MIKHA 2:11 - Lacid Common Language Bible

¹¹ «He: da" byumyu" yigi mhau' fain" ziyo' nanu" shid re" zabyid yhid: yo' yhid: yau thu ri" wa ein: da" lapi: pi: byid: ga: tid lho: mhui" jhoem" yen" da" lapi: yiri vho: nyid boem ago".

MIKHA 2:11 ပူးပေါင်းရင်းမြစ်များ

1 KHOKHAM 13:18

Hau: thang: Bethela mo lapi: mangzoo: gi nyang: ri «Ngoo we' nang yhang: ti" lapi: dayug nghoid. Aseing amyeing" dang: moo nang: ri ngoo yo' dage" yhoem: khyoo: shu" lo" wigi nang ri doo" zhoo" wa khyoo: moug: lagyoo: khyo" ngoo ri tid» ga: tid. Nghoid loug we' lapi: mangzoo: gi mhau' nyid da:.

1 KHOKHAM 22:6

Houg: yoomo Ahab Lapi: yi jang" mo myid: shoo: koo: ri khe: yu wigi «Ngoo gi Ramod ri yhe: zain: ri gi wa la" agi wa la"» ga: myid: bye:. Nyangnu" gi «Hau: ziri yhe: zain: we' Aseing gi nang ri oung: doid nhang: wa nghoid» ga: tid.

YOBA 31:5

Ngoo gi khanham we' akhyeing" ashoeb da" khyoo: akoid wigi Subi" ri mhau' fain" zoo: wa khanham we' asoin' yu" ein: jham' tang:.

DANG: ZHOEM 25:14

Nyangnu" dangsoo" byid: lho: khanham we' acang bang: gi moug: gyid abo da" jhoemmoug" yo' lid yhang: ti" du nyid.

ESAIA 28:7

Lapi: yi yo' khainjung yi lang" yhid: sung yed yoomo leung baid yeing" ago". Nyangnu" zabyid yhid: yo' yhid: jang" sung yed yoomo adu: adam: thung" leung ago". Lapi: yigi Aseing wigi byid: da" yoeb myang joem ri ase' gyoo: loo: sho' yhid: yed ago". Houg: lho: khainjung yigi nyangnu" jhang ci: re" da" moo" ri ayo" tid phoid: kyoo" loo: sho' yhid: yed ago".

ESAIA 9:15

Apyaid gyi: lho: ngi: shab da" bang: gi vhuloem nghoid wigi mhau' lho: jhau" shid boem da" Lapi: yigi shoomyi: nghoid ago".

YEREMIA 14:14

Nghoid loug we' Aseing doem tid zigi «Lapi: yigi nga" da" myeing khyo" mhau' tid nyid boem ago". Nyangnu" ri ngoo anhang: kaid. Nyangnu" ri ngoo amyeing" daja: we' abyid:. Nyangnu" ri dang: dakhoin" lang" aji. Nyangnu" tid da" yoeb myang gi nga" jang" mo re" zi anghoid. Nyangnu" bue" loo wa ziri tag tid khyoo: joem gi ci: aphoug" adab da" nyangnu" se' ziza: danghoid da:.

YEREMIA 23:14

Nghoid loug we' Yerusalem mo Lapi: yi je lang" xo: boem ziri ngoo shau" myang bye:. Nyangnu" gi myi: shoid lang shoid wigi mhau' dang: tid ago". Byumyu" yiri shoid da" moo" koid wa shid re" pang" thoug byid: ago". Houg: lho: hang" we' akhyeing" da" moo" koid ziri atheing: pyam nghoid ago". Nyangnu" dangain" gi nga" shid re" Sodom yo' Gomora byu yi yhi' age boem nghoid da:.

YEREMIA 23:17

Ngoo tid to" da" dang: ri atam" gyoo: loo: he: pyam da" byu yiri nyangnu" dangain" nyid gi yab ge loo goo" wa ga: nyangnu" xo' tid ago". Nyangnu" gi nheigloem: thain: bang: yugkhang" moo" ri yau: khe" kyi" khyeug zigi nyangnu" ri khanham we' ayo" ju" zang" wa» ga: tid ago".

YEREMIA 23:25

Nga" da" myeing mo mhoug dang: tid lho: nga" mungdang: ri nyangnu" yhoebmo, moo ngo wigi nyangnu" ri byid: da: ga: tid boem da" hau: Lapi: yi dang: ri ngoo se' da:.

YEREMIA 23:32

Ngoo Aseing tid da" dang: ri tam" gyoo: ge'. Mhau' fain" dang: byeung" jo, da" nyangnu" yhoebmo, joem ri tid boem da" lapi: yiri ngoo thougtheung da:. Nyangnu" gi hau: joem ri tid wigi nyangnu" mhau' fain" da" dang: yo' phau: tid da" dang: wigi nga" byumyu" yiri khyoo: vhang: shu" vhang: da:. Ngoo gi nyangnu" ri anhang: kaid. Yhi: wa shid re" we' nyangnu" ri amyeing" abyid: wigi nyangnu" gi byumyu" yiri dajhi' we' ayo" pang" byid: nghoid ago". Ngoo Aseing tid too" bye:» ga: tid.

YEREMIA 28:15

Houg: lang" ngoo gi he: dang: ri Hanania ri tid kyo" wigi «Hanania we"- tam" gyoo: we'. Aseing gi nang ri anhang: kaid nghoid da:. Mhau" da" dang: ri he: byu yi loem" sho' nang koid nyid da:.

YEREMIA 5:31

Lapi: yigi mhoug dang: za: tid thu ago". Khainjung yigi Lapi: yi amyeing" byid: da" khyo" vhoeb ago". Houg: lho: nga" byumyu" yigi ci: dakhoin" we' angeug nghoid da:. Nghoid loug we' he: gu: dangain" lo" thang bain byug ri nyangnu" cikoid loo goo" wa la".

NGOUG JI: 2:14

Re" da" lapi: yigi nang ri mhau' tid wa tho' moo jain" lho: tid kyoo" wa zi ci: we' ayoo" loo: nghoid ago". Nyangnu" da" tarha" kho" dang: gi re" yooboo ri khanham we' apau: thu' loo: nang ri mhau' pyam nyid ago". Nyangnu" gi nang ri nheigloem: thid aca" ga: myid nhang: nyid.

EZEKIEL 13:22

Nanu" gi nanu" da" mhau' tid da" dang: joem wigi ngoo anau noo nhang: da" byu gi yiri yoem: shoin: nhang: da:. Akhyeing" bang: gi nyangnu" da" akhyeing" ziri to" pyam wigi nyangnu" da" kangso' joem ri khyoid yu wa ziri toem' pyam ago".

HOSEA 7:14

Nyangnu" gi ngoo ri nheigloem: phyu: ziyo' amho' boem nghoid ago". Nghoid loug we' hau: gungthid nyangnu" gi nyangnu" da" gung ri pyam lheing: kaid lho: tungbau yi yhang: ti" kougshu: yoid ngoug ago". Shivoo: yo' zabyid yhid: re" akyu" mho' uri tungbau byu yi yhang: ti" yham" khyam" wigi nyang: nya: gung ri dam tab yu ago". Nyangnu" gi gye" thougtheung gyi koid mo, nghoid ago".

MIKHA 3:11

Voomoo" mo zoug: yigi khougvhoid jhungshug yoo" wa shid re" vhoebkhang" nyid ago". Khainjung yi we' aphoug" yoo" wa gu: za: tarha" ri phid: jhau" byid: nyid ago". Lapi: yigi ngei yoo" wa shid mo nyangnu" nya: da" yoeb myang ri toin" shid nyid ago". Hau: lho: nyangnu" dangain" mo, «Aseing gi ngoonu" yo' dage" nyid» ga: tid fu" nyid ago". Nyangnu" gi «Ngoonu" moo ce" yau: khe" khyoo: we' aju" wa Mangsoo gi ngoonu" yo' dage" nyid» ga: tid.

MIKHA 3:5

Nga" byumyu" yigi ngei byid: mo, rigi myenjham" khyoo: yoo" wa ga: dangsoo" byid: da" lapi: yi wigi mhau' jhoem" zi shau" ago". Nghoid loug we' ngei abyid: mo, rigi gyi khyo" kyug nhain' ago". He: lapi: yiri Aseing tid zigi

Roma 16:18

Houg: bang: gi ngoonu" da" Aseing Yesu Khristu da moo" voin mo anghoid. Nyanu' nya: da" zoo: noem kha: ja: shau" zoo wa ashug" zoo: wa da" khyoo: ri za: te: myid yu" mo nghoid. Nyanu" gi nu" nham' cau: main da" dang: ri tid coung" myeing" coung" thui: yo" wigi deingmain" nyid mo ri lang" yo" mhoug zoo: se' ago".

PHILIPI 3:19

Houg: bang: gi ngarai mung" moo nyangnu" da" khyoo: lo" thang wa zi nghoid-khasu" wim gari houg: bang: da" Mangsoo gi nyangnu" da" voem: doug: ein: da" gung sho" vhoo: boo myo, no, da" khyoo: nghoid nyid nyangnu" gi asho' ashid: da" khyoo: ri myonhoo: sho: phau: khuang nyid boem ziyo' he: mougmyid mo da" zi yoo joem riza:- nheig tei" nyid boem ago".