MIKHA 5:11 - Lacid Common Language Bible

¹¹ Ngoo gi nanu" da" mougmyid mo voomoo" joem ri phyo' shoin' pyam lho: nanu" da" khoug: goo zung: joem dangain" ri we' doin: lheung: pyam byid: wa.

MIKHA 5:11 ပူးပေါင်းရင်းမြစ်များ

ESAIA 1:7

Nanu" mungdain: gi jham" coug: youg bue" byug wigi nanu" da" voomoo" joem gi myidgung mo nghe" gyo" pyam to" abye:. Nanu" yu" nyid uri nyang: tungbau byu yigi nanu" mungdain: ri seing: yu pyam lho: ja: khang" moo" ri phyo' shoin' pyam ago'.

ESAIA 2:6

O" Mangsoo we"- Re" byumyu" yi nghoid da" Yaku da" amyed ashen yiri nang she: pyam pyam abye:. Mungdain: gi bidthu shoid mo yo' Philisti mung" mo fa" da" moo" byeung" jo, da:. Byumyu" yigi tungbau byu yi da" thung" ri: joem ri cang boem abye: go".

ESAIA 27:9

Nghoid loug we' Israela da" yooboo joem rigi tarha" tungbau yi da" phoin: lug boem joem gi shoofuid" lug khi' yo' dayhang: ti" gyoeb pyam wigi shoem: nam pyo: xu: nghe' ngei" da" phoin: joem yo' yu phara" myhi' Ashera da" soolhoo: joem adeing jo, loo lang" za: yooboo khyoid byid: zi shoug" wa.

ESAIA 6:11

Ngoo gi «Aseing we"- he: zigi kha myhang myang" wa la"» ein: myid: bye:. Nyang: gi «Voomoo" joem byo, lo" lho: akoem: bue" da" ayo, ju" sho' yhoem: joem moo: byu anyid da" ayo, ju" sho' mungdain: nyang: we' jham" coug: youg bui" yo, ju" sho' myang" wa.

NGOUG JI: 2:2

Aseing gi nheig akhyeug loo: za: Yuda mung" mo voogung khang" moo" ri phyo shoin pyam bye:. Hau: mung" hau: meing: ri goem loem byid: da" gyidab joem ri we' phyo khyo pyam byid: bye:. Nyang: gi hau: khokham mungdain: yo' vhoeb khang" bang: ri myonhoo: shoem: loo" nhang: bye:.

EZEKIEL 38:11

Nang gi gyikhoug: zung ajo,- vang khyam: abo da" voomoo" joem moo yug yoo myenjham" ziyo' goem loem tung" nyid boem da" byumyu" yi joyoo' khyang: khyang: de: de: mungdain: khaid jhen" vang seing: yu wa shid re" myid phyed loo goo" wa.

HOSEA 10:14

Meing: zain: pui: gi re" byu yi jhang ju" re" lho: nanu" gyidab vang dangain" re" phyo' shoin' pyam zi shau" loo wa. Hau: zigi Shalman khokham wigi Bethebela voomoo" ri gyi khaid lho: phyo' shoin' pyam ziyo' myhi' zeing yiri yo' nyangnu" da" zooshang: yiri khyoeb moin' said pyam da" bidnyid yo' dayhang: ti" nghoid loo wa.

AMO 5:9

Nyang: gi yoem: so' gyi mo, yo' nyangnu" da" gyikhoug: zung joem ri byo, yoin" loo" nhang: nyid.

ZEKHARIA 4:6

Aseing wigi Zerubabela ri tid kyoo" wa da" mungdang: ri moug: lagyoo: gi ngoo ri tid kyo". Hau: mungdang: gi «Nanu" da" yoem: so' khyo" meing: zain: go" khyo" yo" bue" loo wa zi anghoid- nga" Venyi: khyo" za: danghoid» ga: tid.