MIKHA 2:8 - Lacid Common Language Bible

⁸ Aseing phug tid zigi «Nanu" gi nga" byumyu" yiri gyivoo joem ri yhang: ti" khaid zain nyid ago". Meing: zain: jang: mo doem tau" loo bang: gi nyangnu" yhoem: moo gau: nyu: bye: ga: myid loem nyid ri nanu" gi nyangnu" gung mo byisheing: ri khau" yu pyam byid: wa shid re" houg: moo zung" yu" nyid boem.

MIKHA 2:8 ပူးပေါင်းရင်းမြစ်များ

2 SAMUELA 20:19

Ngoonu" da" voomoo" moo gi Israela mungdain: moo yug yo tung" ziyo' dang: zung" thang da" voomoo" daloem: nghoid da:. Ciwim yoomo hau: ziri phyo' shoin' pyam wa shid re" nang yoem: kaid nyid lha". Aseing seung: da" ziri nang ciwim phyo' shoin' nau nyid lha"» ga: tid.

COUNG" NGHEI 55:20

Nga" da" goonham, mo byencang" phoo gi nya: bidnoem yiri thougtheung wigi nya: da" dang: theing khoin" ri we phyo' pyam bye:.

ESAIA 9:21

Manashe yo' Ephrim byu yigi nyang: cang" nyang: gyi zain: wigi Yuda ri nya: eig yug dage" gyi zain: ago". Hougsu" nghoid loug we' nyang: nheig joem: yo: zigi athang nghoid da:. Nya: lo, gi yooboo dam byid: wa yhoin" to" ashi".

YEREMIA 12:8

Ngoo khyen: yu to" da" byumyu" gi ngoo mo thougtheung phug lo" abye:. Siyoo mo khangkhyi dadu: yhang: ti" nyangnu" gi ngoo ri myeing ago". Houg: yoomo nyangnu" ri ngoo ngheing"-

MIKHA 3:2

Nghoid loug we' nanu" gi ge da" khyoo: ri ngheung" ago"- akhyeung" da" moo" ri vho: nyid boem ago"- nanu" gi nga" byumyu" yiri kangso dei nyid shire nyang: shooyid shid pyam byid: lho: shooyoug: mo shoo" ri we' phyo' shang: yu pyam ago".

MIKHA 3:3

Nanu" gi nga" byumyu" yiri zo: pyam bye: ago"- nanu" gi nyangnu" da" shooyid ri shid pyam byid: lho: shooyoug: ri khyau" pyam byid: boem ziyo' oug" moo yhung: loo wa shoo" ri yhang: ti" jab khyi' to" ago".

MIKHA 7:2

Hau: moug: moo deing byeung" da" byu dayug we' anyid loo:. Mangsoo ri jhug zug loem khau: da" byu dayug we' aboo loo. Yugkhang" moo" gi byu said wa shid re" akhyoo" ayo, akhyeing: ri dalang" nyid boem ago". Yugkhang" moo" gi yhoem: seing: byumyu" yiri cang khaid kuang yen" ago".

MIKHA 7:3

Nyangnu" dangain" gi akhyeing" ashoeb moo" zei: wa shid re" gye" jhang: mo, nghoid ago". Mung" zoug: yi yo' tarha" agyi yi gi khoug: vhoeb jhungshug mho' zo: ago". Nyangnu" ri ung: zo: da" atho' mo zoug: ludaid yigi nyangnu" ri nyangnu" vho: zi mho' yu wigi dage" za: byen phyoo" coem' zain: nyid boem ago".