MIKHA 2:6 - Lacid Common Language Bible

⁶ Meing: byu yigi ngoo ri tarha" kho" kyo" lho: tid zigi «Ngoonu" ri tarha" akhoo" noo". Hau: joem dangain" ri akho" kyo" noo". Mangsoo gi ngoonu" ri myonhoo: shoem: nhang: wa zi anghoid.

MIKHA 2:6 ပူးပေါင်းရင်းမြစ်များ

COUNG" NGHEI 74:9

Ngoonu" da" gyeung" shang: alhoo: again' joem dangain" ajo, loo. Hau: joyoo moo: Lapi: dayug we' anyid lo: ziyo' khamyhang myang" sho' hid: yhang: ti" bue" jo, wa ziri hang" we' asi, loo.

ESAIA 29:10

Aseing gi nanu" ri yhoeb noug noug nhang: wigi yhoeb moo" myid" nhang: wa jen" jen" koid to" abye:. Lapi: yigi byu yi da" myojid" joem nghoid ago". Nghoid loug we Mangsoo gi nyangnu" ri myo, thoeb too" byid: da:.

ESAIA 30:10

Nyangnu" gi Lapi: yiri sam: zoo: nyid wa tid ago". Nyangnu" gi «Jo da" khyoo: ri ngoonu" ri atid goo". Ngoonu" gyoo: nau ja: ri tid kyoo" ge'. Ngoonu" myid jho: da" khyoo: joem moo xo' nyid nhang: we'.

EZEKIEL 20:46

Nyang: tid zigi «Shid: se' da" byu we"- mougpyi: shoid khyoo: yu" kaid we'. Mougpyi: shoid ri thougtheung tid wigi mougpyi: shoid mo seig moo" yoo ri thougtheung lapi: pi: we'.

EZEKIEL 21:2

Nyang: tid zigi «Shid: se' da" byu we"- Yerusalem ri ngeug pyam we'. Byumyu" yi noku da" joyoo joem ri ngeug he: pyam we'. Israela mougmyid ri tid poin" we'.

EZEKIEL 3:26

He: thougtheung da" byumyu" yiri nang ayo" tid poin" wa shid re" ngoo gi re" yhoo: ri ajoem: shid: nhang: wa.

AMO 2:12

Nghoid loug we' nanu" gi Naziri byu yiri zabyid yhid: shug nhang: lho: wigi Lapi: yiri we' nga" mungdang: atid wa shid re" toem' pyam ago".

AMO 7:13

He: Bethela mo khanham lapi: api: loo:. He: joyoo gi khokham pho noku da" joyoo. Byu damyu" goin" da" Noku Yhoem: Moo" nghoid» ga: tid.

AMO 7:16

Houg: yoomo akhid" Aseing tid ziri «Tam" gyoo: ge'. Nang gi ngoo ri lapi: pe: ziri theung: pyam wa shid re" Israela byumyu" yiri nheig yo: khyoo: ri to" pyam wa shid mo tid da:.

MIKHA 3:6

«Lapi: yi we"- nanu" da" bidnyid gi thang lo" nyid bye:. Nanu" tho' mo bid gi vang lo" nyid abye:- nga" byumyu" yiri khyoo: vhang: shu" vhang: yoomo lape: yoeb myang we' shau" myang loo goo" wa zi anghoid loo. Hougsu" wigi nanu" gi ci: we' yo" pe: kyoo" loo wa zi anghoid»

MIKHA 6:16

Nanu" gi Omri khokham yo' nya: zoo: Ahab khokham da" akhyeing" ashoeb da" moo" zoo" moo bo cang yoomo hid: su" bue" loo" goo" wa. Nanu" gi nya: phatang: da" akhyoo" joem moo xo' koid nyid boem yoomo ngoo gi nanu" ri byo, yoin" nhang: lho: yugkhang" moo" gi nanu" ri aphoug" akhyoid koid lo boem wa nghoid. Khyi' khang" moo" mo byu joem gi nanu" ri anoug akhyoid zoem" khau: lo boem wa nghoid.

ACTS 4:17

Nghoid loug we' mung" byu yi jhang khyoo: he da" ludang: aje: loo" wa shid re" hau: eig yug ri Yessu da" myeing ri lang: lho: khanham we-hang" ri we' adoem tid loo: shid mo-tid poin" too" shang" - ga: sham: go" to.

ACTS 5:28

Nyang: gi hau: youg myeing ri lang: lho-ci" we' ajhoug" byed: wa shid re" nanu" ri ngoonu" gi jhug jhug nyang: amyeing" byid: too" bye- nghoid loug we' yu" ge'- nanu" gi Yerusalem davoo goin" jang" moo nanu" da" jhau" mho' khyoo: za: byeung" shoin: loo" sho' koid to" abye: go- houg: yoomo nanu" gi nyang: shid: da" xang: gyoug: ri ngoonu" da" atho' moo foin: nau boem ago- ga: lagyoo: yi ri tid.

ACTS 5:40

Nyang: nu" gi lagyoo: ri khe: fang yu lho: nyangnu" ri baid' lho: wigi Yesu da" myeing ri lang: lho: khanham we' akho" kyoo" loo: goo" ga: nyangnu" ri amyeing" byid: kaid' ago". Hau: thang: rigi nyangnu" gi lagyoo: yi ri nhang: kaid' abye: da.

ACTS 7:51

Stephain gi xo' lho: doem tid zigi nanu" gi nheigloem: gye" thain: nyid ago- nanu" da" nheigloem: ung: khoug: moo gi Mangsoo ri ase' boem nghoid go. Nanu" gi nanu" nya: da" phoug" phyid" yi yhang: ti" Mangso mungdang: ri ashug" gyo: da" nujed' mo, nghoid boem ago". Gyeungshang: da" Venyi ri khanham we' ngeug pyam mo, nghoid nyid boem ago".