MIKHA 1:5 - Lacid Common Language Bible

⁵ He: khyoo: dangain" gi Israela byumyu" yigi yooboo koid lho: Mangsoo ri thougtheung yoomo bue" loo wa zi nghoid. Israela yi thougtheung zigi hang" ri yooboo foin: wa lha". Gyi: thang da" voomoo" Samari nyang: nghoid bye:. Yuda mung" mo phara" soolhoo: pid su: gi hang" nghoid lha". Yerusalem nyang: nghoid bye:.

MIKHA 1:5 ပူးပေါင်းရင်းမြစ်များ

1 KHOKHAM 11:7

Yerusalem bidthu shoid boem moo aco' ajhoid da" Moba yu phara" Khemosha yo' aco' ajhoid da" Amon yu phara" Moleg ri no' wa da" joyoo ri nyang: koid too" bye:.

1 KHOKHAM 13:32

Bethela voogung moo jo, da" phoin: ri we' Samari mung" voogung joem mo noku joyoo joem dangain" ri we' thougtheung wa ga: nyang: tid da" Aseing amyeing" dang: mungdang: gi gyeing" nyang: bui" loo wa» ga: tid.

1 KHOKHAM 16:24

Hau: thang: nyang: gi Shemera ga: su: da" jang" mo Samari bau gung ri ngei khyug khyeing" yo' qei yu bye:. Omri gi hau: bouggung ri vang khyam: kyam' lho: voogung de: wigi Hau: bau gung ri xang: shi" seing: su: Shemera da" myeing ri yu lho: Samari ga: myheing too" bye:.

2 KHOKHAM MHOOMYID: 34:3

Yoshia khokham bue" thang: shed zain bo lho: nyang: gye" ngi shi" uri nyang: gi nya: phoug" phyid" khokham David da" Mangsoo ri noku shid" da:. Myid: zain kyo: thang: ri nyang: gi tungbau yu phara" ri no' da" joyoo joem yu phara" myhi' Ashera da" soolhoo: joem gootu: yu phara" soolhoo: joem dangain" ri nyang: phyo' shoin' pyam da:.

2 KHOKHAM MHOOMYID: 34:4

Nya: byu yigi nyang: khyoo" shid da" akhoug: moo nyid wigi Bala ri no' da" joyoo joem mo phoin: joem ri baid khyoeb khyo' pyam- hau: joem da" anam moo jo, da" shoem: nam pyo: xu: nghe' ngei" da" phoin: joem ri baid khyoeb pyam da:. Nyangnu" gi Ashera da" gungdu soolhoo: joem ri yo' gootu: yu phara" soolhoo: joem dangain" ri myidgung khyoo: aphei" baid mhoin' pyam wigi hau: joem ri xoin" ngei" byid: boem bang: da" loeb joem tho' moo hau: aphei" ri sain" kaid boem.

ESAIA 7:9

Israela gi nya: voomoo" zeing Samari tho' yoem: je aboo nghoid da:. Samari gi khokham Peka tho' yoem: je abo nghoid da:. Nanu" loem khau: myid azeing: shang" boem nghoid rigi nanu we' zeing: shang" byid: zi ashoug" goo" wa» ga: tid.

YEREMIA 2:17

Israela we"- nang gi he: ziri nanya: gung moo ke" yu abye:. Nang gi nang ri khyoo: khyo" wigi shu" lo uri ngoo Aseing re" Mangsoo ri she: pyam kho' abye:.

YEREMIA 2:19

Nanya: akhyeing" ashoeb zigi nang ri yooboo dam byid: loo wa. Houg: lho: ngoo mo phug lo" zigi nang ri dang: phyed loo wa. Nang gi ngoo re" Aseing Mangsoo ri she: pyam kho' ziyo' ngoo moo jhug azug lo zigi khayhi' kho" lho: shoid nhung: ga: ziri yo" se' loo wa. Ngoo yoem: moo" bo myhang: thang Aseing tid bye:.

YEREMIA 23:13

Samari da" Lapi: yi yooboo ri ngoo shau" myang bye:. Nyangnu" gi Bala myeing ri lang: lho: dang: tid wigi Nga" byumyu" yiri khyoodam: shu" dam: pyam abye:.

YEREMIA 23:14

Nghoid loug we' Yerusalem mo Lapi: yi je lang" xo: boem ziri ngoo shau" myang bye:. Nyangnu" gi myi: shoid lang shoid wigi mhau' dang: tid ago". Byumyu" yiri shoid da" moo" koid wa shid re" pang" thoug byid: ago". Houg: lho: hang" we' akhyeing" da" moo" koid ziri atheing: pyam nghoid ago". Nyangnu" dangain" gi nga" shid re" Sodom yo' Gomora byu yi yhi' age boem nghoid da:.

YEREMIA 4:18

Yuda we" nang gi nanyang: nyid da" avoid yo' nang koid da" moo" joem khyo" wigi he: ziri nanya: gung moo tu: voin yu abye:. Re" da" yooboo gi he: yau: khi" ri bui" nhang: bye:. Hau: zigi nang ri nheigloem: moo thau" kyang nhang: bye:.

YEREMIA 5:25

Hau: gungthid nanu" da" yooboo joem wigi he: ge khyoo: joem ri toem' pyam byid: ago".

YEREMIA 6:19

Mougmyid we" tam" gyoo: we'. Nyangnu" myid soin' khyoo: yoomo yooboo dam byid: da" khyo" wigi he: byumyu" yiri byo, yoin nhang: wa. Ciwim gari nyangnu" gi nga" jhau" shed ziri ngeug he: pyam lho: nga" mungdang: joem ri acang nghoid ago".

NGOUG JI: 5:16

Ngoonu" phau: khuang khyoo: gi daja: we' adeing loo. Ngoonu" da" shoid vhang: yooboo yoomo akhid" ngoonu" gi byuxuid" vooyoem: lo" byoug boem bye:.

EZEKIEL 16:46

Re" bi: gi mougzhung: shoid mo Samari yo' nya: voogung joem nghoid da:. Re" nhung" gi mougpyi: shoid mo Sodom yo' nya: voogung joem nghoid da:.

HOSEA 7:1

Nga" byumyu" Israela ri ngo wigi noo byang" byid: nau uri yo' nyangnu" ri doem yoo" zoo: yoo" shug nhang: nau khang" moo" ngoo shau" myang zigi nyangnu" da" akhyeing" ziyo' nyangnu" koid da" akhyeing" ashoeb da" moo" za: nghoid da:. Nyangnu" gi nyangnu" nyang: cang" mhoug fain" zoo: go" da:. Yhoem: khoug: khyoo: ceig vang yhe: wigi khoug" zo: ago". Nyangnu" gi khyoogung moo byumyu" yiri khyangtoug: koid ago".

AMO 6:1

Ziun boem moo nyid pyo: nyid bang: nanu" we"- Samari voo moo gau: nyu: nyid bang: nanu" we"- Israela mung" zeing mo vhujhung: yi nanu" we"- pang" thoug shoug" wa shid mo byumyu" yi zeing: foem: kham: bang: nanu" we"- nanu" gi joem: lo" abye: go".

AMO 7:9

Isag nya: myid: nya: zoo: yi da" noku joyoo joem gi phyo' shoin' pyam wa zi nghoid. Israela mung" mo gyeung" shang: da" joyoo gi byo, yoin" joyoo moo she: pyam too" shoug" wa. Khokham Yeroboam khoo" ri amyoug: thang nhang: wa» ga: tid.

AMO 8:14

Samari voo mo soolhoo: yu phara" joem ri jham' tang: lho: «Dan mung" mo yu phara" khyo" hougsu" anghoid lang" gi Berasheba mo yu phara" khyo" ga: jham' tang: da" byu yigi gyoeb gyo" lo" lho: khanham we' adoem yo" too' loo: goo" wa» ga: tid nyid.

MIKHA 1:13

Lakhisha voobyu yi we"- myang: joem ri myang: rheing" moo tab ge'. Nanu" gi Israela yi da" yooboo ri gei yu" yoomo Yerusalem ri yooboo koid nhang: bye:.