MIKHA 2:2 - Lacid Common Language Bible

² Nyangnu" gi yoothung" yoogu: ri vhoo: lang" lhoid seung: yu boem. Yhoem: joem ri we' yu" vhoo: lang" hau: ziri nyangnu" lhoid yu boem. Hang" ikoin deungkhu: we' hang" ziyoo we' gau: nyu: khyoo: ayoo" nghoid ago".

MIKHA 2:2 ပူးပေါင်းရင်းမြစ်များ

1 KHOKHAM 21:1

Yezrela mo khokham Ahab da" khokham khoo" nam moo Nabod ga: su: seing: da" zabyid khyam: da khyam: jo, da:.

2 KHOKHAM 9:26

‹Ngoo gi Nabod yo' nya: yuggi zoo: yiri said ziri anyid" nab myang bye:. Ngoo gi nang ri he: yoomo nyang: yooboo dam byid: wa› ga: tid ziri myid boin: we'.» Yehu gi nya: gyizoug: phoo ri «Yoram da" manggung ri koid: yu lho: Aseing da" dangsoo" joeb byeung" ri" wa shid re" Nabod seing: da" yoo moo: yhe: she: pyam too" we'» ga: amyeing" byid: da:.

YOBA 31:38

Ngoo phug da" yoothung" ri khau" yu wigi yoothung" seing: yi mo yu pyam byid: nghoid ri

THU' LO" MOUGSOUG" 20:17

Gootu: dayug da" yhoem: ri vo: da" myid aboo goo". Nya: myi:- nya: join myhi' jhoin phoo- nya: nu: kyung- nya: loo zei: yo' nyang: seing: da" gootu: jonu" dangain" ziri we' vho: ngei da" myid aboo goo".

ESAIA 3:14

Aseing gi nya: byumyu" yi da" ludaid yi yo' vhujhung: yiri dang: phyed wa shu" lo da:. Nyang: gi hidsu" ga: yooboo zhug abye:. «Nanu" gi zabyid khyam: joem ri lhoid yu ago". Nanu" yhoem: gi sho" jhen: bang: mo lhoid yu da" zi joem kaid pyeing to" ago".

ESAIA 5:8

Nanu" gi joem abye: go". Nanu" yo" too" gu moo lung: wa shid re" yhoem: joem yo' yoothung" joem ri nanu" qei ago". Amyang" ri houg moo gooji hang" we' nyid wa joyoo ajo, wa. Hau: mung" moo nanu" za: nyid lo boem goo" wa.

YEREMIA 22:17

Nghoid loug we' nang gi nanya: shid re" za: myang da:. Nang gi ce: yooboo ayo" da" bang: ri said pyam wigi Re" mung" byu yiri ajoem: theing zeig zo: da:. Aseing tid too" bye:.

EZEKIEL 18:12

Nyang: gi myung bang: ri mhoug zo: lhoid zo: da:. Nyang: gi ngei jhid" yu su: da" kookham: kham: to" da" ziyoo jonu" ri seing: yu pyam da:. Nyang: gi tungbau yu phara" yhoem: joem khyoo: yhe: lho: aco' ajhoid da" yu soolhoo: joem ri no' da:.

EZEKIEL 22:12

Re" byumyu" yi mo dayham" gi aphoug" yoo" wa shid re" byu said da:. Dayham" gi nyangnu" da" Israela byumyu" nyang: cang" ngei jhid" byid: lho: atu" amyaid yu zo: ago". Houg: bang: jang" mo atu" amyaid yu nyid lho: nyangnu" yoo" zoo: yoo" shug lo ago". Nyangnu" ngoo ri to" myhid pyam bye:». Yoem moo" bo Aseing tid bye:.

EZEKIEL 22:13

«Ngoo gi re" lhoid zoo lhoid shug khyoo: yo' byu said moo" moo nga" lo zhoeb ri thoin: khyo' kaid wa.

EZEKIEL 33:26

Nanu" gi nanu" nya: sham: coin" joem moo khau: nghe: da:. Nanu" da" avoid gi aco' ajhoid nghoid da:. Yugkhang" moo" gi myi shoid lang shoid ago". Hau: mungdain: gi nanu" da" mung" nghoid ein: khasu" yo" myid go" la".

EZEKIEL 45:9

Yoem: moo" bo Aseing tid. «Israela ri vhoeb bang: nanu" we"- nanu" gi sung nyang: myang" sho' yooboo shoid abye: go". Nanu" da" athoug" akhyoug: moo" yo' zeug zo: moo" ri theing: pyam ge'. Jo ziyo' deingmain" ziri koid we'. Nanu" gi nga" byumyu" yiri nyangnu" da" mougmyid mo khanham we' adoem yo" khaid thu loo goo" wa. Ngoo yoem: moo" bo Aseing gi nanu" ri he: zi tid nyid bye:.

EZEKIEL 46:18

Vhoeb khang" nyid da" khokham nu" gi byumyu" yi da" jonu" ri nyangnu" lo, mo age yu pyam byid: wa. Nya: zoo: yiri nyang: kho' gam byid: da" kha: mougmyid nghoid loug we' nyang: ri byid: to" da" mougmyid mo nghoid ca" da:. Houg: lang" nyang: gi nga" byumyu" yi da" mougmyid ri lhoid yu pyam da" khyo" nyangnu" ri adoin: zeug zoo: loo wa.

EZEKIEL 8:17

Aseing ngoo ri «Shid: se' da" byu we"- nang hau ziri myang la". Nang myang bye: da" aco' ajhoid moo" dangain" ri koid lho: damung" goin" khyoo: athoug" akhoug: moo" ri byo loo" nhang: da" moo" yo' za: Yuda byumyu" yigi nheig ashid: shi" nghoid ago". Anghoid- nyangnu" gi he: Noku Yhoem: Moo" moo hau: joem ri re" koid boem wigi ngoo ri je nheig yoo: nhang: ago". Yu" we' nyangnu" gi areing: thang da" lo, moo" yo' ngoo ri rue" boem ago".

AMO 2:7

Nyangnu" gi yoem: neing: mo, yo' ci: ayo" koid mo, ri nang: zeug pyam lho: sho" jhen: mo, ri khyoo: mo keung" khyo' pyam. Nya: phoo yo' nya: zoo: daphoo" thang: gi join myhi' dayug ri za: coem' zoem" goo" yoomo nga" gyeung" shang: myeing gi aved avhu: bue" lo" pyam bye:.

AMO 4:1

Bashan mo nujung zeing joem yo' dakhyoo" ti" xu: young" boem lho: yoem: neing: mo, ri anghoid akhuang khyo" zoem" khau: wigi myung shoo" bang: ri doin: zeig zo: boem ziyo nanu" da" yhoem: seing: phoo yiri yhid: jang nhang: da" Samari mo myhi' zeing yi nanu" we' he: khyoo: ri tam" gyo: yu" we'.

AMO 8:4

Sho" jhen: bang: ri nang: zeug lho: mungdain: myoung shoo" mo, ri phyo' shoin' pyam mo, we"- tam" gyoo: we'.

MIKHA 3:9

Tarha" nyeung veung" khyoo: ri ngheung" lho: shoid vhang: da" khyoo: khyoo: phug lo" da" Israela vhujhung: yi we"- nga" dang: ri tam" gyo: yu" ge'.

MIKHA 6:12

Nyangnu" mo yoo" zoo: yoo" shug bang: gi myung mo, ri doin: zeig zoo: goo" yoomo nanu" dangain" bang: gi mhoug mo, za: nghoid ago".

MALAKHI 3:5

Yoem: moo" bo da" Aseing gi hidsu" ga: tid nyid «Ngoo ri dang: phyed wa shid re" nanu" da" mo, phung: gung moo thu myang loo wa. Fa" zo: yen" mo, soem" lid shoo: mo, adeing amain" khyo" jham' tang: mo, vhu" kung: yiri vhu" kung phoug" ashang" mo, coug" zoo: cougmoo" yi yo' being" voo yiri doin: zeig zoo: mo, -ngoo ri aphoug" amyang: mo, dangain" ziri vhu" zhug lho: yooboo dang: phyed wa zi nghoid.

MATHE 23:13

«Akug void da" tarha" sara: yi yo' Pharishe nanu" gi joem: loo" goo" wa. Subi" mougkhoung: mungdain: khyoo: vang loo" wa ga: soin' lo" da" uri nanu" gi khoem" myhid" byid: ago". Nanu" nyang: we' avang lo" boem. Vang loo" wa ga: yoem: kaid nyid mo, ri we' vang loo" wa da" akhang" abyid: boem zigi nanu" shid re" khayhi gyoug phyoo" nghoid.

1 TIMOTHI 6:10

Khasu" wim ga: ri ngei myo, no, da" khyoo: gi akhyeing" ashoeb, khyoo: aja: ja: ri bue" thu' loo nhang: da" nei yang: nyang: nghoid bye. Byu dayham" bang: gi hau" ngei ri yoo" wa shid re" nheigloem: gye" zhu: vho: ngei nyid boem yoomo loem" jeung" khyoo: mo vhang: lo" boem ziyo' koug shu: khyoo: aja: ja: yo' nyangnu" da" nheigloem: ri gyau: moin" loo" nhang: nyid boem ago".