MIKHA 4:8 - Lacid Common Language Bible

⁸ Hougsu" wigi yang zung" su: yo' dakhyoo" ti" Mangsoo gi nya: byumyu" yiri lhoug zung" nyid da" joyoo Yerusalem we"- nang gi re" khokham mung" bue" lid lo yu" bye: da" voomoo" zeing dalheing: doem bue" loo wa nghoid.

MIKHA 4:8 ပူးပေါင်းရင်းမြစ်များ

APOEM AYANG: 35:21

Yaku gi xo' byung: yhe: lo" wigi Edera pyuzung mo lid lo" jang moo yhe: nyid nyid.

2 SAMUELA 5:7

(Nghoid loug we' David gi nyangnu" da" Ziun gyidab ri zain: oung: pyam wigi hau: ziri David da" voomoo" ga: myheing too" bye:.

NEHEMIA 3:25

Uzai da" yuggi zoo: Pala gi vang jhoin: mo zi voomoo" zung" da" gyizoo: yi joyoo nam mo atho' khokham kho" mo gyi pyuzung ju" sho' xo' da" du gu: ri zhug ago". Parosha da" yuggi zoo: Pedaia gi hau: thang: mo du nghoid da" gyid: khoem" moo" nam mo bidthu shoid athang: ju" sho' yo' Noku Yhoem: Moo" lhoug zung" mo da" gyi pyuzung gu ri zhug ago" (He: joyoo gi Noku Yhoem: Moo" koid mo, nyid da" joyoo- voomoo" mo Ophela ga: myheing da" du nghoid da).

COUNG" NGHEI 24:7

Voogung khoem" moo" duang: ri lam: sho' phang kaid we'. Goonham mo khoem" duang: xoug" joem ri: lam: sho' phang kaid we'. Houg: lang" gyi: thang da" khokham zeing vang loo wa zi nghoid.

COUNG" NGHEI 48:3

Hau: voogung da" gyidab, khoug: moo nyang: yo dage" gau: nyu: myenjham" nyid ziri Mangsoo nyang: toin" shed abye:.

COUNG" NGHEI 61:3

Khasu" wim gari nang gi ngoo ri lhoug zung" su: yo' gyivoo joem ri lhoem: yo" thougtheung su:- nga" da" geung: teung theung shang" joyoo nghoid nyid.

SHOLUMON JIKHOIN" 4:4

Re" leung zeung: gi David da" gyi pyuzung yhang: ti" loem: loem: wim gi jhoid young" nyid da:. Hau: jang" moo loem: lheing khab' goo joem dakhyeing" yo' du da" yi: ri foid lhang" to" da:. Hau: yi joem gi loem: loem: lheung" ziyo' jhoid young" nyid da:.

ESAIA 1:26

Goonham' nang lhoung yo" yu" da" bang: yhang: te" da" vhoebkhang" bang: yo' phajhi" byid: bang: ri nang ri ngoo byid: wa. Houg: lang" Yerusalem gi deungmain" jhug zug da" voomoo" ga: myheing zi shoug" wa» ga: tid da:.

ESAIA 10:32

Akhid nyid" gyivoo yigi Noba voogung moo nyid wigi Yerusalem voomoo" Ziun boem moo nyangnu" lo, zhoeb tu: yeing shug nyid ago".

ESAIA 5:2

Nyang: gi myidgung ri du: lho: houg mo luggo, joem ri koid: shang: pyam da:. Houg: lho: ge thang da" zabyid nei ri sho" da:. Nyang: gi hau: joem ri zung" wa shid re" pyuzung daloem koid da:. Zabyid shi" nang: wa duang: daloem: du: da:. Nyang: gi zabyid shi" myheing yo, ri lang" nyid da:. Nghoid loug we' zabyid shi" khang" moo" gi jhen: da:.

DANIELA 2:44

Hau: khokham yi da" apyaid moo mougkhung: mo Mangsoo gi khanham we' athang agoin da" mungdain: daloem: ri jo, loo nhang: wa. Hau: ziri khanham we' ayo" oung: pyam goo" wa. Nghoid loug we' hau: ze wigi koem' gi hau: mungdain: dangain" ri bain sho' phyo' shoin' pyam lho: hau: thang: hau: zigi apyaid atoo: moo geing: teing jo wa.

DANIELA 7:18

Houg: lho: gyi: sheing: myhang: thang Mangso da" byu yigi khokham yoem: so' ri shoug" yu wa wigi hau: ziri apyaid atoo: moo zoem: ci: loo goo" wa» ga: tid da:.

OBEDIA 1:21

Yerusalem mo meing: zain: oung: loo" mo, gi Edom ri zain: oung: lho: vhoebkhang" nyid boem wa zi nghoid. Hau: lho: Aseing nyang: gi khokham bue" loo wa zi nghoid.

MIKHA 2:12

«Nghoid loug we' deung nyid shi" da" Israela byumyu" yi nanu" dangain" ri ngoo doem zheung" yu wa nghoid. Ngoo gi yang khyam: khyoo: doem tau" lo da" yang phung: ri yhang: ti" nanu" ri doem shu" yu wa nghoid. Yang joem byeung" jo, da" yang kaid jang: yo' dakhyoo" ti" nanu" da" mougmyid moo byu myoo" sho' yo' doem myo: loo wa zi nghoid»

ZEKHARIA 9:10

Aseing gi hidsu" ga: tid «Ngoo gi Israela yi da" gyimyang: rheing" ri yu pyam' byid: wa nghoid. Yerusalem mo gyi zain: myang: joem ri we' shoem" pyam' byid: wa. Gyipui" moo ci: da" lo, lid: joem ri we' khyau" pyam' byid: wa nghoid. Nyangnu" da" khokham ri ngoo gi byumyu" yi veing" go" da" lu dang: ri tid fu" loo" nhang: wa. Nyang: gi panglai: dathoem" mo zi thei: dathoem" khyoo: ju" sho' Uphrad gyid lang mo wigi mougmyid thang sho' moo vhoeb wa nghoid» ga: tid.

ZEKHARIA 9:12

Nheig byu joyoo yoo" mo, ri oung: lo" gyidab moo doem tau" loo ge' nanu" da" goem loem joyoo khyoo: doem tau" loo ge' akhid" nyid" nanu" ri ngoo tid kyoo" wa Ngoo gi nanu" da" sho" jhen: yau: khi" tho' moo eig zhang agyid asoo: doem xab byid: wa nghoid.

ZEKHARIA 9:9

Ziun mung" byu yi we" gye" gau yi ngei bu: nyid ge'. Yerusalem bang: we" yoid nyho: loo ngei bu we'. Yu" we'- re" da" khokham phoo gi re" jang" moo ju" re" da:. Nyang: gi ung: pui" oung: myug ziyo' ju" re". Nghoid loug we' nyang: gi nu" nham' lho: loo zei: tho' moo zhung: wigi re" bye:. Nghoid- Loo zei: nu" dadu: atho' moo zhung: lho: wigi re" da:.

GYUNG: SOO" 24:19

Israela byumyu" yigi nyangnu" ri nang: pye" pyam wa. Houg: lho: nyid deing gyoo" bang: ri jhoid shoem" pyam wa» ga: pe.

MATHE 21:33

«Dangtu' gootu: ri we' doem tam" gyo: yu" ge". Zabyid sho" to" da" khyam: seing: dayug nyid' nyang: gi khyam: kyam, lho: zabyid shi" pyeig wa duang: we' du: to. Do, pyu zung we' daloem: zhug to. Hau: thang ri nya: khyam: gi khyam: moo" zei: mo, ri nghoo" byid: khoo, lho: so" lo.

MARKU 12:1

Yesu gi dang tu, joem nyangnu" ri tid kyo" Byu dayug gi zabyid khyam: daloem: ri sho" nyheung to" lho: hau: ziri khyam: kyam, lheung to". zabyid pyeig wa duang: du: to" ziyo' joo zam daloem: ri we' nyham" to" lho: wigi khyam: koid zoo: mo, ri nghoo" byid: too" kho' lho: gyung: so" lo".

Ephesu 1:21

Hau: joyoomoo Khristu gi moug: khung: moug di: ri vhoeb khang" nyid mo, amyeing" akhang" yoo" bang:- yoem: so' boo bang:- Aseing yi dangain" bang: tho' moo vhoeb khang" byid wigi nya: myonhoo: ngei lang: gi he: mougmyid yo' thang: phyang" pyaid ju" loo wa da" mougmyid tho' moo amyeing" akhang" yoo" bang: dangain" tho' moo je gyi: jo.

Pang Shug 22:5

Hau: voogung moo myen" khanham we' ajo, yoomo nyangnu" gi myiboung: da" bidbang we' bid da" boo" bang we' aca" loo: wa Khasu" wim gari Aseing: Mangsoo gi nyangnu" da" bidbang bue" lo wigi nyangnu" gi apyaid atoo: moo Khokham" yi yhang: ti" vhoeb khang" lo" boem wa.