MIKHA 4:11 - Lacid Common Language Bible

¹¹ Byumyu" myoo" sho' mo, gi nanu" ri khaid zain: wa shid re" zeung: foem: nyid boem ago". Nyang: tid zigi Yerusalem ri phyo' shoin' pyam ca". Ngoonu" gi «He: voomoo" byo, yoin" jo, ziri myang wa» ga: tid ago".

MIKHA 4:11 ပူးပေါင်းရင်းမြစ်များ

COUNG" NGHEI 129:5

Ziun ri ngheing" mo, yugkhang" moo" gi soem" joem: lo" boem ziyo' khaid thu pyam zi shoug goo" baja".

COUNG" NGHEI 83:5

Nyangnu" gi nyheung soin' lo" khyoo: ri coem myid veung" boem ziyo' nang ri tu: lhoin" wa shid re" bidnoem phung daloem: ri coem shoin" phang to" boem ago".

ESAIA 10:7

Nghoid loug we Asuri khokham gi nyang: nya: myid moo thain: da" moo" joem soin' ci: da:. Nyang: gi byumyu" myoo: sho' ri phyo' shoin' pyam wa myid phyed ci: da:.

ESAIA 17:12

Yoem: moo" bo da" byumyu" yigi panglai: gyid myeing thui: yo' dakhyoo" ti" myeing lho: panglai: being: lhung baid myheing thui yo' dakhyoo" ti" myeing nyid ago".

ESAIA 29:7

Houg: lang" Mangso da" phoin: voomoo" ri khaid zain: nyid boem da" byumyu" yi da" gyizoo: yi dangain"- nyangnu" da" gyi jonu" dangain" yo' gyizi gyikhoo: ja: khang" moo" gi yhoebmo, yhang: ti" we' myen" ri shau" myid da" daja: ja: yhang: ti" we' bue" lo" byug wa.

YEREMIA 52:4

Nebukhadneza gi Zedekia vhoeb zi goug: zain ein: zain lhammoo" daxi: khyab- daxi: nyid" nyid" moo nya: gyidab dangain" yo' ju" re" wigi Yerusalem ri re" khaid zain: da:. Nyangnu" gi voomoo" tunggung shoid moo dab koid lho: hau: ziri vang khyam: lheing khoem moo koid wigi vang: ci: ago".

EZEKIEL 26:3

Akhid" he: zigi ngoo yoem: moo" bo Aseing tid nyid zi nghoid. Turu voomoo" we" ngoo gi re" gyi: voo nghoid. Ngoo gi nang ri khaid zain: wa shid re" byumyu" myoo" sho' ri shu" loo byid: wa. Houg lho: nyangnu" gi panglai: being: lhung" yhang: ti" ju" lo boem goo" wa.

EZEKIEL 38:17

Nang gi ju" loo wa ayo, gu: moo Israela ri khaid zain: wa shid re" byu dayug ri ngoo shu" loo byid: wa ein: nga" dei zoo:- yi Israela da" lapi: yi khyo" wigi ngoo tid fu" da" uri goonham' ngoo lhung tid nyid su: gi nang nyang: nghoid abye:. Yoem: moo" bo Aseing tid too" bye:.

OBEDIA 1:12

Yuda mung" mo re" mang: nhung" yi da" nheig byu jang: ajo, loo bue" lo" ziri nang gi yu" gau nyid wa zigi a eung: nghoid da:. Nyangnu" byo, yoin" lo" da" bidnyid moo nang gi age yu" gau nyid nghoid da:. Nyangnu" da" nheigloem: gi yoem: shoin: zi shoug" nyid jang" moo nang gi nyangnu" da" atho' moo yi juang" wa zigi a eung: nghoid da:.

MIKHA 7:10

Nanu" da" Mangsoo Aseing ga: zigi khayoo: la" ga: tid juang" mo, ngoonu" da" gyivoo yigi he: ziri myang lang" myonhoo: shoem: lo" byug goo" wa nghoid. Nyangnu" gi joem: lo" boem wigi fu" moo" khyoo: joem mo thoem" boeb yo' dakhyoo" ti" nang pye" pyam boem ziri ngoonu" shau" myang wa.

ZEKHARIA 12:3

Hau: da" bidnyid ju" lo ri ngoo gi Yerusalem ri gye" lid: da" lugzeing su" bui" loo" nhang: wa. Hau: voomoo" vu, wa ga: yoem: kaid mo, kha: mungdain: bang: we' dam dab boem wa nghoid. Moug: gyab mo mungdain: dangain" gi hau: myo, ri gyi zain: wa ga: zeung: foem: lo boem wa nghoid.