MATHE 8:16 - Lacid Common Language Bible

¹⁶ Akhid" yu dab mo, myoo" sho' Aseing jang" moo zheung: shu" re" boem wigi dang: thui: yo' za: hau: yu joem ri zheung: khaid pyam' byid. Noophyoo" shau" mo, dangain" bang: ri we' ge loo" nhang kaid.

MATHE 8:16 ပူးပေါင်းရင်းမြစ်များ

THU' LO" MOUGSOUG" 15:26

Nyang: gi «Ngoo jo ein: koid ziri nanu" phau" myang: wigi nga" amyeing" dang: ri cang yhe: nghoid rigi ngoo nanu" ri Egutu byumyu" yiri tab byid: da" noophyoo" joem yhang: ti" yooboo dam abyid: wa nghoid. Ngoo nanu" ri noophyoo" mo gi nhang: da" Aseing nghoid» ga: tid.

MATHE 12:22

Hau: uri yu vang yoomo myo, jed lho: dang: ayo" tid da" yug gi dayug ri Yesu jhang shu" re" ago". Aseing gi hau: yug ri ge loo" nhang: lho: myo, myang loo nhang:- dang: we' yo" tid sho ge loo" nhang.

MATHE 14:14

Yesu gi lhid' mo tung gung khyoo lo" ri byu phung: moo" ri nyang: myang lang" nyangnu" ri nheig yu khyeig yoomo noo da" byu dangain" ri ge loo" nhang: bye.

MATHE 8:15

Nya: da" lo, moo tain" byid: lang" nuyoem" bei: ge lo" wigi nyang: gi Aseing ri zoonoem to' moo" zho.

MATHE 8:33

Vu, zung" mo, koem gi hau: voogung moo phang: vang lo" boem lho: bue" lo khyoo: dangain" yo' yu dab su: eig youg khyoo: ri lo" tid kyo.

MATHE 9:2

Houg: lang" yu" ge'. gung ajoem shid: da" byu dayug ri nyangnu" gi Yesu jang" moo dangzuang mo dang go" re. Nyang: gi nyangnu" da" loem jhing nheigloem: ri myang lang" «Nga" zoo: we" nheig angi loo: nyid we'. Re" yooboo ri khyoid pyam' byid: bye:» ga: ajoem: shid: su: ri tid.

MARKU 2:3

Gung joem: shid: da byu dayug ri we' byu myid: youg wigi Yesu jang" moo dang ju" re" ago".

MARKU 5:8

Nyang: houg: su" yoid tid zigi akhyeung" da" yu we"- byu he: youg jang" mo thu' loo" we' ga: Yesu tid kaid yoomo nghoid.

MARKU 9:25

Yesu gi mung" byu yi nya: jhang gei zeung: phoung lonyid ziri myang lang" hau: akhyeung" da" yu ri nhoid jed, nu jed da" yu we"- ngoo nang ri amyeung" byid: bye:- yuggi nu": jang" mo thu' loo, we' nyang: moo khanham we' adoem vang loo" loo:- ga: nheug yo: kaid.

LUKA 13:12

Aseing Yesu gi hau: myiyi: myhi, ri myang lang" nya: jang" moo khe: yu lho: myiyi: zoo: we"- re" noo gi bye: ga: tid.

LUKA 4:40

Bidvang zoo" ri noophyoo" aja: ja: shau" mo, gi Yesu jang" moo khe: shu" re" boem. Yesu gi hau: noophyoo" shau" mo yug khang" mo" da" tho' moo lo, ki" byid: lho: nyangnu" da" noophyoo" joem ri ge loo" nhang: kaid.

LUKA 4:41

Yu joem gi Yesu ri ‹‹Mangso nya: zoo: nghoid›› ga: nyho: lho: nyangnu" nyang: vang jo, mo, jang" mo phang: thu' lo" boem. Yesu gi yu joem houg: su" nyho: yoid da" ziri toem pyam lho: nyangnu" ri dang: tid wa akhang" byid. Khasu" wim gari Yesu gi Meshia nghoid ziri si' yoomo nghoid.

ACTS 5:15

Petru lid lo" da" uri noo, phyoo" shau" bang: dayham" gi nya: yoeb, byoo, moo khyalhang" shau" zang" baja" ga- noo, phyoo" shau" mo, ri fu" moo" khyoo: dang thu' re" lho: yhoeb, yoo tho' moo pheing" thain: tho' moo re" lhang: to" boem ago". Nyang: nu" houg: su" koid boem zigi lagyoo: yi da" ge, lo, moo" ashi" joem nghoid.