MIKHA 2:3 - Lacid Common Language Bible

³ Houg: yoomo Aseing tid zigi «Ngoo gi nanu" ri nyeigdain tung" da" yau: khe" khyoo: ri byid: wa soin' nyid lho: nanu" gi houg: mo yo" loid loo" goo" wa zi anghoid. Nanu" gi yau: khe" khyoo: thoung" shau" lho: hau: thang: moo nanu" gi ayo" phau: khuang yen" goo" wa.

MIKHA 2:3 ပူးပေါင်းရင်းမြစ်များ

ESAIA 29:20

Hau: zigi subi" gootu: ri zeig zoo: bang: yo' Aseing ri aphoug" akhyoid koid shug bang: da" lo" thang ayo, nghoid wa. Yooboo yoo" bang: yugkhang" moo" ri said toem" pyam wa.

ESAIA 3:16

Aseing gi «Yu" ge'- Yerusalem myiyi: yigi gye" nghoid boin: ago". Nyangnu" gi myonhoo: nghang ci: lho: khyoo: so" ago". Nyangnu" gi khanham we' myo, nho: myoo: bang: nghoid. Nyangnu" gi langi: khyo" byi ce" lho: khamyhoo' mo akhuang joem gi sheing" sheing" ga: so" myheing ago".

ESAIA 5:19

Nanu" gi ngoonu" hau: ziri shau" myang wa sho' nyang: koid wa ga: tid to" da" moo" ri myab myab Aseing ri koid nhang: boem shang. Nyang: soin" to" da" moo" joem ri Israela da gyeung" shang: Mangsoo ri koid nhang: shang. Nya: myid moo cibo ziri ngoonu" yu" boem shang» ga: tid ago".

YEREMIA 18:11

Houg: lho: Akhid" ngoo gi nyangnu" ri gyi koid wa soin' to" lho: nyangnu" ri yooboo dam byid: wa jen" jen" nghoid bye: da" khyoo: ri Yuda byu yi yo' Yerusalem byu yiri tid kyoo" byid: we'. Yooboo koid da" kangso' dei khyoo: ri theing: pyam wa nyangnu" khyoo: joem ri thid pyam wa nyangnu" koid da" lo, moo" ri theing: pyam goo" wa shid re" tid wa.

YEREMIA 27:12

Ngoo gi Yuda khokham Zedekia ri we' hougsu" kyeing" tid bye:. Hau: zigi «Babelon khokham jhang nyid wa shid re" kham: yu we'. Nyang: yo' byumyu" yiri dei nyid wigi nang dei nyid wa.

YEREMIA 34:17

Houg: lho: akhid" nanu" ngoo ri tid dang: agyoo: nghoid ago" ga: Aseing tid da:. Nanu" da" Israela mang: nhung" yi loid byoin khyoo: ri nanu" abyid: nghoid ago". Houg: lang" gi bye:- ngoo nanu" ri loid byoin khyoo: byid: wa. Gyi khaid khyoo:- noo bue" khyoo: zooyoid kyug shid: wa khyoo: mo loid byoin nhang: wa. Ngo wigi nanu" ri koid da" moo" yo' mougmyid dang moo byumyu" khang" moo" yu" co' yu" gyoug nhang: wa.

YEREMIA 36:23

Yehudi soem" myid: du bain nghab yo' khokham' phoo gi sham: thoo" wigi yham" ceig lho: myikhyoem' khyoo: pyam zei kaid da:. Mougsoug" deing: goin" bain ngi" sho' nyang: hougsu" xo' koid da:.

YEREMIA 43:2

Hau: thang: Hoshaia da" yuggi zoo: Azaria- Karea da" yuggi zoo: Yohanan yo' gootu: nghoid boin: da" byu gooji dangain" gi ngoo ri «Nang mhau' nyid. Ngoonu" ri Egutu khyoo: ayhe: nyid wa khyo" ngoonu" ri tid wa shid re" ngoonu" Aseing Mangsoo gi nang ri anhang: kaid nghoid da:.

YEREMIA 8:3

Houg: lho: ashid: lho: nyid deing nyid wigi ngo wigi khaid sain" kaid da" joyoo moo nyid boem da" he: akhyeing" da" byumyu" mo mung" byu yigi xo' lho: nyid wa gungthid- shid: wa loem: je vho: loo goo" wa. Ngoo- Myhang: thang Aseing tid bye:.

NGOUG JI: 1:14

Nyang: gi nga" yooboo dangain" ri xoem" to" lho: hau" yooboo dangain" ri shoem" deung: to" wigi nga" leung zeung: moo: foid too" bye:. Houg: yoomo hau: zi lid: wigi yoem: neung: loo" bye:. Aseing gi ngoo ri nga" gyivoo joem da" lo, moo: ab byid: pyam bye:. Ngoo ri: pang" thoug su: aboo loo: yoomo nyangnu" ri ngoo ayo" thougtheung loo.

NGOUG JI: 2:17

Aseing gi nyang: koid wa ga: kyug nhain' lid loo: bye: da" moo" zoo" ri lo" thang moo zei: bue" kaid bye:. Goonham mo nyang: tid poin" lid: lo da" ziyo' dayhang: ti" ngoonu" ri nheig khyeug myid aboo loo: za: lhu: phyo' pyam bye:. Nyang: gi ngoonu" da" gyivoo joem ri oung: doid loo" nhang: bye:. Nyang: gi ngoonu" leung lo" da" jang" moo: nyangnu" ri ngei pyoo: nhang: bye:.

NGOUG JI: 5:5

Ngoonu" gi loo zei: joem Gola-ug yo' dakhyoo" ti" baid koin" zi shau" boem bye:. Myung: boem bye: nghoid loug we' no: yu wa akhang" abyid: nghoid ago".

DANIELA 4:37

Houg: lho: akhid" ngoo Nebukhadneza gi mougkhung: mo khokham ri coung"- phung" yoeb yo' ngi: shab byid: o". Nyang: koid zi ja: khang" moo" gi jo lho: tarha" deingmain" da:. Houg: lho: nghoid boin: bang: hang" ri we' nyang: yo" doin: khyo' pyam da» ga: tid.

AMO 2:14

Gye" yo" tang" mo, lang" gi ayo" phang: loid loo" goo" wa. Yoem: boo mo, we' nyangnu" da" yoem: goin byug goo" wa nghoid. Hau: lho: gyizoo: yi we' nyang: da" kangso' ri ayo" khyoid yu goo" wa.

AMO 3:1

Israela bang: we" Egutu mo shu" thu lo da" byumyu" dangain" mo, we" nanu" yo' sen: lho: Aseing tid da" mungdang: ri tam" gyo: yu we'.

AMO 3:2

Mougmyid tho' mo byumyu" dangain" jang" moo nanu" ri za: ngoo dasi' yoomo goin coung: lo zi nghoid. Hougsu" nghoid yoomo nanu" da" yooboo joem gi gye" yu" gyoug yu" lhung: sho' nghoid nyid bye:. Houg: yoomo hau: yooboo joem da" gang mo nanu" ri ngoo yooboo dam byid: ca" bye:.

AMO 5:13

Houg: yoomo houg: yhang: te" da" akhyeing" da" ayo, moo ameing loo sam: zoo: tam" to" zigi yeug su: nghoid.

MIKHA 2:1

Yhoeb yoo tho' moo jhang" jo, wigi akhyeung" da" moo" ri soin' nyid mo, shid re" khayhi' gyoug pho" zi nghoid nyid la". Myo, myang loo lang" nyangnu" gi ayo, agoo, gi yoo" yo' nyangnu" soin' to" da" akhyeing" ashoeb moo" ri zei: lo" ago".

Roma 16:4

Nya: eig yug gi nga" shid' re" kang: ab so' ab sho' moozoo" bo voin vu yu" su: eig yug nghoid. Nya: eig yug ri ngoo kyeing" za: anghoid nghizain: byumyu" phung: byu dangain" mo we' jeju" boin: nyid boem.

Ephesu 5:16

Khasu" wim gari akhid" da" bidnyid ayo, joem gi akhyeing" ashoeb, da" bidnyid nghoid nyid yoomo nanu" yo" da" ayo, gi ri goolhoo: za: akyu" boo sho' ci: yhoung: nyid ge'.

TARHA" TID POIN" 28:48

Hougsu" yoomo nanu" gi nanu" ri thougtheung wa shid re" Aseing wigi nhang: kaid wa gyivoo yiri yhe: dei byid: ca" wa zi nghoid. Nanu" gi voem yoid gyid shid ziyo' shoo" cen: doem: nyid wa zi nghoid. Ja: khang" moo" ca" goo" wa. Aseing gi nanu" ri nanu" joem: loo" sho' anoug akhyoid yhen' wa zi nghoid.

YAKU 2:13

Khasu" wim gari Mangsoo gi nheig ase' khyeig su: ri nheig akhyeig loo: za: dang: phyed' byid: loo wa zi nghoid. Nghoid loug we' nheig khyeig shoo" myen: khyoo: gi tahra" dang: phyed' khyo: tho' moo yoem: je bo.