MIKHA 5:1 - Lacid Common Language Bible

¹ Yerusalem voobyu yi we"- nanu" da" gyi yoem: ri zheing" ge'. Ngoonu" gi gyivoo joem khoem lheung ci: zi shoug" bye:. Nyangnu" gi Israela vhujhung: yiri re" khaid zain: nyid boem bye:.

MIKHA 5:1 ပူးပေါင်းရင်းမြစ်များ

APOEM AYANG: 35:19

Rakhela shid: byug lang" Nyang: ri akhid" Bedlehem ga: da" joyoo Ephrad khyoo: yhe: lo" da" khyoo: nam moo myhoeb pyam bye:.

APOEM AYANG: 49:10

Yuda gi khokham lhamdung: ri ci: su: nghoid. Houg: lho: nya: amyed ashen gi ajang" davhoeb khang" nyid wa bye:. Byumyu" yigi nyang: ri kheing" di" byid: wigi Nya: shidkhoin" moo tam" gyo: vhu" nghuid" nghuid" boem wa bye:.

1 KHOKHAM 22:24

Hau: thang: Lapi: Zedekia gi Mikhaia jang" khyoo: do, lo" wigi nya: myonhoo: ri thoin: byid: lho: «Aseing da" Venyi: gi nga" jang" mo thu lo" wigi nang khyo" khanham dang: re" tid yu lha"» ga: myid: bye:.

2 KHOKHAM 24:2

Nya: da" dei zoo: lapi: yi da" nhoid khyo" nyang: koid wa ga: Aseing tid to" ziyo' dakhyoo" ti" Aseing gi Yehoiakim ri gyi koid wigi Yuda mung" ri phyo' shoin' pyam wa shid re" Babelon- Suri- Moba- Amon byu yi gyidab joem ri nhang: kaid da:.

YOBA 16:10

Byu yigi ngoo ri yu" juang" ago". Nyangnu" gi ngoo ri lheing khoem to" wigi nga" myonhoo: ri pyug ago".

DANG: ZHOEM 8:23

Mougmyid yoosoo" ajo, shi" mo moug: thu' xang: poin: da" shid mo nyang:- ngoo ri phain" so: too" shoug" bye:.

ESAIA 10:6

Ngoo gi Asuri ri ngoo ri nheig yoo: nhang: boem da" byumyu" nghoid da" Mangso abo da" byumyu" yiri gyi: zain: wa shid re" ngoo nhang: kaid da:. Lanyhoeb lhoid wa khoug" wa byumyu" yiri fu" moo" khyoo: moo jo da" phei" lhoug: ri yo' dakhyoo" ti" nang: nhe" pyam wa shid re" nyangnu" ri ngoo nhang: kaid» ga: tid.

ESAIA 33:22

Hau: lhid joem mo tei" joem gi amyed afoo" nghoid da:. Lhid mo pain" ruang: ri ayo" pei: to' kaid nghoid da:. Ngoonu" gi gyivoo gyidab joem da" jonu" dangain" ziri yo" seing: yu goo" wa. Sung myo: yoomo khyid: gyoug: bang: lang" gamboem shoug" yu boem goo" wa. Aseing nyang: nyang: nanu" khokham nghoid loo wa. Nyang: gi ngoonu" ri vhoeb wigi goem loem byid: loo wa.

ESAIA 8:9

Byumyu" yi nanu" we"- gyoug ziyo' zeing: foem: nyid ge'. Mougmyid dang ve: da" joyoo moo nyid da" nanu" we"- tam" gyo: nyid ge'. Gyi khaid wa jen" jen" koid too" ge'. Nghoid loug we' gyoug koem' gyoug we'. Nghoid bye:- jen" jen" koid ge'. Nghoid loug we gyoug koem' gyoug we'.

ESAIA 9:5

Jhen" vang re" da" gyizoo: yi da" khyid: baid joem yo' nyangnu" da" suid" dab da" byimi joem gi myi: wigi nghe' pyam shoug" ago".

YEREMIA 25:9

‹Ngoo gi mougzhung: shoid mo byumyu" dangain" ri yo' nga" dei zoo: Babelon mo khokham Nebukhadneza ri khi: nhang: kaid wa. Ngoo gi nyangnu" ri Yuda yo' houg moo nyid bang: mougkyoo" cang" yi dangain" mo byumyu" dangain" ri gyi koid wa shid re" shu" loo wa. Ngoo gi he: byumyu" mungdain: ri yo' hau: mougkyoo" cang" yiri phyo' shoin' pyam wigi apyaid atoo: moo yu" gyoug yu" lhung: sho' byo, jo, nhang: wa. Ngoo Aseing tid too" bye:.

YEREMIA 4:7

Byumyu" mungdain: ri phyo' shoin' su: gi gau" nyid da" joyoo mo thu' lo da" khangkhyi yhang: ti" thu loo bye:. Nyang: gi Yuda ri phyo' shoin' pyam loo wa. Yuda voomoo" joem gi byo, yoin" jo, da" joyoo moo she: pyam to" zi shoug" loo goo" wa. Houg: lho: hau: voomoo" joem moo hang" anyid goo" wa.

NGOUG JI: 3:30

Ngoonu" ri baid nghoid loug we' rue" loo nghoid loug we' dangain" ri ngoonu" gi kham zoo: wa zi ge nyid.

EZEKIEL 21:32

Nanu" gi myi: yo' phyo' shoin' pyam zi shoug" wa. Nanu" da" suid" gi nanu" nya: mougmyid moo shoin: gyo" wigi nanu" ri hang" wigi we' amyid boin: loo: wa. Aseing tid too" bye:.

EZEKIEL 24:2

Nyang: tid zigi «Shid: se' da" byu we"- Akhid" nyid" da" bidnyid ri lhid" xoem" too" we' ciwim gari he: bidnyid gi Yerusalem ri Babelon khokham wigi vang: shid" da" bidnyid nghoid da:.

DANIELA 9:25

He: ziri xoem" ci wigi se' gyo: ci: we' Yerusalem ri doem di wa amyeing" khyo' byid: da" ayo, mo Mangso wigi khyen: to" da" vhu" shi: su ju" re" da" ayo, ju" sho' nyhed zain nyhed lheing: myang" loo goo" wa. Yerusalem ri fu" moo" khyoo: joem yo' geing: teing da" gyi lhoem: joyoo de: to" loo goo" wa. Houg: lho: hau: zigi khyug xe: eig zain nyhed lheing: geing: teing jo, loo wa. Nghoid loug we' he: zain gu: gi yau: khi" da" ayo, nghoid loo wa.

YOELA 3:9

Byumyu" yi da" mo, phung: gung moo hidsu" tid fu" kyoo" byid: we'. Gyi khaid meing: zain: wa soin' ge'. Nanu" da" sarhi' gyizoo: yiri khe: kaid ge'. Re" gyizoo: yi dangain" ri khe: zheung" lho: meing: zain: wa to' yhe: loo" ge'.

AMO 2:3

Ngoo gi Moba khokham yo' hau: mung" mo vhujhung: yi dangain" ri said pyam wa zi nghoid.

HABAKU 1:6

Ngoo gi gye" gyoug phoo" ziyo' ahain: akhyoid da" Babelon byumyu" yiri yoem: boo so' boo nhang: wa zi nghoid. Nyangnu" gi sube" mungdain: joem ri zain: oung: loo" wa shid re" moug: gyab goin" jang khyoo: thu' yhe: lo" nyid boem bye:.

HABAKU 3:16

He: khyoo: dangain" ri ngoo shau" gyo: lho: ngoo gi gyoug nain" nyid. Nga" nhoid yid we' gyoug wigi nain" nyid bye:. Nga" gung du: gi ayo" dei loeb loo: nga" khyid: we' khyid: vhu" thung" bye:. Ngoonu" ri gyi zain: loo mo, ri Mangsoo gi dam byid: da" ayo, ju" loo wa shid re" ngoo gi sam: zoo: lang" nyid wa nghoid.

MATHE 26:67

Hau: thang: ri nyangnu" gi Yesu myonhoo: moo shi" kain" byi" gyoin: lho: baid ago". Nyang ri lo, zhoeb yo' we' thoin: lho:

MATHE 27:30

Nyangnu" gi Yesu ri shi" kain" byi" gyoin: boem ago". Jam pheing" yang: yu lho: vhuloem moo we' baid byid: ago".

MATHE 5:39

Nghoidloug ngoo nanu" ri tid da" zigi akhyeing" su: ri ce" latoo: we' aphug goo"- re" lo, yo shoid' bopyug pyug byid: su:- ri dashoid' we' doem kham: byid: shi" we'

YOHAN 18:22

Hid: su" ga: phougtu" lang" gung zung" gyizoo: dayug gi Yesu ri thoin: lho: khainjung agyi moo" gi «Nang hid: su" aphoug" akhyoid ge phougtu" la"» ga: tid.

YOHAN 19:3

Nyangnu" gi Yesu jang" moo tain" re" boem lho: «Yuda khokham" phoo kang: sheing: nyid baja" o"» ga: tid zoore thoin: byid: boem ago".

ACTS 23:2

khainjung agyi moo"' Anania gi Polu nam, moo yab, jo, mo, ri Polu da" nhoid' moo baid' byid: wa shid re" amyeing" byid: kaid.

2~KORINTHU 11:20

Nanu" gi nanu" ri pyeung" zoo: mo, - nanu" da" ahto' moo vhoeb mo: nanu" ri tei" khyo, lho: myheug yu bang:- nanu" ri yu" nge pyam mo, nanu" da" myonhoo: ngi nhang: mo, hang" ri we' nanu" kham, zeung: nyid ago".

TARHA" TID POIN" 28:49

Aseing gi nanu" ri thougtheung wa shid re" nanu" ase' gyo: da" myeing" ji da" byumyu" damyu" ri mougmyid athang: mo shu" loo byid: wa zi nghoid. Nyangnu" gi zoin bung: yo' dakhyoo" ti" nanu" atho' moo re" dang: thei" wa zi nghoid.

TARHA" TID POIN" 33:27

Mangsoo gi khanham we' nanu" ri gyi khouggoo koid byid: su: nghoid. Nya: da" apyaid atoo: lo, sain: gi nanu" da" pang" thoug joyoo nghoid da:. Nanu" jhen" do, lo nyid uri nyang: gi nanu" da" gyivoo yiri khaid thu pyam byid: wigi nyangnu" dangain" ri phyo' shoin' pyam wa shid re" nanu" ri tid abye:.

TARHA" AGYI 17:7

Hau: ayo, moo Yuda mung" mo Bedlehem voogung moo Levi zoolu: dayug nyid da:.