

Aseing Yesu gi cangzoo: yi jang" moo tain re" lho: mougkhung: tho' yo' myidjang: dang moo jo, da" amyeing" a: na: dangain" gi ngoori byid: too" bye.

LUKA 23:2

Hau: thang: ri nyangnu" gi he: yug gi byu phung: yi ri khyoo: vhang: nhang: wa shid' re" Ketha khokham" ri khang" dug ayo" kaid ga: tid khyoo: ri we' ngoonu" nyang: myang boem bye: ga: tid - Hau: lho:» ga: tid yoomo ngoonu" nyang;r i: myheig lho: nyang: ri yooboo foin boem.

LUKA 23:38

Nya: da" vhuloem phyoo" moo He: Yug Gi: Yuda khokham" Nghoidga: lhid" tab to" boem.

YOHAN 7:42

Meshia gi David da" nya: myid nya: zoo: nghoid ca" ga: wigi we' David nyid khare" da" Bedlehem mo po" thu' loo wa ga: wigi we' Jhoem: dang: moo bo ga: wigi we' tid go" nyid boem da.

TARHA" TID POIN" 1:15

Houg: yoomo nanu" byu kung: yi mo nanu" khyen: byid: da" phajhi" bo thung" shoug" khyoo: myo: da" vhujhung: yiri ngoo shu" yu wigi ngoo gi nyangnu" ri nanu" adang moo vhoebkhang" wa shid re" moo" byid: bye:. Dayham" gi byu dakhyeing" adang moo dayham" gi byu dasho: adang moo dayham" gi byu wim: xi: adang moo dayham" gi byu daxi: adang moo yoovoin yu nhang: bye:. Ngoo gi gootu: moo" voin bang: ri we' byu kung: yi mo khyen: too" bye:.

KOLOSE 1:17

Nyang: gi dangain" da" shid' mo nyid nyid wigi jo, moo jo, gi nyang: nya: joyoo yo' joyoo moo geung: jo, ago".

HEBRE 13:8

Yesu Khristu gi anyi nab, akhid" nyid"- thang: phyang" apyaid atoo: moo we' - dakhyoo" ti" danyid nyid.

HEBRE 7:14

Aseing: gi Yuda byumyu" mo khu: thu' lo zigi bang bang nyang nghoid nyid Moshe gi khain: jung yi yo' sen: lho: wigi tid uri Yuda byumyu" da" mhoomyid: ci" we' atid too.

1YOHAN 1:1

Xang: shid" mo nyid nyid bye: da" hau" kangso' dei da" mungdang: khyoo: ri nanu" jhang khyoo: ngoonu" lhid" kaid' boem. ngoonu" gi hau: ziri shau" gyo: yu" boem bye- myojid" yo' we' myang yu" boem bye- nghoid -ngoonu" myang yu" boem bye: yoomo ngoonu" da" lo, wigi we' shau" tain" yu boem bye.

Pang Shug 19:16

Nya: da" byisheing: yo' nya: tang" boug" moo " Lhed" tab to" da" myeing gi " Khokham" yi da" Khokham" - Aseing: yi da" Aseing:,, ga: lhid" to".

Pang Shug 2:8

Samurna phung da" moug: lagyoo: jhang khyoo:- hid: su" ein: lhid" kaid we' He: da" dang: gi xang: shed' su: yo' lo" thang su:- shid: lo" lho: kangso' doem dei loo su: youg jang" mo mungdang: nghoid.

Pang Shug 21:6

Hau: lho: nyang: doem, tid zigi Hau: gu: gi bain koid bye"- ngoo gi xang: shed" mo su: yo' thang: thang mo su- gam shid" shi: su: yo' gam thang: theing su: we' nghoid- gyid shed' su: ri hau" kangso' gyid ' bug moo shug gyid ri aphoug" amho, loo: za: ngoo byid: wa zi nghoid.

TARHA" AGYI 17:7

Hau: ayo, moo Yuda mung" mo Bedlehem voogung moo Levi zoolu: dayug nyid da:.

RUTHA 1:1

Goonham' Israela mung" moo khokham ga: zi anyid shi" ri phang" khoug gyo" lo. Yuda mung" mo Bedlehem voobyu Ephrad byukung: moo bo da" Elimeleg gi nya: yhoem: seing: myhi' Naomi yo' nya: yug gi zoo: tang: Malon yo' Khilion ri shu" lho: wigi Moba mung" moo yhe: nyid wa shid re" zug byung: lo" ago". Nyangnu" gi houg: moo yhe: nyid nyid da" ayo, moo

RUTHA 4:11

Hau: khoem" duang: moo bo zhung: jo, da" mung" byu yi yo' zoug: ludaid yi dangain" bang: we' «Ngoonu" gi sagse: nghoid boem bye:. Re" yhoem: moo thu lo da" re" yhoem: seing: myhi' gi Yaku ri zooshang: myoo" sho' khu: byid: da" myiyi: Rakhela yo' Lea yhang: ti" bue" jo, sho' Aseing wigi soin' byid: zi nghoid bye:. Nang we' he: da" Ephrad moo yoo" zo: yoo" shug lo wigi Bedlehem: moo myonhoo: ngilang: bugthu sheing" jhu" loo baja" o".

1 SAMUELA 10:19

Ngoo gi nanu" da" yau: khe" kyi" khyeug khyoo: dangain" jang" mo khyoid yu da" nanu" Mangsoo nghoid nyid. Nghoid loug we' akhid" nyid" nanu" gi ngoo ri ngeug he: pyam lho: nanu" shid re" khokham dayug byid: wa khyo" ngoo ri mho' nyid ago". Gi bye: Aseing da" shidkhoin" moo akung: yo' akung: byumyu" yo' byumyu" nanu" nyang: zeung: foem: nyid ge'» ga: tid bye:.

1 SAMUELA 17:12

David gi Ephrad ga: da" Yuda mung" Bedlehem voogung moo nyid da" Yese da" nya: zoo: nghoid da:. Yese gi zooshang: shid yug yo" ziyo' Sholu khokham koid nyid da" pyaid ri nyang: gi gye" mang: lo" nyid bye: zi nghoid.

1 SAMUELA 17:18

He: da" nunoug" kyug khyi' daxi: loem: ri we' nyangnu" da" zoug: jhang khyoo: ci: yhi: byid: we'. Re" mang: bang: nyid nyid ziri yhe: yu" wigi nyangnu" yang" nyid la'- ayang" nyid la'- nyangnu" jang" mo daja: ja: lu dang: doem lo tid kyoo" we'.

1 SAMUELA 23:23

Nyang: gau" nyid da" ziri goolho' za: yo" se' yu lang" nga" jhang khyoo: dain: za: lu doem fu" ge'. Houg: lang" ngoo nyangnu" yo' dage thu' lo" lho: hau: moug: cang nyang: danyid shi" nghoid rigi ngoo gi nyang: ri Yuda khyeing" moin gyoo: mo yoo" sho' sho: yu wa zi nghoid.»

1 SAMUELA 8:12

Nyang: gi houg: bang: mo dayham" ri byu dakhyeing" ri vhoebkhang" da" moo" voin bang:- byu wim: xi: ri vhoeb da" moo" voin bang: koid nhang: wa zi nghoid. Nanu" da" nya: zoo: yiri gi nya: da" yoothung" ri phug nhang:- shivoo: ri yham" nhang:- nya: da" gyizi gyikhoo: koid nhang: ziyo' nya: myang: rheing" zuang shid re" ca" gu: ri koid nhang: wa zi nghoid.