MIKHA 1:8 - Lacid Common Language Bible

⁸ Houg: lang" Mikha tid zigi «He: khyoo: yoomo ngoo gi koug myeing" yo' nyho: ngau nyid wa zi nghoid. Ngoo kougshu: zi si' wa shid re" khyid: cen: yo' shoo" cen: doem: so" yen" shug wa zi nghoid. Khuid" lam" su" gyab lho: Gola-ug gyo, yhang: ti" myeung yen" wa zi nghoid.

MIKHA 1:8 ပူးပေါင်းရင်းမြစ်များ

2 KHOKHAM 18:13

Khokham Hezakia vhoeb zi daxe: myid: zain ein: zain moo Asuri khosen Senakherib gi geing: teung da" Yuda voomoo" joem ri yhe: khaid zain: wigi houg joem ri oung: pyam da:.

ESTHA 4:1

Bue" loo bye: da" khyoo: dangain" ri Modekhai si' lang" nyang: gi myid myo: seing" kho" ziyo' nya: byimi ri lang: ceig pyam da:. Hau: thang: nyang: gi jid: moo" byimi void- vhuloem moo myiyab geig gyoin: ci: lho: khokham kho" vang" khoem" duang: ju" sho' voomoo" khoug: moo ngau yang" yang" yen" da:.

YOBA 30:29

Nga" thui: gi zeigni dadu: myeing thui: anghoid lang" gyo, Gola-ug myeing thui: yhang: ti" nheig koug thui: thu da:.

COUNG" NGHEI 102:6

Ngoo gi: siyoo mo kyang: da" ngho' dadu: yo' byo, yoin: she: pyam, too" bye: da" khung" boeb, yhang: ti" za danghoid.

ESAIA 13:21

Hau: joyoo gi dain" pyoid yoomo nyid da" gougnyhoug joem nyid joyoo bue" wigi khung" boeb joem gi houg moo nyangnu" da" soid koid goo" wa. Gola-ug ngho' joem gi houg moo nyid re" boem goo" wa. Coidbaid lam" joem gi byo, yoin" jo, da" khyo" thu byam lid loo" goo" wa.

ESAIA 13:22

Gyipyu, zung joem yo' khokham kho" joem gi khuid" koo" yo' siyoo lakhuid" joem myeing thui: lang: thang: tu" thui: gi yheing: ga: jo, wa. Babelon da" ayo gi ju" abye:. Nya: bidnyid gi thang lo" abye:» ga: tid da:.

ESAIA 16:9

Akhid" ngoo gi Yezera shid re" ngau ziyo' dakhyoo" ti" Sibma zabyid nei joem shid re" ngau da:. Nga" ngoug byid joem gi Heshbon yo' Eleale dang moo gyo" zang" bye:. Ciwim gari mung" byu yiri ngei bu: nhang: da" zabyid phyo' yo, ajo, wa.

ESAIA 21:3

Ngoo shau" myang shoug" gyoo: da" yoeb myang gi ngoo ri gyoug nhang: wigi zoo khu: noo no da" myiyi yo' dayhang: ti" ngoo ri noo nhang: da:.

ESAIA 22:4

Akhid" ngoo ri shid: byug boem bye: da" nga" byu dangain" mo, shid re" nheig khoo" sho' ngoug wa nyhid: teing too" khoo' la. Ngoo ri nheig teing wa asoin goo".

ESAIA 32:11

Nanu" gi myen myen za: kangso' dei lo ago". Myid amyoo: nghoid ago". Nghoid loug we' akhid" gyoug wigi nain" nyid ge'. Nanu" byimi joem ri khyoid pyam lho: nanu" phyid" doem moo mi joid wigi tei" ci: we'.

YEREMIA 4:19

Dam noo- dam noo ri ngoo atho' zeing: kham. Nga" seing" nyang: we"- Nga" seing" gug gi gye" thung" nyid. Ngoo gi sam: zoo: ayo" tam" too". Ngoo gi laboo" joem thui: yo' meing: zain: jang: mo thui: ri shau" gyo:.

YEREMIA 9:1

Nga" da" vhuloem gi gyid thung" Houg: lho: nga" da" myojid" gi ngau byid gyid cu" nghoid yoo: o". Houg: lang" said pyam shau" da" nga" byumyu" yi shid re" myen" ri nyid" ri yo" ngoug wa nghoid.

YEREMIA 9:10

Ngoo gi «Boem joem shid re" koug ngau wa. Coung" yoo shid re" ngau wa. Ciwim gari hau: joem gi kyug byug wigi hau: joem dang khyo" gyung: hang" asoo" nghoid da:. Yhoem: khu: gougnyhoug thui: ashau" gyoo: loo wa. Ngho' joem yo' gougnyhoug lam" joem dangain" phang: byug abye: go"» ein: tid.

YEREMIA 9:19

Ziun mo nyho: ngau nyid da" thui: ti" tam" gyoo: ge'. «Ngoonu" gi byo, yoin" byug bye:. Ngoonu" gi bain sho' ngi yoem" byug bye:. Ngoonu" gi ngoonu" moug: ri too" kho' lho: Ngoonu" da" yhoem: joem ri phyo' pyam shoug" bye:- ga: ngau nyid ago".

EZEKIEL 32:18

Nyang: gi «Shid: se' da" byu we' Egutu mo byu myoo" sho' shid re" koug ngoug we'. Nyangnu" ri yoem: so' bo da" gootu: byumyu" yi yo' dage" moovo moug: khyoo: khyo' kaid we'.

MIKHA 2:4

Houg: ayo, ju" lang" byu yigi nanu" moo bue" lo khyoo: ri kyi" khyeug yau: khi" da" leig daloem: khyo" ci: yhoung: loo" goo" wa nghoid wigi nanu" thoung" shau" lo da" khyoo: joem ri hid: su" ga: nheig koug nheig nge da" lid jhoem" ri yhang: lo" boem wa nghoid. Ngoonu" gi bain sho' byo, yoin" loo" bye: Aseing gi ngoonu" da" mougmyid ri yu pyam byid: lho: Ngoonu" ri myheug tei" she: loo" mo, ri byid: pyam abye:» ga: tid to".

1 SAMUELA 19:24

Nyang: gi nya: byimi joem ri khyoid pyam wigi Samuela da" shidkhoin" moo go" wigi Jikhoin" nyho: khoin" nyid da:. Hau: nyid" nyid" goin" hau: myen myen goin" shoocen: doem: nyid nyid da:. (Hougsu" nghoid yoomo «Sholu we' lapi: bue" loo bye: nhung: la"» ga: dang: khyang" kyo" tid lo boem bye:.)