MATHE 7:7 - Lacid Common Language Bible

⁷ «Mho' ge'. houg: lang" nanu" yo" yu goo" wa. Shoo: ge'. houg: lang" nanu" shau" myang goo" wa. Ko' ge' houg: lang" nanu" shid re" khoem" phang byid: wa.

MATHE 7:7 ပူးပေါင်းရင်းမြစ်များ

APOEM AYANG: 26:32

Hau: nyid" ri Isag da" dei zoo: yigi lo lho: nyangnu" du: to" da" gyid thung" da" khyoo: ri lo tid kyo" boem «Gyid myang bye:» ga: nyangnu" lo tid ago".

1 KHOKHAM 3:5

Hau: myen ri Aseing gi nya: yhoebmo, moo thu re" lho: «Ngoo nang ri ce: noem byid: wa ziri nang vho: lha"» ga: myid: bye:.

COUNG" NGHEI 10:17

O" Aseing we" nang gi nheigloem: nyhoem: khyo' khyo" mho' da akyu" mho' dang: thui: ri tam" gyo: nyid. Nang gi nyangnu" ri: yoem: foin: byid wa zi nghoid.

COUNG" NGHEI 10:4

Akhyeing" ashoeb su: gi Aseing ri cishu: anhang:. Nya: da" nghoid boin: nheigloem: moo Mangsoo gi ce: yhoug: agyen: ga: myid nyid.

COUNG" NGHEI 119:12

Aseing we"- nang ri ngoo coung" nghei nyid. Re" da" khyoo: joem ngoo ri jhoug" byid: we'.

COUNG" NGHEI 27:8

Nga" da" jang" moo: tain" re" lho: coung" pid we' ga: nang tid uri ngoo gi Aseing jang" moo: ju" tain" ri" wa ein: tu" bye:.

COUNG" NGHEI 34:4

Ngoo gi Aseing ri mho' yoid lang- nyang: ngoo ri tu" byid: wigi nyang: gi gyoug ci khyoo: dangain" jang" mo ngoo ri loid byoin loo" nhang: bye:.

COUNG" NGHEI 37:4

Hau: Aseing moo: re" da" gau yi khyoo: sho: nyid we' Nyang: gi nang myid vho: khyoo: byid: wa zi nghoid.

COUNG" NGHEI 50:15

Yau: khe" zi shoug" nyid uri nang ngoo ri yoid we' ngoo gi nang ri khyoid khyu: yu wa zi nghoid. Houg: lang" nang gi ngoo ri coung" nghei byid: wa anghoid ga: tid.

COUNG" NGHEI 69:32

Doin: zeig zo: nyid zi shoug" bang gi hau: khyoo: ri myang boem lang" nyangnu" gi gau yi ngei pyo: lo boem wa Mangsoo ri loem khau: noku bang: gi nheigloem: yoem yo" yu boem wa nghoid.

COUNG" NGHEI 70:4

Re" jang" moo: ju" ri" bang: dangain" mo, gi vho: ngei ziyo' gau yi nyid goo" baja". Re" da" khyoid yu khyoo: ri dangain" mo jeju" boin: so" nyid goo" baja".

COUNG" NGHEI 86:5

Nang gi ngoonu" tho' moo ge nyid su: nghoid yoomo yooboo ri khyam" sa: byid: nyid. Nang ri akyu" mho' nyid mo, dangain" bang: shid re" re" da" geung: teung jhed khyeing: kang: khyeing: ri joeb, joeb, byeung" byeung" kham: zoo: nhang: nyid bye:.

DANG: ZHOEM 8:17

Ngoo ri jheddab bang: ri ngoo jheddab nyid ngoo ri shoo: bang: hang" we' ngoo ri shoug" sho: myang ago".

SHOLUMON JIKHOIN" 3:2

Ngoo gi voomoo" khoug: cang khyoo: cang yhoem: gyoo: cang thu so" yen" wigi ngoo gi ngoo jheddab su: ri cang shoo: bye: zi nghoid. Ngoo cang shoo: nghoid loug we' nyang: ri ashoug" myang nghoid da:.

ESAIA 30:19

Yerusalem moo nyid boem da" byumyu" yi nanu" gi khanham we' akug ngau loo goo” wa. Aseing gi nheig khyeug myid boo su: nghoid yoomo pang" thoug yu wa nanu" mho' yoid lo uri nyang: nanu" ri tu" byid: wa.

YEREMIA 33:3

«Ngoo ri khi: we' nang ri ngoo tu" byid: wa. Nang ci: ase' da" mau" pho" ziyo' mau" pho" moo" zoo" yo' sen: da" khyoo: ri ngoo tid khyoo" wa.

AMO 5:4

Aseing gi Israela byumyu" yiri tid nyid «Israela byumyu" yi we" nga" jhang ri" we'. Houg: lang" nanu" gi kangso' shau" dei nyid goo" wa.

MATHE 18:19

«Hau: tho' moo gootu: Ngoo nanu" ri gyeing" gyeing" tid da" zi gi Mougmyid tho' moo byu eig yug soem" yug veing" go" wigi Akyu" mho' nghoid rigi Mougkhung: tho' mo nga" phoo gi nanu" mho' da" zi dangain" ri byid: wam: bye.

MATHE 21:22

Nanu" gi loem" jeung" da" nheigloem: e" myed yo"- Akyu" mho' nghoid ri mho' ja: dangain" yo" yu boem wa" ga: tid kyo.

MATHE 6:33

Nanu" koem gi nya: da" mungdain: yo' nya: da" deung byeung" khyoo: ri xang: shid" sho: nyid ge'. houg: lang" hau: zi dangain" nanu" ri poug lung: byid: wa nghoid.

MATHE 7:11

Houg: su" wigi nanu" lang" akhyeing" ashoeb nyid mo, nyang: nya: da" zoo: yi ri ge da" jhung: shug se' byid: nghoid rigi hau: tho' re" je ge da" mougkhoung: tho' mo nanu" da" nya: phoo gi nyang: ri mho' mo, ri ge da" jhung: shug abyid: wa ein: go" la".

MATHE 7:8

Khasu" wim gari mho' mo, hang" we' yo" yu shoo: mo, we' shau" myang. Ko' nyid mo, ri we khoem" hpang byid.

MARKU 11:24

Hougsu wigi ngoo nanu" loem" jeung" myid yo, daja: ja: mho' ri hau: zi yo" yu wa.

LUKA 13:25

Yhoem: seing: gi khoem" ri myhid" pyam lang" nanu" gi nghe: shoid moo shau" nyid moug myang boem wa. Houg: lang" nanu" gi Aseing: we"- Aseing: we" khoem" phang byid: shi" we' o"- ga: khoem" moo ko, yoid nyid loug we' yhoem: seing: gi nanu" kha: khyo" re" zi ngoo asi ga: tid pyam wa.

LUKA 18:1

Hau: thang: ri Yesu gi nya: cangzoo: yi ri kha: uri we' yoem: ashoin: loo za: ayo, bain sho' moo akyu" mho' ca" da" khyoo: ri dangtu' daja: khyo" jhoug" byid: zigi

YOHAN 15:16

Nanu" gi ngoori khyen: yu zi anghoid ngoo she nanu" rida khyen: yu- nanu gi thu lo" lho: geng teing ashi myoo" sho' zei: wa zi yo"- nga" myeng mo, nanu" mho' moo mho'- phoo nanu" ri byid baja" ngoo nanu" ri nyheung to".

YOHAN 15:7

Nanu" gi ngoo yo" dadeing: daloem: za: nyid wigi Nga" da" Mungdang: we' nanu" da" nheigloem: ung: khoug: moo bo jo, nghoid rigi nanu" mho' da" akyu" ci: mho' ci: yo" yu boem wa nghoid.

YOHAN 4:10

Yesu phougtid zigi Mangsoo ci: byid: nyid ziyo'- nang ri shug gyid dagoem mho' nyid su: gi hang" nghoid da" khyoo: ri nang se' nghoid ri koem gi hau: youg jang" mo nang gyid mho' wa zi nghoid. Hau: yug we' nang ri kangso' gyid byid: wa zi nghoid ga: tid.

Roma 2:7

Ge da" moozoo" ri xo' zei lho: myonho: phung" yoeb ri we' ayo" shid: lo" da" pyaid ri we' -sho: nyid da" byu yi rigi - Mangsoo: gi - aphaid' ato: kangso' ri byid wa nghoid.

Roma 3:11

Deingmain" tarha" ri si su: we' anyid. Mangsoo: ri noku su: we' anyid.

HEBRE 11:6

Loem" jeung" zi abo nghoid rigi hang" we' Mangsoo vho: ngei zi ayo" bui. Khasu" wim gari Mangso jhang khyoo: yu: vang loo" mo, hang" we' Mangsoo nyid nyid ziyo' nyang: ri cang shoo: bang: ri jeju" toug" byid: nyid ein: da" khyoo: ri yo" loem" jeing" su: nghoid wa zi nghoid.

YAKU 5:15

Loem" jeing" da" nheigloem: yo' akyu" mho' nyid su: da" dang: gi noo, su: ri yo" ge loo nhang: lho: Aseing: gi nyang: ri ge, loo" nhang: lho: nyang: shoid vhang da" yooboo joem ri we' khyoid pyam byid: zi shau" wa nghoid.

1YOHAN 3:22

Ngoonu" gi Mangso amyeing" tarha" ri tam" gyo: lho wigi nyang vho ngei da" moozoo" ri zei: nyid boem bye: yoomo ngoonu" mho' nyid da" khyoo: dangain" ri ngoonu" yo" yu boem wa zi nghoid.