MIKHA 1:3 - Lacid Common Language Bible

³ Aseing gi nya: gyeung" shang: da" joyoo mo thu re" loo bye:. Nyang: gyoo" re" lho: boem phyoo" cang so" yen" wa zi nghoid.

MIKHA 1:3 ပူးပေါင်းရင်းမြစ်များ

YOBA 40:12

Nghoid- nyangnu" ri lang" yu" nyid wigi du" khyo' pyam we'. Akhyeing" bang: we' nyangnu" yab jo, da" joyoo moo khyoeb pyam bye:.

COUNG" NGHEI 115:3

Ngoonu" da" Mangsoo gi mougkhung: tho' moo: nyid wigi ce" noem ri nghoid loug we' nyang: vho: khyo" dakoid nyid.

ESAIA 25:10

Aseing gi Ziun boem ri goem loem byid: loo wa. Nghoid loug we' Moba byu yigi nu: khyid" moo khoofoo: ri nang nhe" pyam ziyo' dayhang: ti" nang: nhe" pyam zi shau" boem wa.

ESAIA 26:21

Nyangnu" yooboo yoomo myidgung byu yiri yooboo dam byid: wa shid re" Aseing gi nyang: nyid da" joyoo- mougkhung: mungdain: mo re" nyid abye:. Myid gung tho mo zau" wigi gau" koid da" byu said mo, ri toin" shid byid: loo wa. Myid gung gi said pyam shoug" bye: bang: ri ashung: too" loo wa.

EZEKIEL 3:12

Hau: thang: Mangso da" Venyi: gi ngoo ri tu: to' yu wigi nga" nungthang mo thui: zeing da thui: ri shau" gyo:. Hau: zigi «Mougkhung: tho' mo Aseing da" phung" yoeb ri coung" ge» ga: zi nghoid.

AMO 4:13

Mangsoo gi boem joem ri koid to" lho: lid joem ri phain" so: too" su: nghoid. Nyang: gi nyang: myid soin' to" khyoo: ri xangsu: byu yiri si' nhang: da:. Nyang: gi nyid" khyoug ri myen" bue" loo nhang: da:. nyang: gi myidjang tho' moo myhang: thang khyo" so" lid: lo" da:. Myhang: thang Aseing Mangsoo ga: zigi nya: myeing nghoid nyid.

AMO 9:5

Yoem: moo" bo myhang: thang Aseing gi mougmyid ri zang" thung" kaid lang" kougshu: nyid boem bye:. Moug: gyab goin" jang" moo Nila gyid gyung: je: lo yu" kain" lo" yu" wim nyid yhang: ti" bue" lo nyid.

HABAKU 3:19

Myhang: thang yoem: so' bo Aseing gi ngoo ri yoem: vhoo" byid: nyid. Nyang: gi ngoo ri shoocid: ri yhang: ti" khyid: khoo: ri: teing nhang: lho: nyang: gi ngoo ri boem joem tho' moo gau: nyu: nhang:.

ZEKHARIA 14:4

Hau: bidnyid ri Aseing gi Yerusalem bidthu shoid mo zhainloin: boem moo re" yab wa zi nghoid. Houg: lang" zhainloin: boem gi bidthu shoid khyoo: dakhyam"- bidvang shoid khyoo: dakhyam" gyam: lo" wigi lang: khoug: moo" zeing bue" lo lho: boem dakhyam" gi gyid moin khyoo: - dakhyam" gi gyid byeing: khyoo: yu: loo" wa.

TARHA" TID POIN" 32:13

«Nyang: gi nyangnu" ri boem myhang: moo vhoebkhang" nhang: da:. Houg: lho: nyangnu" gi yoothung" yoolang: joem moo yug ziri zo: lid lo ago". Nyangnu" gi lug pyo' cang byooyhid: ri shau" myang yu da:. Nyangnu" da" zhainloin: gam joem gi lug myid moo yug jo, da:.

TARHA" TID POIN" 33:29

Israela we"- nanu" gi khayhi' pyo: nyid la". Aseing wigi khyoid yu shau" da" nanu" yhang: ti" byumyu" anyid goo" nghoid da:. Aseing nyang: nyang: nanu" ri gyi khouggoo koid byid: wigi oung: doid nhang: wa shid re" nanu" da" goo yo' shamcoin" bui" byid: nyid da:. Nanu" gyivoo joem gi nheig khyeug yu wa shid re" nanu" jhang re" mho' yoid loo goo" wa. Houg: lho: nanu" gi nyangnu" ri yo" nang: pye" pyam wa zi nghoid.