MIKHA 2:9 - Lacid Common Language Bible

⁹ Nanu" gi nga" byumyu" myiyi: yiri nyangnu" nheig tei" da" yhoem: khoug: mo khaid thu pyam lho: Nga" mainkaid jeju" ein: da" nyangnu" zoo: yiri apyaid atoo: shid re" lhoid yu pyam abye: go".

MIKHA 2:9 ပူးပေါင်းရင်းမြစ်များ

COUNG" NGHEI 72:19

Nya: myonhoo: phung" yoeb yo' byeung da" voolang myeing ri apyaid atoo: moo: ju" sho' dacoung" nghei nyid we'. Nya: da" myonhoo: phung" yoeb gi moug: gyab goin" jang" moo: byeung" shoin: loo" baja" o". Amen. Amen.

YEREMIA 10:20

Ngoonu" da" zoem" joem gi phyo' pyam shoug" bye:. Hau: joem ri tei" to" da" tei" joem gi byid shang lo" byug bye:. Ngoonu" da" zooshang: yi dangain" bang: gi phang: shang lo" byug bye:. Ngoonu" da" zoem" joem ri doem tu: zhug wa hang" anyid loo nghoid da:. Hau: joem da" pain" ruang: joem ri koid: lang" byid: wa hang" anyid loo» ga: tid da:.

EZEKIEL 39:21

Aseing tid zigi «Ngoo gi byumyu" yiri nga" da" phung" yoeb ri myang nhang: lho: nga" da" tarha" deingmain" da" khyo" myid phyed ziri koid bui" wa shid re" nga" yoem: so' ri khasu" ci: ziri nyangnu" ri ci: shug byid: wa.

YOELA 3:6

Nanu" gi Yuda yo' Yerusalem mo da" byumyu" yiri nyangnu" da" moug: mo wigi vi: khyoo: myheig shu" lo" lho: Greek byumyu" yiri ung" byid: pyam ago".

AMO 2:7

Nyangnu" gi yoem: neing: mo, yo' ci: ayo" koid mo, ri nang: zeug pyam lho: sho" jhen: mo, ri khyoo: mo keung" khyo' pyam. Nya: phoo yo' nya: zoo: daphoo" thang: gi join myhi' dayug ri za: coem' zoem" goo" yoomo nga" gyeung" shang: myeing gi aved avhu: bue" lo" pyam bye:.

MIKHA 2:2

Nyangnu" gi yoothung" yoogu: ri vhoo: lang" lhoid seung: yu boem. Yhoem: joem ri we' yu" vhoo: lang" hau: ziri nyangnu" lhoid yu boem. Hang" ikoin deungkhu: we' hang" ziyoo we' gau: nyu: khyoo: ayoo" nghoid ago".

HABAKU 2:14

Nghoid loug we' panglai moo gyid yo' byeung" jo, ziyo' dakhyoo" ti" myid jang gi Aseing da" myonhoo: phung" yoeb ri se' da" lasi laleug yo' byeung" shoin: loo" wa nghoid.

ZEKHARIA 2:5

Aseing gi Yerusalem voo loem: lheing khab' mo voomoo" myi: vang khyam: bue" lho:-nyang: gi hau: jang" moo nya: myonhoo: phung" yoeb bain sho' yo' nyid nyid wa ein: yhe: tid we'» ga: tid.

MATHE 23:13

«Akug void da" tarha" sara: yi yo' Pharishe nanu" gi joem: loo" goo" wa. Subi" mougkhoung: mungdain: khyoo: vang loo" wa ga: soin' lo" da" uri nanu" gi khoem" myhid" byid: ago". Nanu" nyang: we' avang lo" boem. Vang loo" wa ga: yoem: kaid nyid mo, ri we' vang loo" wa da" akhang" abyid: boem zigi nanu" shid re" khayhi gyoug phyoo" nghoid.

MARKU 12:40

Nyangnu" gi cougmoo" yi da" yhoem: zi yookhoid joem ri lhoid zo: ci: lho: subi" yu" gi sho' nghoid boin yen" mo, nghoid. Akyu" sheung" sheung: mho' noug mo, nghoid ago". Nyangnu" rigi je gyi: da" tarha" dang: kho' zi shau" boem wa nghoid ga: tid.

LUKA 20:47

Cougmoo" myhi, yi da" yhoem: zi yoo khuid" joem ri we' atarha" khyo" lhoid yu lho: subi" gyo: loem" wa khyo" akyu" sheing: sheing: cang mho' yen" boem. Nyangnu" ri je no, thang da" yoobo dam byid: wam: bye: ga: tid.

2~KORINTHU 3:18

Houg: yoomo ngoonu" dangain" bang: gi myonhoo: nghoeb ziri phang pyam boem bye:. Myonhoo: yo' hau: Aseing: da" myonhoo: phung" yoeb da" alhoo: ri doem tau" pang shug nyid boem bye. Hau: myonhoo: phung" yoeb nyang: Venyi ein: da" Aseing: jang" mo ju" re" wigi Aseing: yo' jeje du go" lo da" myonhoo: phung" yoeb shoid khyoo: ngoonu" ri thed, shai" loo" nhang: nyid.

2~KORINTHU 4:6

Yesu khrsitu da" myonhoo: mo bang lo da" - Myo nhoo: phung" yoeb khyoo: nanu" se' loo baja"- yha" da" nheig loem: moo bidbang zhoo: byid: da" Mangsoo: gi Moug coid mo bidbang bang loo wa ga: wigi tid da" Mangsoo nyang: nghoid bye.

1 SAMUELA 26:19

Myhang: thang aseing we" ngoo tid wa ziri tam" gyo: yu" we'. Aseing gi nang ngoo ri thougtheung wa shid re" re" myid ri thid nhang: nghoid rigi nyang: ri ngei" da" xoin" gi nya: myid ri yo" thid nhang: wa zi nghoid. Nghoid loug we' byu joem wigi he: ziri koid nghoid rigi hau: Aseing nheing" zigi nyangnu" adang moo zang" baja". Nyangnu" gi ngoo ri Aseing mougmyid mo zi tungbau yu phara" ri za: yo" no' da" moug: khyoo: yhe: wa shid re" khaid nyid ago".