MIKHA 5:12 - Lacid Common Language Bible

¹² Ngoo gi nanu" koid da" main tain khyau" da" moo" zoo" ri we' phyo' shoin' pyam lho: nanu" mo boid phyid- lo, kyo' yu" bang: ri we' teung too" wa zi anghoid.

MIKHA 5:12 ပူးပေါင်းရင်းမြစ်များ

ESAIA 2:20

Hau: bidnyid ju" loo lang" nyangnu" koid ci: da" ngei yo' sheing: yu phara" soolhoo: joem ri nyangnu" she: pyam pyam wa. Hau: joem ri gyu, shoug" yo' pho shid joem jang" khyo: she: pyam pyam wa.

ESAIA 27:9

Nghoid loug we' Israela da" yooboo joem rigi tarha" tungbau yi da" phoin: lug boem joem gi shoofuid" lug khi' yo' dayhang: ti" gyoeb pyam wigi shoem: nam pyo: xu: nghe' ngei" da" phoin: joem yo' yu phara" myhi' Ashera da" soolhoo: joem adeing jo, loo lang" za: yooboo khyoid byid: zi shoug" wa.

ESAIA 44:17

Deing da" seig thung" rigi yu phara" soolhoo: koid lho: nyang: goeb pid no' da:. Nyang: gi hau ziri akyu" mho' wigi «Nang gi nga" yu phara" nghoid- ngoo ri khyoid yu la o"» ga: tid da:.

EZEKIEL 16:41

Nyangnu" gi re" yhoem: joem ri nghe' pyam wigi re" yooboo dam loem zo: ziri myiyi: yiri shau" myang nhang: loo wa. Ngoo gi nang ri shava myhi' bui jang" mo theing: pyam nhang: lho: re" zooyam phoo yiri jhungshug joem gam byid: ziri toem' pyam wa.

EZEKIEL 36:25

Ngoo gi nanu" da" jang" moo gyid gyeing: yo' pyi: sain" wigi nanu" ri nanu" da" yu soolhoo: joem dangain" mo yo' nanu" ri ayung" alho' bui" nhang: da" gootu: ja: khang" moo" mo younglho' loo nhang: wa.

ZEKHARIA 13:1

Yoem: moo" mo Aseing tid zigi «Hau: da" bidnyid ju" lo uri David da" nya: myid: nya: zoo: yi yo' Yerusalem voomoo" moo nyid da" voobyu yi da" yooboo yo' soolhoo: ri no' da" khyoo: ri cid" shang: pyam' byid: wa shid re" gyid bug dakhyung: phang byid: wa.

TARHA" TID POIN" 18:14

Hau: thang: Moshe gi «Nanu" yhe: seing: yu wa zi za: danghoid lo: da" mung" mo byu yigi boid phyed bang: da" phajhi" byid: khyoo: ri cang wigi boid phyed- gyo, joo: yu" ago". Nghoid loug we' nanu" Aseing Mangsoo gi nanu" ri hau: ziri koid wa shid re" akhang" abyid: nghoid da:.

Pang Shug 19:20

Hau" akhyeung" da" gougnyhoug ni, zeing gi nya: shid khoin" moo mau" pho" alhoo: again joem ri toin" shid mo, mhau' da" lapi: yi yo' dage" thung: myheug lhoung pyam' zi shau" bye. (Nyang: gi akhyeung" goug nyhoug zeung: da" soolhoo: dab, mo, yo' akhyeung" gougnyhoug da" soolhoo: rinoku goeb, pid' bang: ri mau" pho" alhoo: again joem yo' mhau' yu su: nghoid) Nya: eig yug gi fang yo' nge" nyid da" myimi: thoem" khoug: khyoo: - adei phab' phab' du" zei kaid' zi shau" nyid ago".

Pang Shug 22:15

Nghoid loug we' voogung da" nghe: shoid moo nyid mo, gi loem" jeung" khyoo: moo khyoo: vhang: vhang: mo, goem, phain" maintain: khyoug" mo, yo' aved, avhu: koid mo, byu said mo, soolhoo: ri noku mo, yo' ung: khoug: mo we' zei: da" moozoo" khyo" we' no" zo mhau' fain" voo mo, nghoid nyid boem ago".