MIKHA 4:12 - Lacid Common Language Bible

¹² Nghoid loug we' he: byumyu" yigi Aseing da" nheigloem: moo cenoem bo ziri asi' nghoid ago". Gug shi"- Lamei shi" nang: wa shid re" vu, boem to" yhang: ti" Aseing wigi nyangnu" ri yooboo dam kaid wa shid re" dage" zheung" boem too" wa ziri nyangnu" aboin: goo" nghoid da:.

MIKHA 4:12 ပူးပေါင်းရင်းမြစ်များ

COUNG" NGHEI 147:19

Nyang: gi nya: byumyu" yiri nya: mungdang: byid: kaid. Israela yiri nya: dangsoo" khoin" joem yo' tarha" joem ri byid: nyid.

COUNG" NGHEI 147:20

Nyang: gi gootu: byumyu" yi shid re" hidsu" akoid byid: zi nghoid yoomo Nyangnu" gi nya: tarha" joem ri ase' gyo: boem nghoid ago".

ESAIA 10:7

Nghoid loug we Asuri khokham gi nyang: nya: myid moo thain: da" moo" joem soin' ci: da:. Nyang: gi byumyu" myoo: sho' ri phyo' shoin' pyam wa myid phyed ci: da:.

ESAIA 21:10

Nga" byumyu" Israela we"- nang gi sung: soo: ri yo' dakhyoo" nang: zi shoug" ago". Nghoid loug we' Israela da" Mangsoo- myhang: thang Aseing mo ngoo shau" gyo: yu da" lu dang: gi ri akhid" nanu" ri shoug" kyoo" byid: bye:.

ESAIA 29:7

Houg: lang" Mangso da" phoin: voomoo" ri khaid zain: nyid boem da" byumyu" yi da" gyizoo: yi dangain"- nyangnu" da" gyi jonu" dangain" yo' gyizi gyikhoo: ja: khang" moo" gi yhoebmo, yhang: ti" we' myen" ri shau" myid da" daja: ja: yhang: ti" we' bue" lo" byug wa.

ESAIA 55:8

Aseing gi «Ngoo myid khyoo: gi nanu" myid ziyo' adu. Nga" khyoo: gi nanu" khyoo: yo' adu goo" nghoid da:.

YEREMIA 29:11

Nanu" shid re" ngoo soin' to" da" khyoo: ri ngoo dayug za: dase'. Houg: zigi nanu" shid re" nyid gi yab ge khyoo:- nanu" myid byu da" ju" loo wa da" ayo, yo' sen: da" zi nghoid. Houg zigi yau: khe" kyi" khyeug khyoo: anghoid.

YEREMIA 51:20

Aseing tid zigi «Babelon we"- nang gi nga" baid du- gyipui" shid re" nga" gyi jonu" nghoid da:. Ngoo nang ri ci: wigi byumyu" yiri yo' mungdain: ri baid khyoeb pyam wa.

YEREMIA 51:33

Da so' zoo: moo gyivoo yigi thoug khyo' pyam wigi nyangnu" ri gug nang: jang: moo gug ri yhang: ti" nang: nhe" pyam boem wa. Israela da" Mangsoo- myhang: thang Aseing ngoo tid too" bye:» ga: tid.

YOELA 3:2

Ngoo gi byumyu" yi dangain" ri zheung" yu lho: nyangnu" ri dang: phyed lang: khoug: khyoo: shu" loo" wa. Houg: moo nyangnu" wigi nga" byumyu" yiri koid lid lo da" moo" dangain" shid re" ngoo gi nyangnu" ri dang: phyed byid: wa nghoid. Nyangnu" gi Israela byumyu" yiri tungbau mung" khyoo: khaid sain" pyam lho: nga" mungdain: Israela ri kho' sain" pyam da:.

LUKA 3:17

Nya: da" gug nang: jang: ri khyo kyeing wa shid' re" nya: da" lo, moo gug khyoo lhang" khang" ri ci: lho: nya: gug boem ri lhang wigi gug moo rigi nya: ci: moo shoung: to" lho: gug soem: rigi ce" ze we ayo" said da" myikhyoem moo nghe, pyam zi nghoid ga: nyangnu" ri kho" kyo.