MATHE 8:20 - Lacid Common Language Bible

²⁰ Yesu gi «zeigni joem gi khyung: yo" ago"- moug moo dang: yen" da" ngho' zoo: joem we' soid jo: ago" hau: byu nya: zoo: koem gi vhuloem too" jang: we' ajo,» ga: nyang: ri tid.

MATHE 8:20 ပူးပေါင်းရင်းမြစ်များ

COUNG" NGHEI 104:12

Moug: moo: dang: yen" da" ngho' joem gi hau: gyid yam, moo: youg jo seiggam joem da" atho' moo soid soid, lho: jikhoin" khoin" myheung nyid boem ago".

COUNG" NGHEI 104:17

Hau: joyoo moo ngho' joem we' nyangnu" nya: shid re" ngho' soid soid lho: gyid ngho' joem we' shithang: gam joem da" atho' moo ngho' soid koid to" boem.

COUNG" NGHEI 109:22

Ngoo gi asho" ajhen: su: yo' ci" we' ayoo" su: nghoid nyid. Nga" nheigloem: khoin" jhung: moo: ju" sho' thau" kyang nho: zi ngoo shoug" nyid.

COUNG" NGHEI 40:17

Aseing we" ngoo gi yoem: nu: lho: asho" ajhen: nghoid nyid. Nghoid loug we' nang gi ngoo ri to" myhed pyam nyid zi anghoid. Nang gi nga" khyoid yu su: yo' nga" Mangsoo nghoid. Ngoo ri: pang" thoug yu wa shid re" hain" hain: ju" ri" we'.

COUNG" NGHEI 69:29

Nghoid loug we' ngoo gi noo phyoo" shoug" lho: nheigloem: thang bye:. Mangsoo we"- ngoo ri vu, to' yu lho khyoid yu we o".

COUNG" NGHEI 84:3

Nga" khokham yo' nga" Mangsoo gyi: myhang: da" Aseing we" jookhyang ngho' joem lang"- re" da" phoin: joem anam, moo Nyangnu" da" soid koid nyid boem ziyo' jhashi lagyung" joem we' nyangnu" shid re" yhoem: yo" nyid boem.

DANIELA 7:13

Hau: myen mo he: yoeb myang ri myang nyid uri byu xangsu: dayug te" da" su: ri shau" myang. Nyang: gi jhoemmoug" wigi lheing khoem ci: lho: nga" jhang tab re" da:. Houg: lho: nyang: gi apyaid atoo: mo dei nyid yug jhang yhe: lho: nya: shidkhoin" khyoo: vang yhe: da:.

MATHE 12:32

Hang" nghoid loug we' Byu da" nya: zoo: ri nhoid yo" tid shoid da" yooboo gi yo" khyoid pyam byid:. Nghoidloug we' gyeungshang: da" Venyi: ri nhoid tid shoid da" yooboo rigi he: pyaid ri we' thang: phyang" pyaid ri we' yo" khyoid pyam byid: zi anghoid.

MATHE 12:40

Yona gi ngoo: zeing da" voem: doug khoug: moo soem" nyid soem" myen, loung" jo, yhangti"- Byu da" nya: zoo: gi myidjang: khoug: moo soem" nyid" soem" myen, loung" jo, wa zi nghoid.

MATHE 12:8

Khasu" wim gari Byu da" nya: zoo: gi Dougno: Bidnyid da" Aseing nyang: nghoid bye.»

MATHE 13:37

Yesu gi «myoug: shi" sain" su: gi byu da" nya: zoo: nghoid.

MATHE 16:13

Aseing Yesu gi Kesare Philib moug: moo ju" lo" da" uri nya: cangzoo: yi ri «subi" gi byu da" nya: zoo: ri hang" nghoid ga: tid go" nyid ago" lha"» ga: myid.

MATHE 16:27

Byu da" nya: zoo: gi Nya: pho, da" myonhoo: phung yoeb bang ri void' ci: lho: Mouglagyoo: yi yo" dage" gyoo" loo wa. Hau: da" bidnyid ri mougmyid byu yi dayug yo" dayug ri nyang: nyang: koid: da" moozoo" yo' dakhyoo" ti" doem tau" byid: wa zi nghoid.

MATHE 17:9

Hau: thang: ri Aseing Yesu yo' nya: cangzoo: yi gi boem mo doem gyoo" lo ago". Houg: su" zheung: gyoo" lo da" uri Aseing Yesu gi «nanu" shau" myang bye: da" khyoo: joem ri Byu da" nya: zoo: shid: jang" mo doem dei to' lo da" bidnyid ju" sho' hang" ri we atid kyoo" goo"» ga: wigi cangzoo: yi ri toung: to".

MATHE 19:28

Yesu gi «ngoo gyeing" gyeing" tid ba: ju" loo wa da" mungdain: seig moo Byu da" nya: zoo: gi myonhoo: yoeb' bang joeb byeung" da" zhungtang tho' moo zhoung: jo, da" uri nga" cangzoo: yi nanu" we' zhungtang daxe: eig loem: tho' moo zhoung: jo, lho: Israela daxe: eig kung: mo mo, dangain" ri yo" vhoeb' khang" wa zi nghoid.

MARKU 8:38

Khasu" wim ga: ri Mangsoo ri aloem khau: ziyo' akhyeung" ashoeb da" he: pyaid moo ngoo yo' nga" jhoug myeung" ri sho' su: hang" nghoid lug we' byu nya: zoo: gi nya: pho, phung" yoeb bang yo' gyeungshang: da" moug: lagyoo: yi yo' dage" ju" re" da" uri nyang: ri sho' thu' nhang wa nghoid.

LUKA 12:8

Nanu" ri ngoo tid zigi Nga" cangzoo: gyeing" nghoid ga: sube" shid' moo yhen: yu su: rigi Byu da" nya: zoo: we' Mangso lagyoo: yi da" shid' khoin" moo nya: cangzoo: agyeing" nghoid ga: yhen: yu wa.

LUKA 18:8

Nanu" ri ngoo tid zigi Aseing: Mangsoo gi houg: bang: shid' re" myab myab dang: kho" byid: wam: bye. Houg: nghoid loug we' Byu da" nya: zoo: doem gyoo" lo da" uri He: mougmyid mo loem" jeing" mo, ri re" myang shi" wa la"» ga: tid.

LUKA 2:12

Noug" nu" dayug gi boug: bang" yo" thoeb lho: nu: zo: thung" lhang" moo lheng: to" zi nanu" myang goo" wa. He: da" khyoo: ri shau" myang lang" zoonu" nghoid khyoo: ri si' goo" wa" ga: tid.

LUKA 2:16

Nyangnu" gi Mari yo" Yoseb ri we' nu: zo: thung" lhang" moo lheing: to" da" zoonu" ri we' yhe: myang boem.

LUKA 2:7

Being" dab moo nyangnu" shid' re" joyoo aboo loo yoomo zoonu" ri boug: bang" yo" thoeb lho: Nu: zo: thung" lhang" moo lheing: to.

LUKA 21:36

Gyeing: gyeing: soo" soo" koid: nyid ge' ju" gyoo" loo wa da" myo, dain' dei: da" shid: gyoin noo gyoin ri yo" kham: zeing: yab jo, lho: wigi Byu nya: zoo: da" shid' khoin" moo dain: dain: yo" yab lho: tarha" dang: kho" ziri yo" kham: wa shid' re" khanham we akyu" damho, nyid ge'.

LUKA 8:3

Herod khokham" da" yhoem: vhoeb khang" da" zoug: moo"- Kutha da" yhoem: seing: myhi'- Yohana- Susanna yo" myiyi: gootu: myoo" sho' mo, gi nyang: nya: joyoo jang: moo Aseing Yesu yo' nya: cangzoo: yi ri ca" moo ca" bo pang" thoug ago".

LUKA 9:58

Yesu nyang: ri «zeig ni, joem gi khyung: yo" ago"- ngo, zoo: joem we' soid jo, ago"- nghoid loug we" byu nya: zoo: koem' gi vhu" shid" khoug: jang: khyalhang" we' ayoo"» ga: tid.

YOHAN 1:51

Ngoo deing" deing nanu" ri tid ba- mougkhung: khoem" phang lho: Byu da" nya: zoo: tho' moo moug: lagyoo: yi gyoo" loo do, loo" koid' nyid da" ziri nanu" shau" myang wa ga: wigi nyangnu" ri Yesu tid.

YOHAN 12:34

Byu yi gi Meshia khanham we' kangso' dadei nyid ga: Moshe tarha" moo tid to. Houg: su" nghoid ri Byu da" nya: zoo: gi khasu" wim wigi se' jen" lhang" too" wa lha?Hau: byu da" nya: zoo: gi kha: yug nghoid lha"» ga: myid: ago".

YOHAN 13:31

Yuda thu' loo" khare" thang: ri Aseing: Yesu gi Akhid" byu da" nya: zoo: gi myo, nhoo: ngei: lang: bug thu' sheing" jhu" lo zi shau" bye. Mangsoo we' hau: yug: yoomo myonhoo: bug thu' sheing" jhu" lo zi shau" bye.

YOHAN 3:13

Mougkhung: mo gyoo" lo da" byu nya: zoo: mo gootu: hang" we' Mougkhung: khyoo: ado, lo" yu.

YOHAN 3:14

Dain" pyoid yoo moo Moshe gi seig zeing: moo gyid: lhang myu ri tu: to' to" yhangti"- Byu da" nya: zoo: we' tu: to' to" zi shau" wa nghoid.

YOHAN 6:27

Boeb' yoin" loo" se' da" zoo: noem shid' re" yoem: akaid goo. Apyaid ato: kangso' yoo" nhang: da" aboeb ayoin" loo" se' da" zoo: noem shid' re" yoem: dakaid nyid ge'. Phoo Mangsoo gi byu da" nya: zoo: ri nyang: vho: ngei da" sag si nyang: moo byid: too" bye. Houg: yoomo byu da" nya: zoo: gi hau: da" zoo: noem nanu" ri byid: wa zi nghoid ga: tid.

YOHAN 6:53

Aseing Yesu gi deing" deing ngoo nanu" ri tid zigi Byu nya: zoo: da" shoo" ri nanu" azoo:- nya: da" suid" ri we' ashug nghoid rigi nanu" gi kangso' yoo" wa zi anghoid.

YOHAN 6:62

Byu da" nya: zoo: gi nyang: nyid da" moug: khyoo: doem do, lo" ziri myang lang" nanu" khasu" myid: goo" wa lha".

ACTS 7:56

Houg: lang" Stephain gi yu" ge' - moug: khung: gi bang" lo" wigi byu da" nya: zoo: gi Mangso da" lo, yo shoid moo yab, jo, ziri ngoo myang kaid' bye- ga: tid.

2~KORINTHU 8:9

Nanu" gi ngoonu" Aseing Yesu Khristu ri se' nyid boem ago" Aseing Yesu gi nyang: di su: nghoid loug - nanu" da" shid re" nya gungdu: ri sho" jhen: byu bue" loo" nhang: bye. Nyang: asho" ajhen: koid jang" mo nanu" yo" de, lo boem bye.