MIKHA 3:8 - Lacid Common Language Bible

⁸ Hougsu: danghoid loug we' Aseing gi ngoo ri nya: yoem: so' Venyi yo' byeung" nhang: lho: nyeung veung" tarha" ri yo" si' nhang:- Israela byumyu" yiri nyangnu" da" yooboo ce: noem nghoid ga: ziri voem" tid kyoo" wa da" yoem: vhoo" ri byid: wa zi nghoid.

MIKHA 3:8 ပူးပေါင်းရင်းမြစ်များ

YOBA 32:18

Ngoo dang: tid wa zi atho' lang" zeing: nyid loo: Dang: khoin" joem ri ayo" tho' zeing: ci: loo:

ESAIA 58:1

Aseing tid zigi «Nang yo" nyho: yhi' thui: zeing yo' nyhoo: we'. Nga" byumyu" Israela ri nyangnu" yooboo khyoo: ri tid kyoo" we'.

ESAIA 61:1

Gyi: sheung: thang Aseing gi nya: Venyi: ngoo ri pyeing byid: bye:. Nyang: gi myung: shoo" bang: ri lu dang: gi voin yhi: byid: wa. Nheigloem: gyau: bang: ri byang" gi byid: wa Myheig she: loo" shau" bang: ri loid byoin byid: da" khyoo: tid fu" wa yo' Thung: loung" jo, bang: ri lhoid pyoin' byid: wa shid re" Ngoo ri khyen: yu wigi nhang: kaid bye:.

ESAIA 61:2

Aseing wigi nya: byumyu" yiri khyoid yu lho: Nyangnu" gyivoo yiri oung: pyam' wa Ayo, ju" bye: khyoo: ri Tid fu" wa shid re" nyang: ngoo ri nhang: kaid bye:. Nyang: gi koug ngau nyid da" bang: dangain" ri nheig teing byid: wa shid re" ngoo ri nhang: kaid bye:.

YEREMIA 1:18

Yeremia we"- tam" gyoo: we' he: mougmyid dang moo nyid da" yugkhang" moo"- Yuda khokham yi zoug: yi khainjung yi yo' mung" byu yigi nang ri gyi koid thougtheung loo goo" wa. Nghoid loug we' akhid" nyid" ngoo nang ri nang wigi nyangnu" ri yo" toem' pyam wa shid re" yoem: byid: nyid. Nang gi vang ri teing teing yam jhid to" da" voomoo" yo' dayhang: ti"- joto' zeing bung: yhang: ti"- gyid: mid" vang khyam: yhang: ti" nghoid loo wa. Nyangnu" gi nang ri yo" oung: pyam wa anghoid. Ciwim gari ngoo gi nang ri goem loem byid: wa shid re" nang yo' dage" nyid wa. Ngoo Aseing tid too" bye:.

YEREMIA 20:9

Nghoid loug we' ngoo gi «Aseing ri to" myhid pyam lho: Nya: myeing moo dang: atid loo wa ein: ngoo tid lang" Re" mungdang: gi myi: yhang: ti" nge" nyid da:. Ge bue" yhi: ngoo hau: ziri zoem: ci: nghoid loug we' hau: ziri ngoo ayo" zoem: ci: nghoid da:.

YEREMIA 6:11

Nyangnu" ri nang nheig yo: zigi nga" gung khoo: moo we' nge" lung" jo, da:. Aseing we" hau: ziri ngoo ayo" zeing: ci: loo: nghoid kyi» ein: tid bye:. Houg: lang" Aseing gi ngoo ri «Nga" nheig yo: zigi fu" moo" khyoo: mo zooshang: yi adang khyoo: foid shoin" kaid wa. Houg: lho: zoolu: yi phung: moo foid shoin" kaid wa. Yhoem: seing: phoo yi yo' yhoem: seing: myhi' yiri we' shu" lo" boem wa. Houg: lho: gye" mang: byug bye: bang: rilang" teing too" byid: wa zi anghoid.

NGOUG JI: 2:14

Re" da" lapi: yigi nang ri mhau' tid wa tho' moo jain" lho: tid kyoo" wa zi ci: we' ayoo" loo: nghoid ago". Nyangnu" da" tarha" kho" dang: gi re" yooboo ri khanham we' apau: thu' loo: nang ri mhau' pyam nyid ago". Nyangnu" gi nang ri nheigloem: thid aca" ga: myid nhang: nyid.

EZEKIEL 16:2

Nyang: gi «Shid: se' da" byu we"- Yerusalem ri nyang: koid da" aco' ajhoid da" moo" joem ri toin" shed we'.

EZEKIEL 20:4

Shid: se' da" byu we"- nang gi nyangnu" ri dang: phyed wa jen" jen" nghoid bye: rhe". Houg: lang" hougsu" koid we'. Nyangnu" phoug" phyid" yi koid bye: da" aco' ajhoid khyoo: joem nyangnu" ri tid poin" kyoo" we'.

EZEKIEL 22:2

Nyang: tid zigi «Shid: se' da" byu we"- nang gi byu said bang: byeung" jo, da" voomoo" ri dang: phyed wa jen" bye: lha". Nyang: koid da" aco' ajhoid moo" joem dangain" ri jhoid koid pyam wa.

EZEKIEL 23:36

Aseing gi ngoo ri tid zigi «Shid: se' da" byu we"- nang gi Ohola yo' Oholiba tang: ri dang: phyed wa jen" bye: rhe". Nya: eig tang: ri nya: eig tang: koid lid: lo da" akhyeing" moo" zoo" wigi yooboo zhug we'.

EZEKIEL 3:14

Aseing da" yoem: so' gi nga" atho' moo yoem: moo" yo' ju" re" wigi nya: Venyi: ngoo ri shu" thu loo" lang" nheig kho" ziyo' nheig yoo: nau re" da:.

EZEKIEL 43:10

Houg: lho: Aseing doem tid zigi «Shid: se' da" byu we"- Israela byumyu" yiri Noku Yhoem: Moo" khyoo: ri tid kyoo" we'. Houg: lho: nyangnu" gi hau: akyoo" ri yung to" khyoo: ri zhang: yu nhang: we'. Nyangnu" gi nyangnu" da" yooboo shoid moo" yoomo sho' phu" boem goo" baja".

MATHE 7:29

Khasu" wim gari nyangnu" nya: da" tarha" sara: yi yhangti" anghoid. Amyeing" a: na: yo" nyanu" nyang: ri jhoug" byid.

MARKU 3:17

Zebedi nya: zoo: Yaku yo' Yohan tang: ri (Buaenega ga: Yesu myheung byid: hau: zigi moug: doem: nu" tang: ga: zi nghoid da).

1Korinthians 2:4

Ngoo tid kyo" ziyo' kho" kyo" da" mungdang: joem ri- byu yi da" phajhi" akhyoo" again ri aci: loo: za: Mangso Venyi da" yoem: vhoo" ri- bang da" sagsi: joem yo' ngoo kho" kyoo" bye.