MATHE 8:4 - Lacid Common Language Bible

⁴ Houg: lang" Yesu gi «he: khyoo: hang" ri we' atid kyoo"- nang thu' lo" lho: re" da" gung khainjung phoo ri lo toin" shid we' nyangnu" gi nga" da" shid re" sagsi: bui" baja"- Moshe tid to" da" xoin" lo" byid: we'» ga: tid kaid.

MATHE 8:4 ပူးပေါင်းရင်းမြစ်များ

ESAIA 42:21

Aseing gi khyoid yu wa gau yi da" Mangsoo nghoid. Houg: yoomo nya: tarha" joem yo' jhau" shid khyoo: joem ri nyang: ngi: shab wigi hau: joem ri nya: byumyu" yi wigi ngi: shab byid: nhang: nau da:.

XOIN" NGEI" 13:49

hau: zigi nyoug nyoug zi anghoid lang" ni ne zi nghoid rigi yo" je: lo" da" moug" jhung" nghoid ziyo' khainjung ri ci: shug ca" zi nghoid.

MATHE 10:18

Nyangnu" da" shid moo we' tarha" nghi: zain byu yi da" shid moo we' sagsi: bui" wa shid re" nanu" gi ngoo yoomo zoug: khokham" yi da" shid khoin" moo she: vang lo" zi shau" goo" wa.

MATHE 16:20

Hau: thang ri Yesu gi nyang: khristu nghoid da" khyoo:- hang" ri we' atid kyoo" goo" ga: cangzoo: yi ri toung: to.

MATHE 17:9

Hau: thang: ri Aseing Yesu yo' nya: cangzoo: yi gi boem mo doem gyoo" lo ago". Houg: su" zheung: gyoo" lo da" uri Aseing Yesu gi «nanu" shau" myang bye: da" khyoo: joem ri Byu da" nya: zoo: shid: jang" mo doem dei to' lo da" bidnyid ju" sho' hang" ri we atid kyoo" goo"» ga: wigi cangzoo: yi ri toung: to".

MATHE 3:15

Houg: ri Yesu gi «akhid" nyang: houg: zei: byid: we' deung main" da" khyoo: ja: khang" moo" ri zei: byeung" wa zigi ge nyid bye:» ga: nyang: ri tid. Houg: lang" hau: moo" nyang: ri zei: byid: bye.

MATHE 5:17

«Moshe toung: to" da" tarha" yo' Lapi: yi da" dang: ri ngoo phyo' pyam wa yhangti" amyid wim goo"- phyo' pyam wa shid re" anghoid hau: ziri joeb pyeing wa ein: ngoo dare.

MATHE 6:1

«Subi" myang baja" ga: nyangnu" shid khoin" moo nanu" myonhoo: sho: da" moo" ri azei: wa shid re" zed" nyid ge'. Houg: su" anghoid rigi Mougkhung: tho' moo nyid da" nanu" nya: pho, jang" mo aphoug" ri yo" yu goo" wa zi anghoid.

MATHE 9:30

Houg: lang" nya: eig yug myo, myang lo. Yesu koem gi «he: khyoo: hang" we' asi baja" zid" ge'» ga: zau" too" nhang: da:.

MARKU 13:9

Nanu" koem gi nyang: tu: nyang: lhid' lho: nyid ge' nyangnu" gi nanu" ri mheug yu lho: tarha" yung" khyoo: ab pyam boem wa tarha" jung moo nanu" ri baid boem wa zoug: yi yo' kho: kham" yi ri-ngeibu: ludang: tid kyoo" wa shid mo ngoo yoomo nanu" gi nyangnu" da" shid khoin" moo shau" yab jo, boem wa.

MARKU 3:12

Yesu gi nyangnu" ri nya khyoo: yo' sen: lho: afu" nheung loo" wa shid re" zheung: zung" nhang: kaid boem.

MARKU 5:43

Nhgoid loug we' yesu gi-he: khyoo: yo' sen: lho: nanu" hang" ri we' atid' kyoo" goo"- ga: nyangnu" rizoug" nhang: lho: zoomyi: zoo: ri zoonoem daja: ja: byid: zhoo" goo" ge' ga: tid.

MARKU 6:11

Davoo mo mo, gi nanu' ri beung" alhoem: tau: yu loo:- nanu" kho" kyo" da" dang ri alheom: tam" gyo; boem nghoid rigi hau: joyoo mo thu' loo" ge' houg: mo thu' lo" da" uri nyangnu" shoid mo sadi byid: zi bui" wa shid re" nanu" khoo: ovoo mo phei" lhoug: ri ko: khyo, too" kho' ge' ga: tid.

MARKU 7:36

Yesu gi hau: khyoo: hang" ri we' atid kyoo" wa shid re" mung" byu yi ri amyeing" byid:- nghoid loug we' nyangnu" gi je- hau: khyoo: je tid lo" ago".

MARKU 8:30

Houlang" Yesu gi nya: cangzoo: yi ri-ngoo hang" nghoid ga: ziri nanu" hang" ri we' atid kyoo" goo"- ga: amyeng" byid:.

MARKU 9:9

Hau: boem tho' mo nyangnu" doem tau" gyo" lo nyid uri Yesu gi nyangnu" ri byu nya: zoo: shid: jang" mo adoem dei to'' loo loo gi nanu" myang bye: ziri hang" ri we' atid kyoo" goo" ga: amyeng" byid: to".

LUKA 17:14

Houg: bang: ri myang lang" Yesu tid zigi nanu" lo" lho: nanu" da" gungdoem: ri khainjung agyi yi ri lo" toin" shid ge" ga: tid. Nyangnu" gi khyoo: moo lo" nyid boem shi" uri noo ge lo" zi shau" boem bye.

LUKA 21:13

Hid: su" bue" loo loug - nanu" gi ngei bu: lu dang: ri tid loo" wa shid re" amyeing akhang" ri yo" yu boem wa nghoid.

LUKA 4:41

Yu joem gi Yesu ri ‹‹Mangso nya: zoo: nghoid›› ga: nyho: lho: nyangnu" nyang: vang jo, mo, jang" mo phang: thu' lo" boem. Yesu gi yu joem houg: su" nyho: yoid da" ziri toem pyam lho: nyangnu" ri dang: tid wa akhang" byid. Khasu" wim gari Yesu gi Meshia nghoid ziri si' yoomo nghoid.

LUKA 5:14

He: khyoo: hang" ri we' atid kyoo" ga: hau yug ri zau" kaid lho: Yesu gi nang gi khainjung agyi yi jhang khyoo: yhe: lho: re" gung ri pya shug we'. Re" da" noo ge loo" bye da" khyoo:- nyangnu" da" shid' moo sagsi: bui" wa shid' re" Moshe tid to" da" xoin" ri we' to' byid: we ga: pyeung: kaid.

LUKA 8:56

Nya: myhi' phoo gi gye" mau" nyid ago". Nghoidloug we' Yesu gi He: bue" lo khyoo: hang" ri we' atid kyoo" goo" ga: zung" nhang: kaid. s

LUKA 9:21

Houg: lang" Yesu gi he: khyoo: hang" ri we' atid kyoo" wa shid mo jhug za: amyeidng" byid: bye.

YOHAN 5:41

Ngoo gi byu yi wi coung" byid: wa shid' re" sho: yen" zi anghoid.

YOHAN 7:18

Nyang: nya: da" Tarha" ri kho" kyo" jhoug" byid: su: gi nyang: nya: da" myonhoo: ngeilang: ri shoo: wa nghoid. Nghoidsho' loug we' nyang: ri nhang: kaid su: da" myonhoo: ngeilang: ri shoo: su: gi deing: deing: main" main" se' kho" kyo. lho: nyang: moo mhau' fain" zi aboo.

YOHAN 8:50

Ngoo gi ngoo nya: myonhoo: ri ngoo ashoo: nghoid loug dayug su: gi nga" da" myonhoo: ri shoo: byid: lho: nga" shoid khyoo: dang: phyed' byid: nyid.