MIKHA 3:1 - Lacid Common Language Bible

¹ Israela vhujhung: yi we" gyo: yu" ge'. Nanu" gi tarha" dain: da" khyoo: ri cang ca" anghoid goo" lha".

MIKHA 3:1 ပူးပေါင်းရင်းမြစ်များ

NEHEMIA 13:17

Ngoo gi Yuda vhujhung: yiri nheig yo: lho: nyangnu" ri «Nanu" koid nyid da" akhyeing" ashoeb moo" ri yu" yu" ge'. Nanu" gi Dougno: Bidnyid ri agyeing" ashang: koid nyid ago".

COUNG" NGHEI 14:4

Nanu" asi, goo" la". He: akhyeing" ashoeb da" byu yigi soo" soo" akhyeung" mo, nyang: danghoid nhung: lha". Nyangnu" gi nga" byumyu" phung: yi jang" mo khyang toug: koid wigi kangso' khu: lho nyangnu" gi nga" jang" moo kha nham we' akyu" amho' boem- ga: Aseing gi tid nyid.

ESAIA 1:10

Yerusalem we"- re" vhoebkhang" bang: yo' re" mung" byu yigi Sodom yo' Gomora mo bang: yo' du ago". Aseing nanu" ri tid nyid ziri tam” gyoo: ge'. Ngoonu" Mangsoo gi nanu" ri jhau" shed nyid ziri nyeing" gyo: yu we'.

ESAIA 10:2

Myung shoo" bang: nyangnu" yo" yu eung: da" akho akhang" ri ayo" yu sho' toem' pyam lho: tarha" deing byeung" da" zi ayo" yu sho' nanu" toem pyam ago". Cougmoo" yi yo' coug" zoo: yi seing: da" jonu" ri hougsu" nanu" yu pyam byid: ago".

EZEKIEL 22:6

Israela vhujhung: yi dangain" gi nyangnu" nya: yoem: ri myid loem lho: byu said moo" shoid ago".

EZEKIEL 34:2

Nyang: tid zigi «Shid: se' da" byu we"- Israela da" vhoebkhang" zoug: yiri tid phue: pyam we'. Nyangnu" ri lapi: pe: byid: wigi ngoo yoem: moo" bo Aseing nyangnu" ri tid nyid khyoo: ri tid kyoo" we'. Israela yang zung" bang: nanu" gi joem: lo" abye: go". Nanu" gi nanu" nya: gung ri yu" goin coung: lho: yang joem ri khanham we' azung" nghoid da:.

EZEKIEL 34:3

Nanu" gi yang noug" shug- yang moug" yo' koid da" byimi ri void lho: yung" thang da" yang ri said wigi yang shoo" ri zo: ago". Nghoid loug we' yang joem ri khanham we' nanu" azoem: nghoid ago".

EZEKIEL 9:9

Mangsoo doem phug tid zigi «Israela yo' Yuda byumyu" yigi gyoug pho" da" yooboo joem shoid abye: go". Nyangnu" gi damung" goin" byu said moo" shoid wigi Yerusalem moo yooboo koid moo" yo' byeung" jo, nhang: da:. Ngoo Aseing nyangnu" da" mungdain: ri she: pyam too" kho' bye: ziyo' nyangnu" ri ngoo amyang ga: nyangnu" tid ago".

HOSEA 5:1

Khainjung nanu" we" tam" gyoo: ge'. Israela byumyu" yi we" tam" gyoo: ge'. Khokham ikoin deungkhu: moo bo da" nanu" we"- tam" gyoo: we'. Nanu" gi tarha" deing byeung" zi ge' dang: phyed pyam ca" eung: da:. Nanu" gi Mizpa mo lhid' bue" lo abye: da:. Tabora boem moo kham: to" da" goin bue" byug bye:.

AMO 4:1

Bashan mo nujung zeing joem yo' dakhyoo" ti" xu: young" boem lho: yoem: neing: mo, ri anghoid akhuang khyo" zoem" khau: wigi myung shoo" bang: ri doin: zeig zo: boem ziyo nanu" da" yhoem: seing: phoo yiri yhid: jang nhang: da" Samari mo myhi' zeing yi nanu" we' he: khyoo: ri tam" gyo: yu" we'.

AMO 6:1

Ziun boem moo nyid pyo: nyid bang: nanu" we"- Samari voo moo gau: nyu: nyid bang: nanu" we"- Israela mung" zeing mo vhujhung: yi nanu" we"- pang" thoug shoug" wa shid mo byumyu" yi zeing: foem: kham: bang: nanu" we"- nanu" gi joem: lo" abye: go".

MIKHA 2:13

Mangsoo gi nyangnu" shid re" khyoo: doem phang byid: lho: tungbau meing: khyoo: pyoung" loo" shau" jang" mo nyangnu" ri shu" thu loo wa zi nghoid. Nyangnu" gi voomoo" khoem" joem ri phyo' sain" pyam wigi loid byoin loo" wa zi nghoid. Nyangnu" da" khokham Aseing: nyang: nyangnu" ri shu" thu loo" wa zi nghoid.

1Korinthians 6:5

Nanu" sho' wa shid re"- ngoo hidsu" tid zi nghoid. Khristain phung: byu mang: nhung" nyang: cang"- myeing" myo: lo da" uri- nanu" da" khoug: moo- Tarha" dang: yo" se' phyed zi atham: thang phajhi" bo byu dayug khyalhang" gi nyid goo" wa nghoid.

TARHA" TID POIN" 16:18

Nanu" da" Aseing Mangsoo wigi nanu" ri byid: da" voo khang" moo" moo tarha" agyi yi yo' gootu: gyizoug: yiri moo" foin: too" ge'. Houg: bang: gi mung" shava byu yiri myonhoo: akhyen: loo: za: tarha" dang: phyed byid: ca" ago".