MATHE 9:6 - Lacid Common Language Bible

⁶ Nghoidloug hau: byu da" nya: zoo: gi mougmyid tho' mo da" yooboo ri khyoid' pyam' byid: wa amyeing" akhang" yo" zigi nanu" si goo" baja"- houg: lang" hau: ajoem: shid: su: ri too' we' re" da" yhoeb' yoo deing: vu, lho: nanya: yhoem: khyoo loo" re,» ga: tid.

MATHE 9:6 ပူးပေါင်းရင်းမြစ်များ

ESAIA 43:25

Nghoid loug we' ngoo gi re" yooboo joem ri khyoid byid: da" su: Mangsoo: nghoid. Ngoo ga: su: nghoid yoomo he: ziri ngoo koid da:. Ngoo gi re" yooboo joem ri thougtheung zei: ci: wa zi anghoid.

MIKHA 7:18

Aseing we" nang yo' du go" da" mangsoo gootu: khayoo: we' anyid loo: nghoid da:. Nang gi nyid deung jo, da" re" byumyu" yi da" yooboo ri khyoid pyam byid: nyid da:. Nang gi apyaid atoo: moo nheig jha" yo: nyid su: anghoid. Nang koem' gi ngoonu" ri re" geung: teung da" jhed khyeing: kang: khyeing: toin" shed nyid jang" moo nheugshid: nyid.

MATHE 4:24

Houg: yoomo Yesu da" khyoo: ri Suri mung" goin"- lei: khyoug: su phoid nhami lhupyo' nhang: lo" boem wigi Gung du: angei apyoo: mo, noo phyoo" aja: ja: shau" mo, yo' yu dab deizoo: dab mo, ngho' baid baid mo, yo' khyid: joem: lo, joem: shid: mo, myoo" sho' nya: jhang shu" ju" re" boem ri dangain" ri lhoem: ze: ge lho: nhang: kaid bye.

MATHE 8:20

Yesu gi «zeigni joem gi khyung: yo" ago"- moug moo dang: yen" da" ngho' zoo: joem we' soid jo: ago" hau: byu nya: zoo: koem gi vhuloem too" jang: we' ajo,» ga: nyang: ri tid.

MATHE 9:2

Houg: lang" yu" ge'. gung ajoem shid: da" byu dayug ri nyangnu" gi Yesu jang" moo dangzuang mo dang go" re. Nyang: gi nyangnu" da" loem jhing nheigloem: ri myang lang" «Nga" zoo: we" nheig angi loo: nyid we'. Re" yooboo ri khyoid pyam' byid: bye:» ga: ajoem: shid: su: ri tid.

MATHE 9:5

Re" yooboo khyoid pyam' byid: bye- houg: su" anghoid lang" gi to so" loo" we' ein: tid wa da" dang: eig khoin" mo kha: khoin" je tid lei la".

MATHE 9:7

Houg: lang" gi nyang: to lho: nya: yhoem: khyoo loo" khari" bye.

MARKU 2:10

Nghoid loug we' byu nya: zoo: gi moug myid hto' mo yooboo yo" khyoid byid: da" a myeing a: na: bo ziri ngoo nanu" ri toin" shid' wa"- ga: tid wigi gung joem: shid: su: ri

MARKU 2:7

He: yug gi khasuwim he: dang: ri voem" tid lha". he: zigi Mangsoo ri juang" zi danghoid. Mangsoo dayug kyeing" yooboo dayo" khyoid byid: ga: myid: sho: nyid ago".

LUKA 5:21

Tarha" sara: yi yo"- Pharishe bi gi He: yug gi hang" nghoid la". Nyang: gi Mangsoo ri shoid da" dang: tid nyid bye. Mangsoo mo led lho: yooboo ri hang" yo" se' khyoid pyam byid: wa ga: myid yu" nyid boem.

YOHAN 10:28

Ngoo gi nyangnu" ri apyaid ato: kangso' ri byid: bye: yoomo nyangnu" gi khanham we' ashid: loo: wa. Hang" we' nga" da" lo, mo houg: bang: ri ayo" lhoid yu loo.

YOHAN 17:2

Re" zoo: ngoo gi ngoo nya: lo, moo pho wigi ab byid: to" da" moo" ri apyaid' ato: kangso' yo" byid: wa da" shid' re" nang nyang: ri Byu xangsu: bain sho' mo ri yo" vhoeb khang" da" zoug: myeing" ri byid: too" bye.

YOHAN 5:27

Nyang: gi byu da" nya: zoo: nghoid yoomo nyang: gi nya: zoo: ri tarha" dang: yo" phyed' da" zoug: myeing" ab byid: too" bye.

YOHAN 5:8

Yesu gi too we' re" da" myhu" lu ri deing: vu, lho: so" loo" we' ga: hau: yug ri tid.

ACTS 5:31

Israela byumyu" yi we' nheigloem: thid' wa ziyo' nyangnu" da" yooboo ri khyoid pyam byid: zi shau" wa shid mo akhyoo" bo nyheung byid: wa shid re" Mangsoo gi nyang: ri khyoid yu su: yo' vhu" jhung: khyo" nya: lo yo, shoid' moo tu: to' to" abye:.

ACTS 9:34

Houg: lang" Petru gi hau: gung joem: shid: su: ri Ainea we" - Yesu khristu gi nang ri gi byid: bye- to lho: re" yhoeb, yoo nyheung we' ga: tid. Houg: lang" Ainea gi to' loo" bye.

2~KORINTHU 2:10

Nanu" gi byu dayug yug ri nyang: shoid vhang: d" yooboo khyoid pyam byid: nghoid rigi_ - ngoo we' bo khyoid pyam byid wa. Khasu" wim gari daja: ja: byid" yoomo byu dayug yug ri yooboo khyoid byid: ca: lo da" uri ngoo gi nanu" da" myonhoo: ri tu: lho: Khristu da" shid khoin" moo nya yooboo ri khyoid pyam byid: zi nghoid.

2~KORINTHU 5:20

Houg: su" nghoid yoomo ngoonu" gi Khristu da" khyoo: tid led: loo bye: da:- Lagyoo: yi nghoid wigi Mangsoo nyang ngoonu" da" nhoid khoin" thui: khyo"-nanu" ri khe: lhoung nyid zi nghoid lho: Mangsoo gi nanu" nya: gyivoo yi bue" nyid jang" mo nya: da" bidnoem yi bue" loo nhang: baja" ga: Khristu da" gungxung ngoonu" mho' sang: nyid boem.

Ephesu 4:32

Hougsu" koid wa da" gung khoo: gi nanu" nyang: cang" nyang: nheig khyeig go" khyoo: nheigloem: nu" nham, ziri toin" shid go" nyid wigi Mangsoo gi Khristu khyo" wigi nanu" da" yooboo ri khyoid pyam byid: bye: ziyo' dakhyoo" ti"- nanu" we' nyang: cang" nya: da" yooboo ri khyoid pyam' byid: go" nyid ge'.

KOLOSE 3:13

Nanu" mo dayug yug da" atho' moo yooboo foin: jang: jo, nghoid rigi nyang: cang" nyang- kham, zeing: go" ziyo' nyang: cang" nyang: yooboo ri khyoid pyam' byid: go" nyid ge'- hau: Aseing: gi nanu" da" yooboo ri khyoid pyam' byid: bye: ziyo' dakhyoo" ti"- nanu" nyang: cang" we' yooboo ri khyoid pyam byid: goo" ca" nyid.