MIKHA 4:13 - Lacid Common Language Bible

¹³ Aseing tid zigi «Yerusalem voobyu yi we"- nanu" da" gyivoo yiri yooboo dam yhe: kaid ge'. Ngoo gi nanu" ri joto' khyoug: yo' gyid: mid" khoodo, dab da" nujung loo: yo' dakhyoo" ti" yoem: boo nhang: wa zi nghoid. Nanu" gi byumyu" yi myoo" sho' ri mhoin pyam lho: athoug" akhyoug: khyo" nyangnu" yo" yu to" da" ziyoo jonu" joem ri moug: gyab goin" da" ngoo Aseing ri nanu" lo jung byid: boem wa nghoid.

MIKHA 4:13 ပူးပေါင်းရင်းမြစ်များ

COUNG" NGHEI 24:1

Aseing gi yang zung" su: ti" ngoo ri lhoug zung" nyid. Houg: yoomo ngoo ca" nyid da" zi dangain" ngoo yo.

COUNG" NGHEI 68:29

Yerusalem re" noku yhoem: mo" khoug: moo khokham yigi nang ri jhungshug re" byid: boem bye:.

COUNG" NGHEI 72:10

Spain mung" yo' gugyoo: kang: mo khokham yigi nyang: ri jhungshug jhung: lang: joem re" shug byid: lo boem wa.

ESAIA 18:7

Gyid gyung: joem wigi kho' to" da" he: mungdain:- yoem: bo lho: yoem: so' gyi: da" byumyu" yi mougmyid byu dangain" wigi coem' gyoug da" gung myhang: shoo" young" da" mung" byu yi jang" mo he: xoin" joem ri myhang: thang Aseing shoug" kham yu wa da" ayo, ju" lo nyid da:. Nyangnu" gi myhang: thang da" Aseing ri coung: pid byid: da" joyoo Ziun boem khyoo: nyangnu" ju" lo boem goo" wa.

ESAIA 21:10

Nga" byumyu" Israela we"- nang gi sung: soo: ri yo' dakhyoo" nang: zi shoug" ago". Nghoid loug we' Israela da" Mangsoo- myhang: thang Aseing mo ngoo shau" gyo: yu da" lu dang: gi ri akhid" nanu" ri shoug" kyoo" byid: bye:.

ESAIA 23:18

Nyang: phaga: ga: wigi yo" da" ngei dangain" Aseing ri shugbyid: wa. Hau: ziri nyang: ayoung: too" wa. Nghoid loug we' Aseing ri noku bang: gi nya: ngei ri zoo: noem yo' nyangnu" ca" da" byimi qei jang" moo yhung: pyam loo goo" wa.

ESAIA 5:28

Nyangnu" da" myoo: joem gi coin: wigi nyangnu" da" lid: joem gi beig wa jen" jen" nghoid ago". Nyangnu" da" myang: joem khoodo, joem gi baid lug yhi' thain: ago". Nyangnu" da" myang: rheing" cab gi lid shoem' yhi' myab ago".

YEREMIA 51:20

Aseing tid zigi «Babelon we"- nang gi nga" baid du- gyipui" shid re" nga" gyi jonu" nghoid da:. Ngoo nang ri ci: wigi byumyu" yiri yo' mungdain: ri baid khyoeb pyam wa.

YEREMIA 51:33

Da so' zoo: moo gyivoo yigi thoug khyo' pyam wigi nyangnu" ri gug nang: jang: moo gug ri yhang: ti" nang: nhe" pyam boem wa. Israela da" Mangsoo- myhang: thang Aseing ngoo tid too" bye:» ga: tid.

DANIELA 2:44

Hau: khokham yi da" apyaid moo mougkhung: mo Mangsoo gi khanham we' athang agoin da" mungdain: daloem: ri jo, loo nhang: wa. Hau: ziri khanham we' ayo" oung: pyam goo" wa. Nghoid loug we' hau: ze wigi koem' gi hau: mungdain: dangain" ri bain sho' phyo' shoin' pyam lho: hau: thang: hau: zigi apyaid atoo: moo geing: teing jo wa.

HOSEA 10:11

Israela gi goonham' dalheing: gug nang: wa jen" jen" nghoid sho' jhau" too" bye: da" nu bam nu" yo' du lo ago". Nghoid loug we' ngoo gi nya: da" yung" da" leung zeung: moo kyoug: tab lho: nhoo: shu' cu' byid: ziyo' je yau: da" moo" moo ci: wa myid phyed bye:. Ngoo gi Yuda ri yoothung" phug nhang: lho: Israela ri kyi pa: ri shi: nhang: bye:.

MIKHA 5:7

Ashid: loo nyid deung jo, da" Israela byumyu" yigi byumyu" myoo" sho' mo, shid re" Aseing wigi khyoo' byid: da" nghain: jhu" yo' nyau young" lo da" shivoo: joem da" atho' moo voo byid: da" moug: gyid yhang: ti" bue" loo wa nghoid. Nyangnu" gi byu yiri anghoid Mangsoo ri khau: nghe: lo boem wa nghoid.

HABAKU 3:12

Nang gi nheig yo: ziyo' mougmyid moo so" lid: lo" lho: nang gi nheig joem: yo: ziyo' byumyu" yiri nang: pye" pyam' bye:.

ZEKHARIA 12:3

Hau: da" bidnyid ju" lo ri ngoo gi Yerusalem ri gye" lid: da" lugzeing su" bui" loo" nhang: wa. Hau: voomoo" vu, wa ga: yoem: kaid mo, kha: mungdain: bang: we' dam dab boem wa nghoid. Moug: gyab mo mungdain: dangain" gi hau: myo, ri gyi zain: wa ga: zeung: foem: lo boem wa nghoid.

ZEKHARIA 12:6

«Hau: ayo, moo ngoo gi Yuda kung: mo vhujhung: yi rigi siyoo moo nge" joem: lo" da" myi: yhang: ti" shivoo myeung jo, da" gug yoo mo myi: yo' dakhyoo" ti" bui" nhang: wa. Nyangnu" da" ayam aqei mo da" mungdain: dangain" ri phyo' shoin' pyam' boem wa. Yerusalem voomoo" bang: gi myen myenjham" jham" hau: vookhoug: moo goem loem za: shau" nyid boem wa zi nghoid.

ZEKHARIA 4:14

Houg: lang" «He: zigi moug: gyab goin" ri seing: su: da" moo" ri zei: wa shid re" Mangsoo wigi shooxu: joid khyen: too" su: tang: nghoid» ga: tid.

ZEKHARIA 6:5

«He: zigi mougmyid gyab goin" da" Aseing shidkhoin" mo thu lo" da" lid myid: loem: nghoid» ga: tid.

1Korinthians 16:2

Ngoo ju" re" da" uri- alu ngei gootu: akhyu: ca" loo: wa khyo"- Labain nyid khang" moo"- nanu" yug khang" moo" gi nyang: nya: yoo" zoo: yoo" shug khyo" cang lho: wigi- alu ngei ri kho' gam, zheung" young: too" lang" ge'.

TARHA" TID POIN" 33:25

Nya: da" voogung joem gi joto' khoem" moo" joem yo' goem loem byid: too" goo" baja" Houg: lho: nyang: gi khanham we' goem loem tung" yo" nyid baja"» ga: zi nghoid.

YOSHU 6:19

Ngei- sheing:- gyid: mid"- joto' yo' koid da" ja:- ja: khang" moo" gi Aseing shid re" kho' too" wa zi nghoid da:. Hau: ziri Aseing da" jonu" Kuid: moo: kaid too" wa zi nghoid da» ga: tid.