MIKHA 1:1 - Lacid Common Language Bible

¹ Yuda khokham Yotham- Ahaza- Hezekia bang: da" ayo, moo Aseing gi Morashed byu Mikha ri he: lu dang: byid: bye:. Aseing gi Mikha ri Samari yo' Yerusalem voomoo" yo' sen da" khyoo: dangain" ri pang shug bye:.

MIKHA 1:1 ပူးပေါင်းရင်းမြစ်များ

2 KHOKHAM 15:32

Remalia da" yuggi zoo: Peka Israela khokham khyo" vhoeb zi eig zain moo Uzia da" nya: yuggi zoo: Yotham gi Yuda khokham bue" lo da:.

2 KHOKHAM 15:5

Aseing gi Uzia ri manggam bui" nhang: wigi deing da" nya: apyaid gu: moo bui" jo, nhang: da:. Nyang: gi nyang: nya: yhoem: moo nyid lho: moo" mo theing: nyid da:. Hau: ayo, moo nya: yuggi zoo: Yotham gi mungdain: ri vhoeb da:.

2 KHOKHAM 16:1

Remalia da" yuggi zoo: Peka Israela khokham koid zi daxe: nyhed zain moo: Yotham da" yuggi zoo: Ahaza gi Yuda khokham bue" lo da:.

2 KHOKHAM 18:1

Ela da" yuggi zoo: Hoshea Israela khokham khyo" vhoeb zi soem" zain moo Ahaza da" nya: yuggi zoo: Hezekia gi Yuda khokham bue" da:.

2 KHOKHAM MHOOMYID: 28:1

Ahaza gi apyaid eig xi: zain moo khokham bue" lo wigi nyang: gi Yerusalem moo daxe: khyug zain vhoeb nyid da:. Nyang: gi nya: phoug" phyid" khokham David da" ge avoid ri acang nghoid da:. Hau: gungthid nyang: gi Aseing ri avho: ngei nhang: da" moo" joem ri koid da:.

2 KHOKHAM MHOOMYID: 29:1

Hezekia gi apyaid eig xe: wim: zain ri Yuda khokham bue" lo lho: nyang: gi Yerusalem moo eig xe: gau: zain vhoeb da:. Nya: myhi' gi Zekharia da" myiyi: zoo: Abiya nghoid da:.

ESAIA 1:1

He: mougsoug" pug moo Yuda khokham yi nghoid boem da" Uzia- Yotham- Ahaza- Hezekia bang: vhoebkhang" da" ayo, gyoo: moo Amoz da" yuggi zoo: Esaia ri Mangso wigi pang shug da" Yuda mung" yo' Yerusalem voomoo" khyoo: ri tid da" mungdang: joem bo nyid da:.

ESAIA 1:2

Aseing gi «Mougkhung: yo myidjang we"- ngoo tid nyid ziri tam" gyoo: we'. Ngo wigi khu: gyi: kaid da" zooshang: yigi ngoo ri thougtheung gyi koid ago".

ESAIA 7:1

Uzia da" nya: myid:- Yotham da" yuggi zoo:- khokham Ahaza Yuda mung" ri vhoeb uri meing: byo, thu lo da:. Suri khokham Rezin yo' Pekaha ga: su: Remalia da" nya: zoo:- Israela khokham gi Yerusalem ri meing: zain: da:. Nghoid loug we' hau: ziri ayo" seing: yu pyam nghoid da:.

ESAIA 7:9

Israela gi nya: voomoo" zeing Samari tho' yoem: je aboo nghoid da:. Samari gi khokham Peka tho' yoem: je abo nghoid da:. Nanu" loem khau: myid azeing: shang" boem nghoid rigi nanu we' zeing: shang" byid: zi ashoug" goo" wa» ga: tid.

YEREMIA 26:18

«Hezekia Yuda khokham koid nyid uri Moreshed mo lapi: Mikha gi Myhang: thang Aseing tid da" khyoo: ri byumyu" yiri tid kyo". Hau: zigi ‹Ziun gi yoothung" yhang: ti" phug se: pyam zi shoug" wa. Yerusalem gi byo, yoin" jo, boem wa Houg: lho: Noku Yhoem: Moo" gi seig moo" yoo bue" byug wa› ga: tid.

HOSEA 1:1

He: mungdang: gi Yuda mung" mo Uzia- Yotham- Ahaza yo' Hezekia bang: khokham bue" wigi Israela mung" moo Yehosha da" nya: yuggi zoo: Yeroboam khokham bue" da" ayo, gyoo: moo Beri da" nya: yuggi zoo: Hosea ri Aseing wigi byid: da" mungdang: nghoid da:.

HOSEA 4:15

Israela byumyu" nanu" gi ngoo ri jhug azug goo" nghoid loug we' Yuda gi houg: yo' dakhyo" yooboo ayo" baja". Gilgala moo we' Bethaven moo we' ano' goo". Hau: joyoo mo dei nyid da" Aseing myeing ri dangsoo" atoo" goo".

HOSEA 8:14

Israela byumyu" yigi khokham kho" ri zhug to" ago". Nghoid loug we' nyangnu" gi nyangnu" ri phain" so: too" su: ri to" myhed pyam abye: go". Yuda byumyu" yigi gye" geing: da" voomoo" joem ri de: to" ago". Nghoid loug we' ngoo gi nyangnu" khokham kho" joem yo' voomoo" joem ri nghe' pyam wa myi: ri nhang: khyo' kaid wa.

AMO 1:1

He: da" mungdang: gi Tekoa voogung mo yang zung" su: Amo da" mungdang: joem nghoid. Yuda mung" moo Uzia khokham bue" lho: Yosha nya: zoo: Yeroboam gi Israela khokham koid nyid uri myid leug aleug shi" da" eig zain moo Mangsoo gi Israela yo' sen: lho: he: khyoo: dangain" ziri Amo ri pang shug bye:.

AMO 6:1

Ziun boem moo nyid pyo: nyid bang: nanu" we"- Samari voo moo gau: nyu: nyid bang: nanu" we"- Israela mung" zeing mo vhujhung: yi nanu" we"- pang" thoug shoug" wa shid mo byumyu" yi zeing: foem: kham: bang: nanu" we"- nanu" gi joem: lo" abye: go".

MIKHA 1:5

He: khyoo: dangain" gi Israela byumyu" yigi yooboo koid lho: Mangsoo ri thougtheung yoomo bue" loo wa zi nghoid. Israela yi thougtheung zigi hang" ri yooboo foin: wa lha". Gyi: thang da" voomoo" Samari nyang: nghoid bye:. Yuda mung" mo phara" soolhoo: pid su: gi hang" nghoid lha". Yerusalem nyang: nghoid bye:.

MIKHA 3:9

Tarha" nyeung veung" khyoo: ri ngheung" lho: shoid vhang: da" khyoo: khyoo: phug lo" da" Israela vhujhung: yi we"- nga" dang: ri tam" gyo: yu" ge'.

HABAKU 1:1

He: zigi lapi: Habaku ri Aseing pang shug da" mungdang: nghoid nyid.

2PETRU 1:21

Khasu wim gari kha: da" lapi: dang we' byu yi da" myedsoin' nyeung khyoo: bue" thu' lo yu" zi anghoid. Gyeungshang: da" Venyi wigi nheugloem: lhu: too' byid: zi shau" bang: gi Mangso jhag mo ju" re" da" lapi: dang: ri thoid' tid kyo" ago".