MATHE 7:21 - Lacid Common Language Bible

²¹ «Ngoo ri ‹Aseing we"- Aseing we"› ga: mho' mo, dangain"- Mougkhung: mungdain: moo yo" vang loo" wa zi anghoid. Mougkhung: tho' moo nyid da" nga" pho, nheigloem: yo" cang su: za: dayo" vang loo" wa.

MATHE 7:21 ပူးပေါင်းရင်းမြစ်များ

MATHE 12:50

Mougkhung: tho' moo nyid da:- Nga" phoo vho: khyo" cang koid: mo, hang" we' Nga" mang: nga" nhung"- nga" nham" mo" yo' nga" myhi, nghoid bye:» ga: tid.

MATHE 16:17

Yesu gi «Yona da" nya: zoo: Simon we"- nang ngilho' bye. He: khyoo: gi Xangsu: byu dayug yug nang ri toin" shid' zi anghoid. Mougkhung: mo nga" phoo Mangsoo toin shid yoomo za: nang dayo" se' ga: tid.

MATHE 18:10

«Nanu" gi ngi, su: khayug ri we' Byu ngi yoo ayu" wa shid re" lhid nyid ge'. Nanu" ri ngoo tid da" zigi hau: zooshang: me" da" moug: lagyoo: yi gi Mougkhung: Aseing nga" pho da" myonhoo: ri khanham we' dayu" nyid boem ago".

MATHE 18:19

«Hau: tho' moo gootu: Ngoo nanu" ri gyeing" gyeing" tid da" zi gi Mougmyid tho' moo byu eig yug soem" yug veing" go" wigi Akyu" mho' nghoid rigi Mougkhung: tho' mo nga" phoo gi nanu" mho' da" zi dangain" ri byid: wam: bye.

MATHE 18:3

«Ngoo nanu" ri gyeing" gyeing" tid ba. Nanu" gi nheigloem: thid' pyam lho: zooshang: yi yhang ti" abue" lo rigi Mougkhung: Mungdain: moo yo" vang loo" goo" wa zi anghoid.

MATHE 18:35

Houg: su" nghoid yoomo nanu" gi mang: nhung" nyang: cang"- dayoug da" yooboo ri dayug- re" da" nheigloem: ung: khoug: mo, gyeing" gyeing" khyoid pyam byid: go" nghoid rigi Mougkhung: tho' mo Nga" phoo we' nanu" da" yooboo ri gyeing" gyeing" khyoid pyam byid: wa zi nghoid ga: wigi jhoug" byid.

MATHE 19:24

Ngoo dalheing: doem tid ba:- Gola-ug gi nghab' nhoo: duang: khyo" vang lid loo" wa tho' moo yoo" zoo: yoo" shoug su: Mangso mungdain: moo yo" vang loo" zigi je yau: nyid» ga: wigi cangzoo: yi ri tid.

MATHE 25:10

Nheig aboo mo, nheig agyeung: da" zoomi: yi gi myi: xu: qei wa ga thu' yhe: lo" boem da" uri phoo seig gi kho ga: ju" ri" bye. Jen" jen" soin' nyheing to" da" myiyi: wim: yug gi phoo seig yo" dage" myi: fang pui" khyoo vang lo" boem lho: khoem" ri we' myhid" khare" boem bye.

MATHE 25:21

Nya: yhoem: seing: gi gi bye: loemloug da" nga" deizoo: gi we"- nang gi nge da" moo" moo loem gi" su: nghoid yoomo gyi: da" moo" zeing moo we ngoo ab byid: wa ri" we'- ngoo yo' dage" gau yi ngei pyo: nyid loo: shang» ga: tid.

MATHE 26:39

Hau: thang: ri shed khyoo dajhi' jhen" yhe: lho: myidjang: moo goeb' mhoug to" wigi «O nga" pho Mangsoo we"- ge, bue" nghoid yoo: gi he: kyi" khyeug da" goem ri nga" jang" mo yo" led lo" rigi led' loo" nhang: we' nghoid loug we' ngoo vho: khyo" anghoid. Nang vho: khyo" nghoid baja"» ga: akyu" mho' nyid.

MATHE 26:42

Houg: mo Yesu gi da lheing: doem yhe: lho: «nga" phoo we" he: kyi" khyeug da" goem ri ngoo mo ayo" lhed: kaid lang" gi nang vho: khyo" za: nghoid baja"» ga: akyu" doem mho' nyid.

MARKU 3:35

Khasu" wim ga: ri Mangsoo: myidvho: khyo" cang mo, hang" nghoid loug we' nga" no' nga" nham" moo" yo' nga" myhi" nghoid bye".

MARKU 9:47

Re" myo, jed" wigi re" loem jeung" khyoo: ri lhu: phyo' pyam nghoid rigi hau ziri yu pyam we' myo, eig jid" goin" zi ngarai mung" moo khyo, pyam wa tho' ri gi myo, dajid" kyeing" yo' Mangso mungdain: vang loo" shid mo re" shid re" je ge nyid.

LUKA 11:28

Houg: nghoid loug Yesu gi Mangso da" mungdang: ri shau" gyo: lho: cang loo" su: gi hau: tho' re je ngei: pyo: ga: tid.

LUKA 13:25

Yhoem: seing: gi khoem" ri myhid" pyam lang" nanu" gi nghe: shoid moo shau" nyid moug myang boem wa. Houg: lang" nanu" gi Aseing: we"- Aseing: we" khoem" phang byid: shi" we' o"- ga: khoem" moo ko, yoid nyid loug we' yhoem: seing: gi nanu" kha: khyo" re" zi ngoo asi ga: tid pyam wa.

LUKA 18:25

Soidgain yoo" mo, Mangso da" mungdain: moo yo" vang loo" wa tho' moo gi Gola ug gi nghab nhoo: duang: khyo" jhu: vang lid loo" wa zigi je lei nyid.

LUKA 6:46

Nanu" gi nga" dang: lang" atam" gyo: zi ci: koid: ngoori- Aseing: we" Aseing: we" ein: yoid nyid go".

YOHAN 14:7

Akhid" nanu" gi ngoori si' bye: yoomo Nga" phoo ri we' si wam: bye. Akhid" mo nyang:- phoo ri nanu" se' lho: myang yu" boem bye: ga: tid.

YOHAN 15:23

Ngoori ngheing" su: gi nga" phoo ri we' bo ngheing" zi nghoid bye.

YOHAN 3:5

Yesu phougtu" zigi ‹‹ngoo nang ri deing" deing tid kyoo" ba- gyid yo" Venyi: khyo" akhu: loo su: hang" nghoid loug we' Mangso da" Mungdain: moo ayo" vang.

YOHAN 5:17

Yesu gi Nga" phoo gi kha: u" we' moozoo" moo nyid. Houg: su: nghoid yoomo ngoo we' atheing: anoo: loo: moo" zei: nyid zi nghoid ga: houg: bang: ri tid kyo.

YOHAN 6:40

Khasu" wim gari nya: zoo: ri Noku loem: jeing" loo mo, dangain" gi Apyaid' ato: kangso' ri yo" yu wa shid' re" Nga" phoo gi vho: nyid. Ngoo we' houg: bang: ri lo" thang bidnyid moo shid: jang mo doem dei to'' loo nhang: wa zi nghoid.

YOHAN 7:17

Hau: Mangsoo: vho: da" khyoo: moo cang loo" noug: su: gi Ngoo kho" kyo" da" tarha" gi Mangso da" tarha" nghoid la". Ngoo nya: vho: da" nga" tarha" nghoid la"» ga: zigi se' soin: myed yu" boem wa.

ACTS 14:22

Nya: eig yug gi loem" jeung" loo bang: ri yoem: byid: lho: loem" jeung" da" khyoo: moo- dain: dain: dayab, jo, boem wa shid re we' - nyangnu" ri tid poin" tid kyeing" byid: wigi Ngoonu" gi Mangso mungdain khyoo: vang loo" wa shid re" yau: khe" da" khyoo: myoo" sho' ri yo" lid phyed' loo" ca" - ga: kho" kyo" ago".

Roma 12:2

Nanu" gi mougmyid asam" aved ri acang nyid goo" nanu" gi Mangsoo: ri nyang: tu: nya: da" nheigloem: xoug" bain' sho' thed' pyam' lho: nheigloem: ung: khoug: aseig khyo" kham: yu ge". - Hougsu" koid' lang" gi geda" khyoo: - Mangsoo: vho: da" khyoo: ce: yooboo foin: jang: ajo lo: da" khyoo: ga: da" Mangsoo: vho: da khyoo: gi ci nghoid ga: ziri nanu" yo" se' lo boem wa.

Roma 2:13

Byu gi - lhid" to" tarha" ti" shau" gyo: ziyo' - Mangsoo: shid' moo deingbyeing" mo ayo" bui. Lhid" to" tarha" moo bo zi yo" dakhyoo" ti" cang lo" ri za: Mangso: da shid' khoin" moo deingbyeing" mo dayo" bue" lo.

Ephesu 6:6

Yhoem: seing: yi yu" nyid yoomo myonhoo: rua nau khyo" za: akoid goo"- Khristu da" join, yi yhang: ti"- Mangsoo myid vho: ziyo' dakhyoo" ti"- nheigloem: bain' sho' yo' zei: so' nyid ge'.

KOLOSE 4:12

Nanu" jang" mo nghoid da" Khristu da" join, phoo'-Epaphra gi nanu" ri vhu" kaid' da-nanu" gi loem" jeung da" khyoo: moo geung: teung jo, wa ziyo' nheig boo ung: gyeung: ziyo' jhug zug da" Khristain yi bue" loo sho' Mangsoo vho: ngei khyoo: ri khyag cang: lho: nyang: gi nanu" da" shid re" gye" loem" jeung" myid' yo' akyu" mho' nyid.

1THESALONI 4:3

Ngoo gi nanu" ri gyeungshang: mo, bue" loo nhang: nau, ziyo' nyam, da" moozoo" mo bain' sho' yo" loid loo" wa shid' re" vho: ngei nyid.

1THESALONI 5:18

Khyoo khaid gu khang" moo" moo jeju" boin: lho: coung" nghei nyid ge' hau: zigi Khristu moo nanu" da" kangso' dei da" khyoo: yo' sen: lho: Mangso d" myid vho: khyoo: nghoid nyid.

TITU 1:16

Nyang: nu" gi Mangsoo ri se' boem bye"- ga: tid nyid boem nghoid loug we' nyangnu" da" koid moozoo" joem gi nyangnu" ri abo pang" thoug nghoid da. Nyang: nu" gi aco' ajhoid zi nghoid nyid boem wigi yu" vho: phoo" adoid bang- ge da" moozoo" daja: ja: ri zei: soo, wa da" yoem: vhoo" aboo bang: nghoid nyid boem.

HEBRE 4:6

Hau: da" ngei bu: lu dang: seigri xang: shed" shaug" gyoo: mo, gi hau" lu dang: ri aloem" jeung" boem yoomo hau: ngei bu doug noo: jang: moo ayo" vang lo" boem. Houg: su" nghoid yoomo hau" doug no: joyoo gi goo tu: da" byumyu" yi ri kham: yu wa da" akhang" byid: pyam bye.

YAKU 1:22

Nya: mungdang: ri houg: yhang: ti" shau" gyo: yu" khyo" nyang: nya: gung ri amhau, nyid goo. Mungdang: ri cang nyang: cang loo" mo, bue" nyid ge'.

1PETERU 2:15

Nanu" gi nanu" nyang: zei: wa ge da" moozoo" yo' ci" ase' da' byugang: yi da" nhoid ri myhed" pyam' byid: wa shid re" we' Mangsoo myed vho: nyid zi nghoid.

1PETERU 4:2

Hougsu" nghoid yoomo akhid" mo he: mougmyid' moo nanu" kangso' dei nyid wa deing shi" da" bidnyid gu: moo byu yi da" myo, no, vhoo: bo da" khyoo:- jhu, phyo' khyoo: moo abo cang loo" looza-

Pang Shug 22:14

Kangso' shi" gam, mo ashi" ri zoo: wa amyeing" yo" lho: voogung khoug: khyoo: khoem" moo" duang: khyo" yo" vang loo" sho' nyang: nya: da" byisheing: joem ri ced" phyu: pyam mo, gi ngi lho, nyid.

Pang Shug 3:5

Oung: loo" su: gi houg: yhang: te"- phyu: young" da" byimi shau" void lho: nya: myeing ri we' Kangso' mougsoug" pug mo ngoo soid, pyam byid: wa zi anghoid. Nyangnu" gi nga" da" lagyoo: yi nghoid ein: nyang:- nga" phoo yo' nya: moug: lagyoo: yi da" shid khoin" moo- ngoo yhen: yu wa nghoid.