MATHE 7:24 - Lacid Common Language Bible

²⁴ «Hid: nga" da" dang: ri shau" gyo: lho: cang zei: loo" mo, hang" nghoid loug we' nyang nya: da" yhoem: ri lugmoo" boem tho' moo zhug to" da" phajhi" boo su: yo" du nyid.

MATHE 7:24 ပူးပေါင်းရင်းမြစ်များ

YOBA 28:28

Mangsoo gi ngoonu" xangsu: byu yiri «Nanu" phajhi" boo wa shid re" Aseing ri gyoug phoug" ca" da:. Lasi phajhi" yoo" sho' akhyeing" ashoeb jang" mo nanu" lheing: loo ca" da» ga: tid.

COUNG" NGHEI 111:10

Aseing ri gyoug phau" nyid khyoo: gi ung: gyeing: phajhi" bo loo wa khyoo: nghoid- nya: da" dang: khoin" dangain" ri tam" gyo: cang loo" mo, dangain" ri nyang: gi deungmain" da" dang: phyed khyoo: ri byid: nyid. Nyang: gi apyaid atoo: moo coung" nghei khyoo: ri shoug" kham: yu wa zi nghoid.

COUNG" NGHEI 119:130

Re" da" jhoug" myeing" jhoug" thui: joem ri tid pang kyo" da" khyoo: gi bidbang ri pang byid: nyid wigi nheigboo ung: agyeung: bang: ri nheigboo ung: gyeung" loo nhang:.

COUNG" NGHEI 119:99

Ngoo gi re" da" khyoo: shed dang: joem ri danyid" goin" yu nyid yoomo ngoo ri jhau" byid: da" sara: yi dangain" tho' re" ngoo gi je' wigi se' yeug lo nyid.

DANG: ZHOEM 10:25

Akhyeung" bang: rigi uglid moo" hau, lo ri bo moid tang" lo" byug nghoid loug we' deingmain" da" byu yi koem gi khanham we' gau: nyu: nyid boem.

DANG: ZHOEM 10:8

Nheigboo ung: gyeung: da" byu yigi ge da" phajhi" byid: dang: ri lhoem: kham: yu se' nyid. Akoo" apyoid da" dang: tid bang: gi byo, yoin" lo" boem wa zi nghoid.

DANG: ZHOEM 12:7

Akhyeung" bang: gi soem" gyo" lo" zi shoug" nyid wigi nya: da" amyed ashen yi adeing loo: nghoid da:. Nghoid loug we' deing: byeung" bang: da" yhoem: ikoin deungkhu: joem gi dageung: teung jo, wa zi nghoid.

DANG: ZHOEM 14:8

Ci: yoomo si su: jhang: su: gi phajhi" bo nyid lha". Khasu" wim gari nyang: zei: eung: da" moo" zoo" ri nyang: se' nyid yoomo nghoid. Ajoeb, abyeung" da" byu yigi ciyoomo ko" fang: nyid boem lha". Khasu" wim ga: ri nyang: gye" si' boin: nyid yoomo nghoid.

MATHE 12:50

Mougkhung: tho' moo nyid da:- Nga" phoo vho: khyo" cang koid: mo, hang" we' Nga" mang: nga" nhung"- nga" nham" mo" yo' nga" myhi, nghoid bye:» ga: tid.

MATHE 16:18

Petru we"- ngoo nang ri tid ba"- nang gi lung: moo" boem nghoid. He: da" lug moo" boem moo apoem ayang: koid: lho: Nga" da" phung: ri zhug too" wa. shid zoug: lang" hau: da" phung: ri ung: wa zi anghoid.

MATHE 24:45

«Loem loug ziyo' phajhi" bo da" deizoo: gi hang" nghoid la". hau: yug gi nya: yhoem: seing: da" deizoo: gootu: ri vhoeb' khang" lho: ayo, ju" lang" zoo: shug thug byid: wa shid re" yhoem: seing: wigi khyen: nhang: too" su: nghoid.

MATHE 25:2

Nyangnu" mo wim: yug gi phajhi boung: gyeing; bang: nghoid. Wim: yug gi nheig agyeung: bang: nghoid.

MATHE 25:4

Phajhi" boung gyeing: koem gi nyang: nya: myi: bung: shid' re". Myi: xu: byeung" zici: re"

MATHE 25:9

Phajhi" bo nheig gyeing: bang: anghoid ‹nanu" shid re" we' ngoonu" shid re" we' ein: rigi tham: zi anghoid. Nanu" shid re" ung" jang: moo yhe: qei yu ge› ga: phoug tid kaid ago".

MATHE 7:25

Hau: mougvo lo wigi gyid je: lo ziyo'- uglid hau' lo lho: hau: yhoem: ri lo doin: nghoid loug we' lugmoo" boem moo zhug too" yoomo aleing loo.

MATHE 7:26

«Hid: nga" da" dang: ri shau" gyo: lho: wigi acang zei: mo, hang" nghoid loug we' nyang nya: da" yhoem: ri midcoo: dam moo koid: to" da" adu: adam: foin" da" byu yo" du nyid.

LUKA 11:28

Houg: nghoid loug Yesu gi Mangso da" mungdang: ri shau" gyo: lho: cang loo" su: gi hau: tho' re je ngei: pyo: ga: tid.

YOHAN 13:17

He: da" deung main" da" khyoo: ri akhid" nanu" se' boem bye. Houg: su" si' bye: ziyo' dakhyoo" ti"-- nanu" cang zei: lo" rigi ngi lho, boem wa.

YOHAN 14:15

Nanu" ngoori jheddab nghoid rigi Nga" tarha" ri phau" cang goo" wa nghoid.

YOHAN 15:10

Ngoo gi nga" pho, amyein g" ri tam gyo: wigi nya jheddab jang moo nyid nyid yhang ti"- nanu nga amyeing" tam gyo rigi nanu" we' nga" jheddab jang" moo nyid nyid.

YOHAN 15:14

Nanu" ngoo tid da" mungdang: khyo" cang nghoid rigi nga" da" bidnoem yi nghoid boem wa.

Roma 2:13

Byu gi - lhid" to" tarha" ti" shau" gyo: ziyo' - Mangsoo: shid' moo deingbyeing" mo ayo" bui. Lhid" to" tarha" moo bo zi yo" dakhyoo" ti" cang lo" ri za: Mangso: da shid' khoin" moo deingbyeing" mo dayo" bue" lo.

1YOHAN 2:3

Nyang: byid: to" da" amyeing" dang: ri ngoonu" tam" gyo: lho: cang lo" boem nghoid rigi ngoonu" gi nyang: ri si' bang: nghoid da" khyoo: ri khyag nyang: yo" se' yu boem wam: bye.