MIKHA 3:7 - Lacid Common Language Bible

⁷ Ju" loo wa ayo, shid re" Lapi: pe: zigi nyangnu" da" lapi: dang: adeing yoomo myeing yoin" myonhoo: gyoeb wa zi nghoid. Nyangnu" ri Mangsoo gi atu" byid: loo: yoomo nyangnu" dangain" bang: gi shoem: pyang: lo" byug goo" wa nghoid.

MIKHA 3:7 ပူးပေါင်းရင်းမြစ်များ

COUNG" NGHEI 74:9

Ngoonu" da" gyeung" shang: alhoo: again' joem dangain" ajo, loo. Hau: joyoo moo: Lapi: dayug we' anyid lo: ziyo' khamyhang myang" sho' hid: yhang: ti" bue" jo, wa ziri hang" we' asi, loo.

THU' LO" MOUGSOUG" 9:11

Fa" mo, we' gootu: Egutu byu yi yhang: ti" byeung myug yoomo Moshe shidkhoin" moo ayo" thu shug nghoid ago".

ESAIA 44:25

Ngoo gi boid phyed bang: ri koodoug: bui" nhang: wigi lo, kyo' yu" wigi lapi: pe: bang: ri nheigloem: thang nhang: pyam bye:. Phajhi" boo bang: da" dang: khoin" ri ngoo wigi ajoo ein: tid pyam lho: nyangnu" da" phajhi" gi adu: adam: nghoid ziri toin' shid bye:.

YEREMIA 18:18

Byumyu" yigi «Yeremia yo' sen: wigi ngoonu" daja: koid boem shang. Ngoonu" ri jhau" shid byid: wa khainjung yi ngoonu" ri phajhi" byid: da" phajhi" boo bang- Mangso mungdang: ri tid fu" da" lapi: yi khanham we' nyid nyid boem wa. Nyang: ri yooboo foin: wigi nyang: tid da" dang: ri tam" gyoo: wa theing: pyam goo" shang» ga" tid ago".

EZEKIEL 24:17

Re" ngoug thui: ri ashau" gyoo: nhang:- kougshu: da" asoo" khyo" vhuthoeb khyoid pyam- khyid: zhung" azhung" khyid: cen: anyid yen". Re" myonhoo: ri anghoeb ci:- kougshu: bang: zo: da" zoo: noem ri we' azoo:.

EZEKIEL 24:22

Houg: lang" nanu" gi ngoo koid lid: lo yhang: ti" koid loo goo" wa. Nanu" gi nanu" da" myonhoo: moo we' anghoeb ci: loo: kougshu: bang: zo: da" zoo: noem ri we' azoo: goo" wa.

XOIN" NGEI" 13:45

Manggam dab da" byu dayug gi byimi joid joem void ca" zi nghoid. Nya: vhuloem ri age kyo'. Nya: myonhoo: vho: du ri nghoeb too" ca" ziyo' «Ayung" alho'- ayung" alho'» ein: nyhoo: ca" zi nghoid.

AMO 8:11

Hau: mung" moo ngoo gi zooyoid phang" khoug gyo" da" bidnyid ri ju" loo nhang: wa. Hau: uri byu yigi zooyoid loo wa. Nghoid loug we' hau: zigi zooyho' anghoid. Nyangnu" gi gyid shid loo wa. Nghoid loug we' hau: zigi gyid anghoid. Nyangnu" gi Aseing mo mungdang: ri yoid shid wa zi nghoid. Yoem: moo" bo Aseing ngoo gi tid bye:

MIKHA 3:4

Aseing ri: nanu" nyho: yoid wa ayo, gi ju" lo nyid abye:. Nghoid loug nyang: gi nanu" ri tu" byid: wa zi anghoid. Nanu" gi akhyeing" ashoeb moo" ri koid lid lo boem bye: yoomo nanu" da" akyu" mho' thui: ri atam" gyoo: byid: loo wa.

MIKHA 7:16

Byumyu" yigi he: da" khyoo: ri myang lang" nyangnu" gi yoem: boo nghoid loug we' vhooloo yu" kho" byug boem wa zi nghoid. Nyangnu" gi nheigloem: thang boem ziyo' nhoid myhid" ci: boem lho: nukhyab jhid ci: lo boem wa nghoid.

ZEKHARIA 13:4

Hau: da" bidnyid ju" lo uri lapi: yi khayug nghoid loug we' nya: da" yoeb myang yoomo yo" khuang nyid wa zi anghoid. Lapi: dayug ti" we' yo" koid loo: wa zi anghoid. Byu yiri mhoug wa shid mo lape: da" byisheing: ri we' shau" void loo wa zi anghoid.

1 SAMUELA 14:37

Hougsu" yoomo Sholu gi Mangsoo ri «Ngoo Philisti byu yiri yhe: khaid said wa la". Ngoonu" ri nang oung: nhang: wa la"» ga: myid:. Nghoid loug we' Mangsoo gi hau: nyid" ri atu" byid:.

1 SAMUELA 28:15

Samuela gi Sholu ri «Nang ngoo ri ciwim lhu: nhung nyid lha". Nang ngoo ri ciwim doem tau" nhang: nyid lha"» ga: myid: bye:. Sholu gi «Ngoo yau: khi" zeing shau" nyid. Philisti byumyu" yigi ngoo ri meing: zain: loo bye:. Mangsoo gi ngoo ri she: pyam bye:. Nyang: gi ngoo ri lapi: yi khyo" we' Yhoebmo, khyo" we' atu" byid: loo: nghoid da:. Houg: yoomo ngoo cikoid ca" ein: ziri tid khyoo" nhang: wa shid re" nang ri ngoo khe: zi nghoid» ga: tid.

1 SAMUELA 28:6

Cikoid wa ziri Aseing jhang lo" myid: yu" bye:. Nghoid loug we' Aseing gi yhoebmo, moo we' Urim yo' Thumin koid jang" moo we' lapi: yi khyo" we' aphug tid nghoid da:.

1 SAMUELA 9:9

Sholu gi «Ge da" khyoo: nghoid da- sa yhe: yu" shang» ga: tid. Hougsu" nghoid yoomo hau: gyeung" shang: da" byu dayug nyid da" voogung khyoo: nya: tang: gi yhe: loo" bye:. Hau: voogung jo, da" boem khyoo: nya: tang: do, lo" ri gyid kham: re" da" myiyi: zoo: yi daphung: yo' shoug" go". Nya: tang: gi myiyi: zoo: yiri «Voogung khoug: moo myo, gyeing: su: anyid la"» ga: myid: ago". (Hau ayo, aboin: moo gi lapi: ri ‹Myo, gyeing: su:› ga: myheung wigi kha: yo, nghoid loug we' byu dayug yug gi Mangso jang" moo dang: myid: nau uri «Myo, gyeing: su: jhang yhe: yu" shang» ga: wigi nyang: tid wa zi nghoid.)