MATHE 7:15 - Lacid Common Language Bible

¹⁵ «Nheugloem: ung: khoug: moo gi lang: kyen: phyo' zoo: wa ga: zeigne nheigloem: kaid ci: lho: yang yid void to" mo, nanu" jang" moo ju" loo wa mhau' da" lapi: yi ri jang" pyam' ge'.

MATHE 7:15 ပူးပေါင်းရင်းမြစ်များ

1 KHOKHAM 13:18

Hau: thang: Bethela mo lapi: mangzoo: gi nyang: ri «Ngoo we' nang yhang: ti" lapi: dayug nghoid. Aseing amyeing" dang: moo nang: ri ngoo yo' dage" yhoem: khyoo: shu" lo" wigi nang ri doo" zhoo" wa khyoo: moug: lagyoo: khyo" ngoo ri tid» ga: tid. Nghoid loug we' lapi: mangzoo: gi mhau' nyid da:.

YEREMIA 29:21

«Israela da" Mangsoo- myhang: thang Aseing gi nya: myeing moo nanu" ri mhau' tid da" bang: nghoid boem da" Kolaia da" yuggi zoo: Ahab yo' Maseia da" yuggi zoo: Zedekia da" khyoo: yo' sen: wigi tid to" da:. Nyang: gi nya: eig yug ri Nebukhadneza da" yoem: so' khoug: moo ab pyam wigi hau: yug gi: nanu" myo, jang moo hau: eig yug ri said pyam wa.

EZEKIEL 13:16

Hau: lapi: yigi dangain" age da" uri dangain" ge ga: Yerusalem ri tid boem ago". Yoem: moo" bo Aseing tid bye:.

EZEKIEL 13:22

Nanu" gi nanu" da" mhau' tid da" dang: joem wigi ngoo anau noo nhang: da" byu gi yiri yoem: shoin: nhang: da:. Akhyeing" bang: gi nyangnu" da" akhyeing" ziri to" pyam wigi nyangnu" da" kangso' joem ri khyoid yu wa ziri toem' pyam ago".

EZEKIEL 22:25

Vhujhung: yigi nyangnu" said to" da" shoo" ri nyho: hung: nyid da" khang: khyi: joem yo' du ago". Nyangnu" gi byu ri said. Nyangnu" yo" yu nhoo' ngei yo' zi joem dangain" ri yu wigi nyangnu" da" byu said moo" gi myiyi: myoo" sho' bang: ri cougmoo" khyo" nyid deing nhang: boem ago".

EZEKIEL 22:27

Mung" vhoeb zoug: yigi nyangnu" yo" khaid yu to" da" shoo" ri ngaid phyo' zo: nyid da" zeigni joem yo' du ago".

DANIELA 11:34

Hougsu" said go" nyid uri Mangso byumyu" yigi byu myoo" sho' mo, nyangnu" nyang: myid vho: ziyoo" wa shid re" re" bo pang" zi nghoid loug we' dajhi dathang: pang" yu zi shau" boem wa.

MIKHA 3:11

Voomoo" mo zoug: yigi khougvhoid jhungshug yoo" wa shid re" vhoebkhang" nyid ago". Khainjung yi we' aphoug" yoo" wa gu: za: tarha" ri phid: jhau" byid: nyid ago". Lapi: yigi ngei yoo" wa shid mo nyangnu" nya: da" yoeb myang ri toin" shid nyid ago". Hau: lho: nyangnu" dangain" mo, «Aseing gi ngoonu" yo' dage" nyid» ga: tid fu" nyid ago". Nyangnu" gi «Ngoonu" moo ce" yau: khe" khyoo: we' aju" wa Mangsoo gi ngoonu" yo' dage" nyid» ga: tid.

ZEKHARIA 13:4

Hau: da" bidnyid ju" lo uri lapi: yi khayug nghoid loug we' nya: da" yoeb myang yoomo yo" khuang nyid wa zi anghoid. Lapi: dayug ti" we' yo" koid loo: wa zi anghoid. Byu yiri mhoug wa shid mo lape: da" byisheing: ri we' shau" void loo wa zi anghoid.

MATHE 10:17

Byu yi ri lhid' ge'. khasu" wim gari tarha" agyi yi da" lo, moo ab pyam' boem wigi nyangnu" da" tarha" jung moo nanu" ri shen" yhen: baid said' koid: boem wa.

MATHE 16:11

Ngoo zooyho' yo" sen: zi atid ziri Nanu" ci: wim wigi ase' gyoo: go.»

MATHE 16:6

Aseing Yesu gi Nanu" we' Pharishe yo" Saduke da" doocid" ri zid" ge" ga: tid.

MATHE 24:11

Hau: tho' moo gootu: mhau da" lapi: we' myoo" sho' thu' lo wigi byu myoo" sho' ri khyoo: shu" vhang: lo" boem wa.

MATHE 7:14

Apyaid' atoo: kangso' dei da: khyoo moo ju" da" khoem" duang: yo" khyoo: gi soo" soo" jhab' yoo mo shau" sho: vang loo" mo, atham.

LUKA 12:15

Hau: thang: ri vhoo: bo myo, no, da" khyoo: aja: ja: ri zed" pyam ge'. Byu da" kangso' gi ziyoo jonu" moo geing: zug jo, zi anghoid ga: tid.

LUKA 6:26

Byu myoo" sho' mo, gi nanu" ri coung" byid: da" uri nanu" gi joem: loo" goo" wa. Hid: bang: da" nya: phoug" nya: phyid" gi mhau da" lapi: yi ri houg: su" ga: coung" byid: boem yu" bye.

YOHAN 10:12

Lang: jhang gi yang zung" su: ti" anghoid. Yang seing: we' anghoid. Yoomo voem, khuid" joem ri" yo" myang lang" yang joem ri she: pyam too" kho' lho: thu' phang: lo" nyid. Houg: yoomo voem, khuid" joem gi yang phung: ri khaid ngaid wigi lhu: sain" pyam nyid.

ACTS 13:40

Houg: yoomo yu" ge' - juang" yi mo, yo' mau, lho: shid: loo" ge'. khasu" wim gari-akhid" nyid" ngoo koid wa da" moozoo" daloem: ri byu dayug yug wigi nanu" ri tid sho' kyoo" nghoid l;oug we' - nanu" gi hau: khyoo: ri loem" jeing: goo" wa zi anghoid. ga: wigi Lapi yi tid to" da" jhoem: mungdang: gi nanu" moo abue" loo wa shid mo, lhid' zed" nyid ge'. ga: kho" khyoo" byid: da.

ACTS 13:6

Nya: eig yug gi gu gyoo: kang: khyo" gu: lid lo" wigi Paphu voo gung moo ju" yhe: lo" ago". Hau: voogung moo Yuda byu lapi: pyeug nghoid lho: wigi goem, phain" phain" zo: nyid su- Bara: Yesu ga: da" byu dayug ri shau" myang.

GALATI 2:4

Byu yi dayham" koem gi nyang: ri athang: yham" pyam' nhang: nau boem- houg: bang: gi Khristu Yesu yo' daloem: za: bue" wigi kangso dei nyid yoomo ngoonu" yo" yu bye: da" loid byoin akhang" ri kin-yu koid wa shid re" Khristain mang nhung bue" mhau' lho: yha" da" phung: moo bo gau" vang loo mo, nghoid boem ago- nyangnu" gi ngoonu" ri join, koid noug mo, nghoid nyid boem ago".

Ephesu 4:14

Hougsu" nghoid lang" ngoonu" gi subi" ri nyangnu" da" phajhi" khyau" ziyo' khyoo: shu" vhang: mo, da" jhau" mhau' khyoo: ein: da" being: mhoid' ug lig zo" wigi moid' tang" loo" shau nyid da" zoonu" yi yhang: ti" abue" nyid boem loo: wa.

Ephesu 5:6

Hang" wigi we' adu: adam: wim, da" dang: nanu" ri ayo" jhu, phyo' pyam' nhang: goo"- Khasu" wim gari hau" khyoo: joem yoomo Mangso nheig khoo" yo: da" khoo: gi atam" gyoo: acang loo" mo, da" atho' moo gyoo" loo wa zi nghoid.

PHILIPI 3:2

Akhyeing" ashoeb da" moo" zei: nyid bang ri lhed' zed" nyid ge'. lakhuid" joem ri zed" nyid ge'. nyang: tu: nya: gung shoo" joem ri yham" phyed pyam bang: ri zed" nyid ge'.

KOLOSE 2:8

Khristu da" akhyoo" shed' to" ziyo' dakhyoo" ti"- anghoid loo: za: byu xangsu: yi da" akhyoo" shid' khyoo: mo thu' da" jhau" shed' dang: joem yo' dei moo dei nyid moo nyid ri vhoeb khang" da" yu join: joem jang" mo thu' lo da" jhau" shed' dang: nghoid da" ce" akyu" we' abo mhau' fain" da" xangsu: phajhi" yo' hang" wigi we' nanu" ri join, akoid nhang: pyam' goo"-zed" lhid" nyid ge'.

2 TIMOTHI 3:13

Akhyeing" ashoeb, da" byu yi yo' mhoug zoo: mhoug shug yen" da" byu yi koem gi-subi" yo" mhoug zoo: lang" nyang: nyang: ri we' mhoug zo: zi doem, thoung" shau" wigi akhyeing" ashoeb, ziyo' age da" khyoo: moo age da" khyoo: khyoo:- je" je, jhen" vang lo boem wa zi nghoid nyid.

2 TIMOTHI 4:3

Byu yi gi hau" deingmain" ziyo' ca yoo abo da" jhoug" myeing" jhoug" thui: ri atam" gyo: boem wigi nyang: tu: nya: nheigloem: aco' ajhoid khyoo: moo za: te: cang lo" boem ziyo' nyangnu" da" nheigloem: moo yo: phoin: loo" sho' nyang: tam" gyoo: nau da" se' jhoug" byid: da" sara: yi je" je, myo: lo boem sho' khyu: zheung" yu da" ayo, gi ju" loo wa zi nghoid.

2PETRU 3:17

Nghoid loug we' byen cang" yi we"- nanu" gi he: da" khyoo: ri se' nyid gu nghoid abye: go". Hougsu" nghoid yoomo nanu" gi-ce: tarha" abo da" bang: shoid vhang: lo" da" khyoo: moo shu" vhang: lo" jang" moo abo loo" wa ziyo' gau: ngu: da" kang so' dei khyoo: mo abyid: gyoo" loo" wa shid re"-zed" nyid ge'.

YUDA 1:4

Khasu" wim ga: ri tarha" aci: da" byu dayham" bang: gi aboin: aso" shoid' khyo" lo vang loung" jo, boem bye- nyangnu" gi yha" phoo Mangso da" jeju" mungdang: ri nyangnu" da" akhyeung" khyoo: ri nghoeb, pyam' byid: wa shid re" ci: yhoung: zoore"-dayug kyeung" ngoonu" da" khyoid yu Aseing Yesu Khristu rigi ngeug pyam' bye. Houg: bang: kham' zoo: wa da" yoobo dam gi jhoem: mungdang: moo goo" nham, mo tid lheom: too" bye.

Pang Shug 16:13

Hau: thang: ri ngoo gi poo" lheig yo' du go" da" agyeing" ashang: da" venyi soem" du: ri myang- nyangnu" gi main jung: ni, zeung da" nhoid mo we' akhyeung" gougnyhoug joem da" nhoid mo we' mhau' yen" da" lapi: yi da" nhoid mo we' zheung: thu' lo zi nghoid.

Pang Shug 17:6

Hau: lho: myi: yi: myhi, hau: yug gi Mangso byu yi da" suid" yo' Yesu ri loem" jeing" yoomo said' pyam' zi shug" mo, da" suid" ri shug yed, nyid ziri ngoo myang.

Pang Shug 19:20

Hau" akhyeung" da" gougnyhoug ni, zeing gi nya: shid khoin" moo mau" pho" alhoo: again joem ri toin" shid mo, mhau' da" lapi: yi yo' dage" thung: myheug lhoung pyam' zi shau" bye. (Nyang: gi akhyeung" goug nyhoug zeung: da" soolhoo: dab, mo, yo' akhyeung" gougnyhoug da" soolhoo: rinoku goeb, pid' bang: ri mau" pho" alhoo: again joem yo' mhau' yu su: nghoid) Nya: eig yug gi fang yo' nge" nyid da" myimi: thoem" khoug: khyoo: - adei phab' phab' du" zei kaid' zi shau" nyid ago".

Pang Shug 20:10

Hau: thang: rinyang: nu" ri mhau' da" main: yu we' myi: yo' fang nge" nyid da" thoem" khoug: khyoo:- du" khyo' kaid' zi shau" bye- hau: jang" moo hau" akhyeung" da" gougnyhoug ni zeing yo' mhau' da" lapi: joem we' loung" jo. Nyang: nu" ginyid" rimyen" ri kyi" kyeig shau" nyid ziyo' apyaid' atoo: moo daloung" jo, boem wa nghoid.