MATHE 9:2 - Lacid Common Language Bible

² Houg: lang" yu" ge'. gung ajoem shid: da" byu dayug ri nyangnu" gi Yesu jang" moo dangzuang mo dang go" re. Nyang: gi nyangnu" da" loem jhing nheigloem: ri myang lang" «Nga" zoo: we" nheig angi loo: nyid we'. Re" yooboo ri khyoid pyam' byid: bye:» ga: ajoem: shid: su: ri tid.

MATHE 9:2 ပူးပေါင်းရင်းမြစ်များ

PHAJHI" DANG: 9:7

Shidkhyoo: xo' yhe: we' re" zoo: noem ri zo: lho: ngei pyo: nyid we' re" zabyid yhid: ri shug lho: pyo: nyid we' Hau: zi dangain" gi Mangsoo yo' nghoid da:.

ESAIA 44:22

Ngoo gi re" yooboo ri jhoemmoug" ri yo' dakhyoo" ti" shoem" pyam wa. Nga" jhang doem tau" loo we' ngoo gi nang ri khyoid yu su: nghoid» ga: tid da:.

MATHE 14:27

Yesu dalheing: dam tid zigi «seing" yang" ge'- agyug goo" ngoo danghoid» ga: tid.

MATHE 4:24

Houg: yoomo Yesu da" khyoo: ri Suri mung" goin"- lei: khyoug: su phoid nhami lhupyo' nhang: lo" boem wigi Gung du: angei apyoo: mo, noo phyoo" aja: ja: shau" mo, yo' yu dab deizoo: dab mo, ngho' baid baid mo, yo' khyid: joem: lo, joem: shid: mo, myoo" sho' nya: jhang shu" ju" re" boem ri dangain" ri lhoem: ze: ge lho: nhang: kaid bye.

MATHE 6:12

Subi" ngoonu" ri shoid' da" yooboo- ngoonu" khyoid pyam' byid: yhangti"- ngoonu" da" yooboo ri we' khyoid pyam' byid: we'.

MATHE 8:10

Hau: dang: ri Yesu shau" gyoo: lang" gi nyang: gyo: mau" lho: nya: thang: cang mo, ri «nanu" ri ngoo jhug jhug tid ba- Israela amyu" moo lang" houg: yhi' loem" jeung" da" byu gi ngoo amyang yu" shi.

MATHE 8:16

Akhid" yu dab mo, myoo" sho' Aseing jang" moo zheung: shu" re" boem wigi dang: thui: yo' za: hau: yu joem ri zheung: khaid pyam' byid. Noophyoo" shau" mo, dangain" bang: ri we' ge loo" nhang kaid.

MATHE 9:22

Yesu lheing: yu" lho: nyang ri myang lang" «nga" zoomyi: zoo: we"- nheig ange nyid re" da" loem" jhing" zigi nang ri ze: ge abye:» ga: tid. Hau: ayo, mo wigi hau: myiyi: zoo: ge loo" bye.

MATHE 9:5

Re" yooboo khyoid pyam' byid: bye- houg: su" anghoid lang" gi to so" loo" we' ein: tid wa da" dang: eig khoin" mo kha: khoin" je tid lei la".

MATHE 9:6

Nghoidloug hau: byu da" nya: zoo: gi mougmyid tho' mo da" yooboo ri khyoid' pyam' byid: wa amyeing" akhang" yo" zigi nanu" si goo" baja"- houg: lang" hau: ajoem: shid: su: ri too' we' re" da" yhoeb' yoo deing: vu, lho: nanya: yhoem: khyoo loo" re,» ga: tid.

MARKU 1:32

Myenthang: bidvang jham" lo" yo' ju" lang" Noo phyoo" shau" nyid da" mung" byu yi dangain" yo' yu vang ci: mo, we' Yesu jang" moo shu" re" boem ago".

MARKU 10:49

Houg: lang" Yesu gi theung: wigi nyang: ri khe: shu" loo ge' ga: tid. Nyang: nu" gi myo, jed su: ri khe: lo wigi nyang: ri ngei pyoo: re- too we nyang: nang ri khe: nyid ga: tid boem.

MARKU 5:34

Yesu gi nyang: ri nga" zoo: we" re" loem" jeung" zigi nang ri gi byid: bye- yug yoo tung" loo" re'- nang kham, zo: nyid noo ge shang loo" baja"- ga: tid kaid.

MARKU 6:50

Nyang: ri myang lang" nyangnu" gye" gyoug pyam boem bye- Houg: lang" Yesu gi dalheing: dam nyangnu" ri dang: ji wigi agyug goo" ngoo danghoid- ga: tid.

YOHAN 16:33

Nanu" gi ngoo yo" dadeing: daloem: za: khyo" myen, jham" khyoo: yo" yu wa da" shid' re" he: dang: ri ngoo tid bye. Nanu" gi mougmyid moo nyid shi" da" uri shojhen: kyi" khyeug zi shau" zoo: goo" wa. Nghoidloug we' geing: geing: teing teing shang" yab jo, ge' ngoo gi he: mougmyid ri oung: pyam bye:- ga: tid.

YOHAN 2:25

Yesu ri byu da" akhyoo" hang" wigi we' tid kyoo" anoo. Nyang: gi byu da" nheigloem: ung: khoug: moo ci: bo ziri dangain" si' gu nghoid bye.

YOHAN 21:5

Hau thang: ri nyang:- nyangnu" ri zoo: lu: yi we"- nanu" ci: ayoo" shi" goo" rhe" ga myid:-. houg: bang: gi ‹‹Ci: ayo" boem o"» ga: phoug tid.

ACTS 14:9

Nyang: gi Polu kho" kyo" da" mungdang: ri tam" gyo: nyid Polu we' nyang: ri jid" jid" yu" zhoug to" da" uri nooboug: byug loo" wa yhi'- nya: da" loem" jeung" khyoo: ri myang lang" gi

ACTS 19:12

Polu ci: da" phajed' yo' pain" phyid" cu" joem rilang"- noo phyoo" shau" mo, yo' yu vang jo, mo, jhang khyoo: ci: yhe: lo" ri noo phyoo" shau" bang: gi ge, sain, lo wigi yu joem we' nyangnu" vang nyid mo, jang" mo phang: thu' lo" boem ago".

ACTS 23:11

Hau: da" myen" ri Mangsoo gi Polu da" anam moo re" yab, jo, wigi agyug- nang gi he: da" Yerusalem Voomoo" moo nga " khyoo: ri sagsi: yo" kham, byid: abye:- houg: yo' dakhyoo" ti" Roma voomoo" moo we' sagsi: kham, byid: ca" shi" wa ga: tid.

Roma 5:11

Hid: kyeing" za anghoid - Mangsoo: gi ngoonu" Aseing Yesu Khristu khyo" wigi Mangso: da" bidnoem bue" nhang: bye yoomo gau yi cang bo boem bye.

YAKU 2:18

Nghoid loug we' byu dayu yug gi loem" jeung" nheigloem: bo lho: gootu: dayug gi moozoo" bo ga: dang: gain' ze nghoid rigi moozoo" abo da" loem" jeung" khyoo: ngoori toin" shid we' ngoo koem gi moozoo" khyo" wigi nga" loem" jeung" khyoo: ri toin" shid' ba- ein: ngoo tid ba.