MATHE 8:26 - Lacid Common Language Bible

²⁶ Nyang: gi «ade: loem" jeung" mo, we" ciwim gyoug nyid go" lha"» ga: nyangnu" ri gyikoid houg: lang" nyang: to' lo lho: uglid yo" being: mhoid ri gyikoid. Houg: lang" uglid yo" being: mhoid gi atho' tid loo sho' sam" tam" to.

MATHE 8:26 ပူးပေါင်းရင်းမြစ်များ

COUNG" NGHEI 65:7

Nang gi panglai: beung: mhoid baid myheung da" thui: yo' gyid ji: zoo" yi da" myeung fu: thui: ri tam" loo" nhang: nyid. Nang gi mung" byu yi da" myeung fu: thui: ri tam" loo" nhang: nyid.

COUNG" NGHEI 89:9

Nang gi yoem moo" bo da" panglai: gyid mung" ri vhoebkhang" nyid wigi houg: mo thain: da" being: mhoid joem doin: lhoem" lo boem ri nghoid loug we' nang gi no: jham" loo" nhang: nyid.

ESAIA 63:12

Nya: shid re" apyaid atoo: moo myeing gyi: wa shid re" pang: lai gyid ri kho' pyam' wigi nya: byumyu" yiri noug" da" gyid khyo" shu" lo wigi nya: yoem: so' ri ci: lho: Moshe khyo" gyi: sheung: da" moo" joem ri koid su: Aseing gi khayoo: nghoid lha"» ga: myid: ago". Aseing wigi shu" yoomo nyangnu" ri myang: lam" joem khyid: yhang: ti" geing: teing wigi khanham we' athung" leung nghoid ago".

NAHUM 1:4

Nyang: gi panglai: ri amyeing" byid: kaid lang" hau: zigi kain" loo" khare" lho: nyang: gi gyid moo" lang joem ri we' kain" loo" nhang: bye:. Bashan janggyoin: we' nyhau" kyug lo"- Kharmela boem we' kyug moid" lo" lho: Lebanon da" bain: boo" joem we' nyhau" shu: gyo" byug boem bye:.

HABAKU 3:8

Aseing we"- gyid moo" lang joem gi nang ri nheig yoo: nau zi anghoid la". Panglai gi nang ri nheig joem: yoo: nhang: bye: la". Nang gi jhoemmoug" tho' moo zhung: jo, lho: Uglid jhoemmoug" gi re" da" byumyu" yiri ung: doid nhang: wa shid re" re" da" gyimyang: rheing" nghoid wa bye:.

MATHE 16:8

Houg: su" tid go" nyid zi Aseing Yesu si yoomo «nanu" zoo: noem avoin zi ci: wim wigi ngeig go" nyid lha".

MATHE 17:20

Aseing Yesu gi «Nanu" moo loem" jeung" nheigloem: ngi, yoomo nghoid. Ngoo deung" deung nanu" ri tid zigi nanu" moo loem" jeung" nheigloem: nghang" shi" cab yhi' koo: bo nghoid rigi He: da" boem ri he: joyoo mo zi fo: joyoo khyoo yu: loo" we' ga: tid nghoid ri yu: loo" khari" wa loem" jeung" nheigloem: bo rigi nanu" ayo" koid: wa zi ci" we ajo.

MATHE 6:30

Ade: loem" jeung" da" mo, we"- akhid" nyid" te: youg jo, lho: nab' yo nyid" gi myi: khyoem, moo du" zei pyam' wa da" vu, fu myo, ri lang" Mangsoo houg: su" zho" jhoug coung: goin nghoid rigi hau: tho' mo nanu" ri je zho" jhoug coung: goin wa anghoid goo" la".

MATHE 8:27

Bo myang mo, gi mau" fo' yoin" to" boem wigi «He: yug gi cite" byu nghoid lha". Uglid yo" being: mhoid lang" nyang: ri tam" gyo:» ga: tid go" nyid boem.

LUKA 4:35

Aseing Yesu gi sam" zoo: nyid we' Nya: ung: khoug: mo: thu' loo" re" ga: tid. Agyeing" ashang: da" yu gi hau: yug ri sube" mo, phung: gung moo theing lheing: kaid. Hau: thang: ri ce: jamjau abyid: loo:- nya: da" ung: khoug: mo thu' loo" bye.

Roma 4:20

Nyang: gi khanham we' Mangso: da" dang: soo" khoin" ri loem shoid' jeung" shoid' aloem" jeung" da" myid aboo. Mangsoo: ri loem" jeung" khyoo: khanham we' ashe: pyam. Mangsoo: ri loem" jeung" nyid yoomo yoem so' byeung" lo. Houg: yoomo nyang: gi Mangsoo: ri coung" nghei" byid: nyid.

Pang Shug 10:2

Nyang: gi nya: da" lo, khoug: moo phang to" da" mougsoug" deing: nu" ri ci: to" nya: lo, yo khyid: gi panglai tho' moo lo, koung" khyid: gi tung: gung tho' moo nang: yab, jo, lho: