MIKHA 1:6 - Lacid Common Language Bible

⁶ Hougsu" nghoid yoomo Aseing tid zigi «Ngoo gi Samari voomoo" ri pa: dam moo byo, yoin" zung too" nhang: wigi zabyid sho" da" joyoo bue" loo" nhang: wa. Hau" voomoo" da" agyu" athang: joem ri lang: khung" khoug: khyoo: foid khyo' pyam lho: hau" voomoo" da" apoem: ayang: ri we' akoem: bue" loo nhang: wa nghoid.

MIKHA 1:6 ပူးပေါင်းရင်းမြစ်များ

2 SAMUELA 17:13

Nyang: voogung daloem: khyoo: vang lo" nghoid rigi nyhang" hau: voomoo" ri tei" yo' lang: khoug: khyoo: lang: phyid khyo' pyam wa zi nghoid. Hau: bouggung moo lugzeing daloem: we' yo" deing jo, wa zi anghoid» ga: tid.

2 KHOKHAM 18:10

Vang: to" zi soem" zain ein: zain moo Samari gi gyo" soem" byug da:. He: zigi Hezekia vhoeb zi khyug zain ein: zain- Hoshea vhoeb zi gau: zain ein: zain ri bue" da:.

2 KHOKHAM 18:9

Hezekia vhoeb zi myid: zain ein: zain- khokham Hoshea Israela mung" ri vhoeb zi nyhed zain ein: zain moo Asuri khosen Shalmanesa gi Israela mung" khyoo: jhen" vang yhe: wigi Samari ri vang: to" da:.

2 KHOKHAM 19:25

He: gu: dangain" ri ngoo goonham' mo soin: too" bye: ziri nang khanham we' ashau" gyo: yu" rhe". Hau: zi akhid" ngoo yo" koid bye:. Ngoo gi geung: teung voomoo" joem ri zhoothung" jab, boem bue" loo nhang: wa yoem so' ngoo nang ri byid: bye:.

ESAIA 17:1

Aseing gi «Damasku gi voogung anghoid byug loo wa. Hau: zigi byo, gyoeb boem jo, wa.

ESAIA 25:12

Nyang: gi Moba da" gyidab voomoo" joem ri houg joem da" myhang: da" vang joem yo' dage" phyo' shoin' pyam wigi hau: joem ri pheilhoug: boem" khyoo: leung gyoo" loo" nhang: wa.

ESAIA 25:2

Nang gi voomoo" joem ri byo, yoin" loo" nhang: lho: Gyidab voomoo" joem ri phyo' shoin' pyam abye:. Ngoonu" gyivoo ri koid da" khokham kho" joem gi apyaid atoo: moo bei: byug abye:.

YEREMIA 31:5

Nanu" gi Samari bouggung joem moo zabyid khyam: dalheing: doem sho" wigi hau: joem ri sho" da" bang: gi zabyid khyam: moo zei: da" ashi" ri shoug" zo: loo goo" wa.

YEREMIA 51:25

Babelon we" nang gi mougmyid gyab goin" ri phyo' shoin' pyam da" boem yhang: ti" nghoid da:. Nghoid loug we' ngoo Aseing gi re" gyivoo nghoid. Ngoo gi nang ri koid: yu wigi myidgung khyoo: du" khyo' pyam wa nang ri myimoeb boem" za: teing too" wa.

YEREMIA 51:37

Hau: mungdain: gi siyoo gougnyhoug lam" joem nyid da" byo, yoin" boem jo, da" joyoo bui" wa. Hau: zigi yu" gyoug yu" lhung: sho' bue" loo wa. Hougmoo: hang" we' anyid wa. Shau" myang da" bang: gi gyoug dain loo goo" wa.

YEREMIA 9:11

Aseing tid zigi «Ngoo gi Yerusalem ri byo, yoin" jo, nhang: wa. Khuidkoo" joem nyid da" joyoo koid pyam wa. Yuda voomoo" joem gi hang" anyid da" joyoo Dain" pyoid yoo bue" loo goo" wa» ga: tid da:.

NGOUG JI: 4:1

Ngoonu" da" lo, lo, doug bang da" sheing: gi shoem: loo" bye:. Noku Yhoem: Moo" mo lugzeing joem gi voogung fu" moo" khyoo: cang lhu: sain" to" boem abye:.

EZEKIEL 13:14

Ngoo gi nyangnu" shafuid" xoug" to" da" vang khyam: ri phyo' khyo' pyam wa. Abyi asain" koid pyam wa. Ayang zhug lugzeing ri di: di: myang thu jo, nhang: wa shid re" myidyung too" bye:. Hau: zi byo, gyoo" lo wigi nanu" dangain" ri said pyam wa. Houg: lang" yugkhang" moo" gi ngoo Aseing nghoid ziri se' loo goo" wa.

HOSEA 13:16

Samari gi ngoo ri gyi koid thougtheung yoomo yooboo dam byid: ca". Nya: voobyu yigi meing: zain: jang: moo shid: byug goo" wa zoonu" yigi myidgung moo thung" khyoeb said pyam zi shoug" goo" wa. Houg: lho: zoo: voin da" myiyi: yigi lang: kho' pyam zi shoug" goo" wa.

AMO 5:11

Nanu" gi sho" jhen: mo, ri doin: zeig zo: lho: nyangnu" da" gug zoo ri lhoid yu ago". Hougsu" nghoid yoomo nanu" gi nanu" zhug to" da" lug yhoem: yung" joem moo ashau" nyid goo" wa. Nanu" sho" to" da" zabyid khyam: mo zabyid yeung ri ashoug" shug loo goo" wa.

AMO 6:8

Myhang: thang Aseing Mangsoo gi hid: su" tid poin" dang: ri tid kaid abye:. Israela byumyu" yi da" nghoid boin: khyoo: ri ngoo ngheing" bye:. Nyangnu" da" langi: bo da" yhoem: moo" joem ri ngoo anau yu". Ngoo gi nyangnu" da" gyi: thang voomoo" zeing yo' houg: moo jo, moo jo, dangain" ri gyivoo joem da" lo, moo ab byid: pyam wa» ga: tid.

MIKHA 3:12

Hougsu" wigi nanu" yoomo Ziun gi yoothung" yhang: ti" phug sain" pyam zi shoug" wa. Yerusalem gi byo, yoin" jo, wa gyeung" shang: da" Noku Yhoem: Moo" bouggung we' yooyang" no, bue" loo" wa.

HABAKU 3:13

Nang gi re" da" byumyu" yo' nang khyen: to" khokham ri khyoid yu wa shid re" thu loo" bye:. Nang gi akhyeung" byu yi da" vhujhung: ri yug khyau" lho: nya: thang: cang mo, ri jhoid said toem" pyam' bye:.

MATHE 24:2

Nyang: tid «nghoid bye: zigi He: yhoem: dangain" ziri nanu" myang wa nanu" ri ngoo tid ba"- he: lug yhoem: zeing gi lug daloem: tho' moo daloem: ake" too" loo sho'- phyo' sain" khyo pyam zi shug wa nghoid.»