MIKHA 1:2 - Lacid Common Language Bible

² Byumyu" bain sho' mo, we"- he: dang: ri gyo: yu" ge'. Mougmyid tho' moo nyid bang: dangain" mo, we"- he: ziri tam" gyoo: we'. Yoem: moo" bo thang da" Aseing gi nanu" ri thougtheung sagse: kham loo wa tam" gyoo: ge'- nyang: gi mougkhung: yhoem: moo" mo tid kaid.

MIKHA 1:2 ပူးပေါင်းရင်းမြစ်များ

1 KHOKHAM 22:28

Mikhaia gi «Nang gau: nyu: ziyo' doem tau" lo nghoid rigi Aseing gi ngoo khyo" wigi dang: atid wa» ga: nyho: tid bye:. Xo' lho: nyang: gi «Ngoo citid ziri yugkhang" moo" tam" gyoo: ge'» ga: tid.

2 KHOKHAM MHOOMYID: 18:27

Mikhaia gi «Nang gau: nyu: ziyo' doem tau" lo nghoid rigi Aseing gi ngoo khyo" wigi dang: atid wa» ga: nyho: tid bye:. Xo' lho: nyang: gi «Ngoo tid ziri yugkhang" moo" tam" gyoo: ge'» ga: tid.

COUNG" NGHEI 11:4

Aseing gi nya: gyeung" shang: da" Noku Yhoem: Moo" khoug: moo nyid nyid. Nya: zhungtang gi mougkhung: moug: di tho' moo: dajo, jo. Nyang: gi joyoo khang" moo" mo byu yiri yu" nyid lho: nyangnu" cikoid nyid ziri se.

COUNG" NGHEI 24:1

Aseing gi yang zung" su: ti" ngoo ri lhoug zung" nyid. Houg: yoomo ngoo ca" nyid da" zi dangain" ngoo yo.

COUNG" NGHEI 28:2

Aseing da" gyeung" shang: Noku Yhoem: Moo" khyoo: nga" lo, voo: tu: ci: lho: pang" thoug byid: wa shid re" ngoo mho' yoid uri tam" gyoo: byid: shi" we'.

COUNG" NGHEI 50:1

Gyi: myhang: da" Mangsoo tid zigi bid thu' mo bidvang ju" sho' mougmyid gyab, goin" ri nyang: khe: nyid.

COUNG" NGHEI 50:12

Ngoo zooyoid nyid ri zoo: noem shid re" nang ri mho' wa zi anghoid. Khasu" wim ga: ri mougmyid gyab goin" yo' hougmoo: jo, moo: jo, gi nga" zi nghoid.

COUNG" NGHEI 50:7

Nga" da" byumyu" yi we' tam" gyoo: ge' ngoo dang: tid wa. Israela we' ngoo nang ri yooboo foin: da" sagse: kham' kyoo" ba. Ngoo gi Mangsoo- re" da" Mangsoo nghoid.

DANG: ZHOEM 8:4

Nyang: gi Byu xangsu: yi we"- ngoo nanu" ri mho' yoid nyid. He: mougmyid tho' moo: nyid da- byu yugkhang" moo" ri ngoo yoid khe: nyid.

ESAIA 1:2

Aseing gi «Mougkhung: yo myidjang we"- ngoo tid nyid ziri tam" gyoo: we'. Ngo wigi khu: gyi: kaid da" zooshang: yigi ngoo ri thougtheung gyi koid ago".

ESAIA 18:3

Mougmyid tho' moo nyid da" yugkhang" moo" we" tam" gyoo: ge'. Boem gung joem adang moo to" to" da" asoo" dungkhoin: ri yu" we'. Laboo" moid thui: ri tam" gyoo: ge'.

ESAIA 50:7

Nghoid loug we' yoem: moo" bo Aseing wigi ngoo ri pang" thoug byid: yoomo nyangnu" rue" zigi ngoo ri dam ayo" tab nghoid da:. Ngoo hau: joem ri yo" zeing: kham: wa ngoo nya: gung ngoo nyang: zeing: ci: da:. Ngoo ngi: ayoem" wa ziri ngoo se'.

YEREMIA 22:29

O"- mougmyid- mougmyid- mougmyid- Aseing tid to" ziri tam" gyoo: we'

YEREMIA 29:23

Nyangnu" gi yu" gyoug yu" lhung: sho' da" yooboo joem nghoid da" myi: shoid lang shoid khyoo: Aseing myeing ri lang: wigi mhau' dang: tid da" yooboo yo" boem yoomo he: zigi nyangnu" da" vhu" pi: lo, kyo' nghoid loo wa. He: zigi Aseing myid vho: khyoo: ri thougtheung zi nghoid. Nyangnu" cikoid lo ziri nyang: se' da:. Nyang: gi nyangnu" ri thougtheung da" sagse: nghoid da:. Aseing tid to" abye:» ga: tid.

YEREMIA 42:5

Hau: thang: nyangnu" gi ngoo ri «Ngoonu" Aseing Mangsoo gi nang ri ngoonu" shid re" byid: da" amyeing" dang: joem dangain" ri ngoonu" atam" gyoo: acang yhe: nghoid rigi Aseing gi ngoonu" shid re" gyi koid zigi deingmain" ziyo' jhug zug da" sagse: bui" baja".

YEREMIA 6:19

Mougmyid we" tam" gyoo: we'. Nyangnu" myid soin' khyoo: yoomo yooboo dam byid: da" khyo" wigi he: byumyu" yiri byo, yoin nhang: wa. Ciwim gari nyangnu" gi nga" jhau" shed ziri ngeug he: pyam lho: nga" mungdang: joem ri acang nghoid ago".

YONA 2:7

Nga" kangso' ci: phyug lo" nyid ti" kham zo: uri O" Aseing we" nang ri ngoo mho' yoid nyid. Nga" akyu" mho' da" dang: thui: ri re" gyeung" shang: Noku Yhoem: Moo" mo nang ngoo ri tam" gyoo: byid: bye:.

YONA 2:8

Ce" phoug" adab da" yu phara" soolhoo: no' mo, gi nang ri: dang: azung" boem loo:.

HABAKU 2:20

Aseing gi nya: da" gyeung" shang: Noku Yhoem: Moo" moo danyid nyid. Mougmyid tho' mo yugkhang" moo" gi nya: shidkhoin" moo sam" zoo: tam" too" we'.

MALAKHI 2:14

Nanu" gi ‹Ciwim wigi Aseing ngoonu" da" xoin" ri akham: yu lha"› ga: myid nyid ago". He: khyoo: gi nang zooyam yo, ri lo, xo' to" da" myhi' zeing ri byid: to" da" dangsoo" phyo' pyam ziri nyang: se' nyid yoomo nghoid. Nyang: gi re" yhoem: seing: myhi' nghoid bye:. Nya: atho' moo ngoo dang: zung" wim bye: ga› Aseing ri thang" cab koid lho: dangsoo" byid: too" nghoid loug we' nang gi nyang: ri mhau' pyam abye:.

MALAKHI 3:5

Yoem: moo" bo da" Aseing gi hidsu" ga: tid nyid «Ngoo ri dang: phyed wa shid re" nanu" da" mo, phung: gung moo thu myang loo wa. Fa" zo: yen" mo, soem" lid shoo: mo, adeing amain" khyo" jham' tang: mo, vhu" kung: yiri vhu" kung phoug" ashang" mo, coug" zoo: cougmoo" yi yo' being" voo yiri doin: zeig zoo: mo, -ngoo ri aphoug" amyang: mo, dangain" ziri vhu" zhug lho: yooboo dang: phyed wa zi nghoid.

TARHA" TID POIN" 32:1

«Mougkhung: yo' myidjang we" nga" dang: khoin" ri tam" gyoo: we'. Ngoo tid ziri nyheing" za: tam" gyoo: we'.

Pang Shug 2:11

Venyi gi phung yi ri khasu" ga: tid nyid zigi nukhyab' dab, mo, gi gyo: yu goo" baja"- oung: doidloo mo, gi eig lheing: shid: da" jam joug shau" loo wa zi anghoid.

Pang Shug 2:17

Venyi gi phung yi ri khasu" ga" tid nyid ziri nukhyab' dab, mo, gi gyo: yu goo" baja"- oung: doid loo" mo, rigi yhoem" to" da" Mana, zoo: yho' ngoo byid: lho: yug du: ngab, ri moin: moin: phyu: da" kyi: myhoo: lug daloem: loem byid: wa. Hau" lug boem mo myeing rigi shau" kham: yu su: mo lid wigi hang" we' ase' bo nghab.

Pang Shug 2:29

Venyi gi phung yi ri khasu" ga: tid nyid ziri nukhyab' dab, mo, gi gyo: yu goo" baja".

Pang Shug 2:7

Venyi gi phung yi ri khasu" ga: tid nyid ziri nukhyab' dab, bang: gi gyo: yu goo" baja". Oung: doid loo" bang: ri Mangso khyam: moo youg jo, da" kangso' shi" gam, mo ashi" ri zoo: wa da" akhang" ngoo byid: wa nghoid.

Pang Shug 3:13

Venyi gi phung yi ri khasu" ga: tid nyid ziri nukhyab' dab, mo, gi gyo: yu goo" baja".

Pang Shug 3:22

Venyi gi phung yi ri khasu" ga: tid nyid ziri nukhyab' dab, mo, gi gyo: yu goo" baja".

Pang Shug 3:6

Venyi gi phung yi ri khasu" ga: tid nyid zigi nukhyab' dab, mo, gi gyo: yu goo" baja".

TARHA" AGYI 11:10

Nyangnu" gi «Ngoonu" myid veing" da:. Aseing gi ngoonu" da" sagse: nghoid da» ga: tu" ago".