MATHE 8:6 - Lacid Common Language Bible

⁶ «Aseing we"- nga" dei dei zooshang: ajoem: shid: noo yo" wigi yhoem: moo za: daleing jo, gye thau" kyang nho: nyid» ga: re" mho' tid.

MATHE 8:6 ပူးပေါင်းရင်းမြစ်များ

MATHE 4:24

Houg: yoomo Yesu da" khyoo: ri Suri mung" goin"- lei: khyoug: su phoid nhami lhupyo' nhang: lo" boem wigi Gung du: angei apyoo: mo, noo phyoo" aja: ja: shau" mo, yo' yu dab deizoo: dab mo, ngho' baid baid mo, yo' khyid: joem: lo, joem: shid: mo, myoo" sho' nya: jhang shu" ju" re" boem ri dangain" ri lhoem: ze: ge lho: nhang: kaid bye.

MATHE 8:7

Aseing gi «nyang: ri ge loo" nhang: wa shed re" ngoo ju" re"» ga: tid.

MATHE 9:2

Houg: lang" yu" ge'. gung ajoem shid: da" byu dayug ri nyangnu" gi Yesu jang" moo dangzuang mo dang go" re. Nyang: gi nyangnu" da" loem jhing nheigloem: ri myang lang" «Nga" zoo: we" nheig angi loo: nyid we'. Re" yooboo ri khyoid pyam' byid: bye:» ga: ajoem: shid: su: ri tid.

ACTS 10:7

Hau: moug: lagyoo: lo" byug thang: ri koneli gi nya: yhoem: mo dei zoo: eig yug yo' Mangso khyoo: ri kang: lung bu nyid da- Nya: gung jung" gyizoo: dayug ri khe: yu lho:

ACTS 8:7

Akhyeung" yu, vang ci: da" byu yi myoo" sho' mo yu joem gi yoid nyho: lho: phang: thu lo" boem ago' ajoem: shid: mo, myoo" sho' yo' Khyid: yoin" mo, myoo" sho' bang: we' ge lo" boem ago".

ACTS 9:33

Hau: da" voogung moo gung joem: shid: lho: ayo" too, loo: shed' zain' loem: loem: nyang- yhoeb, joyoo moo leung jo, da- Ainea ga: su: dayug ri Petru gi yhe: myang bye.

KOLOSE 3:11

He: khyoo: yoomo Yuda byumyu" yi yo' Heleni byumyu" yi gi athang: yham" kham' su: yo' akham' su: siyoo soogam: byu yi-byu kyang: byu lam" joem- join, yi yo' loid byoin, byu yi ga- nyangnu" da" akhoug: moo kho' go" koin, nyid wa khyoo: ajo, loo- Khristu gi nanu" dangain" bang: tho' moo-je" yhoug: gyen: su: nghoid wigi nanu" dangain" bang: yo' dage" nyid nyid.

KOLOSE 4:1

Yhoem: seing: yi we"- nasnu" we' moug: khung: tho' moo Aseing: dayug nyid ziri myid boin: zoore"- nyang: tu: nya: da" join, yi ri dei nhang: zo: nyid da" khyoo: moo yu" tu, lho: tarha" ziyo' nyeung veung" dain: khyo" dakoid nyid ge'.

1 TIMOTHI 6:2

Khristain join, seing: yi da" lo, khoug: moo nyid da" join, yi gi nyang: nya: da" yhoem: seing: biri- dakhyoo" te" da" mang: nhung" yi nghoid ein: aphoug" akhyoid age koid. Khasu" wim gari nyang: zei: byid: jang" mo akyu" shau" kham: zoo: mo, gi nyang: tu: nyang: loem khau: jheddab nyid bang: nghoid yoomo nyangnu" ri lang" je" wigi pang" dei: byid: ge nyid. Nang gi he: khyoo: ri jhau" mho' kho" kyo" nyid ca"

PHILIMON 1:16

Akhid" gi join, za: we' anghoid loo- join, tho' moo je" jain" da" jheddab da" Khristain mang: nhung" dayug bue" loo bye. Nyang: gi nga" da" shid re" khayhi' gyeing" phoug" dab, su: bue" loo bye: lha! Re" shid re" join dayug khyo" we' Khristu moo mang: nhung" dayug khyo" we' re" shid re" we' khayhi' gyeing" phoug" dab, su: bue" loo wa lha!