MATHE 7:13 - Lacid Common Language Bible

¹³ «Jhab' da" khoem" duang: khyo" vang loo ge'. khasu" wim gari joem: lo" jang" moo ju" yhe: da" khoem" duang: gi gye" lam: ziyo'- khyoo: we' gye" yhi: lei wigi houg: khyoo vang loo" mo, gye myo: ago".

MATHE 7:13 ပူးပေါင်းရင်းမြစ်များ

APOEM AYANG: 6:12

Mangsoo gi moug: gyab khyoo: yu" kaid lho: myang zigi byu yigi ashoeb khyo" za: nyid nyid boem yoomo akhyeing" ashoeb khyoo: ri za: yu" myang kaid.

APOEM AYANG: 6:5

Mougmyid tho' mo byu yugkhang" moo" gi khanham we' gye" akhyeing" da" ziyo' gye" ashoeb da" nyangnu" myid soin: khyoo: ri Aseing myang uri

DANG: ZHOEM 16:25

Nang joo bye: ga: myid jho: da" khyoo: gi nang ri shed: jang" khyoo: shu" yhe: loo" se' nyid.

DANG: ZHOEM 7:27

Nang hau: myiyi: myhi' da" yhoem: khyoo: dato' yhe: nghoid rigi nang gi moovo moug: khyoo: gyo" lo" nyid su: nyang: nghoid bye:. Hau: zigi shid: jang" moo: ju" lo" da" khyoo: kyang nghoid.

DANG: ZHOEM 9:6

Aboin: agyeung: da" byu phung: ri too" kho' lho: kangso' dei nyid we'. Lasi, phajhi" moo: cang so" loo" ge'.» ga: nyho: yoid nhang:.

ESAIA 1:9

Myhang: thang Aseing gi byu dayham" ri anyid deing nhang: nghoid rigi Yerusalem gi Sodom yo' Gomora yhang: ti" bain sho' phyo' shoin' pyam zi shoug" wa nghoid da:.

ESAIA 35:8

Hougmo «Gyeung" shang: da" khyoo:» ga: myheing da" fu" moo" khyoo: dakhaid jo, wa. Hau: khyoomoo" moo yooboo yoo" bang: dayug we' khanham we' gyung: yo" soo" wa zi anghoid. Hang" koo" su: we' hau khyoomoo" ri cang da" bang: ri khyoo: vhang: ashu" vhang: wa.

ESAIA 55:7

Akhyeing" da" byu yigi nyangnu" akhyeing" da" kangso' dei khyoo: ri to" pyam wigi Nyangnu" myid da" khyoo: ri thid pyam boem goo" baja". Ngoonu" Aseing Mangso jhang khyoo: nyangnu" ri lheing: loo nhang: ge'. Nyang: gi nheig khyeug ziyo' yooboo khyoid byid: wa myab nyid su: nghoid.

MATHE 23:13

«Akug void da" tarha" sara: yi yo' Pharishe nanu" gi joem: loo" goo" wa. Subi" mougkhoung: mungdain: khyoo: vang loo" wa ga: soin' lo" da" uri nanu" gi khoem" myhid" byid: ago". Nanu" nyang: we' avang lo" boem. Vang loo" wa ga: yoem: kaid nyid mo, ri we' vang loo" wa da" akhang" abyid: boem zigi nanu" shid re" khayhi gyoug phyoo" nghoid.

MATHE 25:41

«Hau: da" thang: ri khokham" gi lo, koung" shoid khyoo nyid mo, ri ‹joem: so: zhung" da" byu yi we"- nga" jang" mo gang: loo" ge'. Yu satan: yo' nya: lagyoo: yi shid re" ein: nyheing to" da:- moo myi: apyaid atoo: thoem" khyoo vang loo" ge'› ga: tid.

MATHE 25:46

Houg: yoomo houg: bang: gi apyaid ato: da" yooboo dam shau" kham: zo: wa jang moo ju" lo" boem wa. Nghoid loug we deung byeung" mo, koem gi apyaid ato: da" kangso' khyoo shau" vang lo" boem wa".»

MATHE 3:2

«Mougkhung: mungdain: ju" lo nyid bye: yoomo nheigloem: thid' loo: ge'» ga: Yuda dain" pyoid yoo moo tarha" kho" nyid.

MATHE 3:8

Houg: yoomo nheigloem: thid da" ashi" zei: ge'

MATHE 7:14

Apyaid' atoo: kangso' dei da: khyoo moo ju" da" khoem" duang: yo" khyoo: gi soo" soo" jhab' yoo mo shau" sho: vang loo" mo, atham.

LUKA 14:33

Houg: yo" dakhyooti"- nanu" mo hang" nghoid loug we' nyang: nyang: yo" da" zi dangain" atoo" kho" rigi nga" cangzoo: ayo" bui.

LUKA 9:33

Hau: eig yug gi Yesu jang" mo phang: lo" nyid uri Peteru gi Yesu ri Aseing: we" ngoonu" he: khyi, moo nyid ge da- Re" shid' mo zoem" daloem:- Moshe shid mo zoem" daloem- Elia mo zoem" daloem: zoem" soem" loem: koid wa"- ga: tid kaid' da. (Nyang: ci: tid shid' kaid' zi ri nyang: gyeing nyang: asi)

YOHAN 10:9

Ngoo gi khoem" duang: nghoid. Nga" jhang khyo" vang ri" su: gi goem loem joyoo shau" bye. Nyang: gi thu' thu' vang vang yo" koid; wigi mhain" nu" jang: ri shau" myang wa zi nghoid.

YOHAN 14:6

Aseing Yesu tid zigi khyoo: gi ngoo nghoid- deung main" ziyo' kangso' we' ngoo nghoid. Ngoo moo anghe: khoug: loo: za: hang" we' Nga" phoo jang" moo ayo" ju" loo.

ACTS 3:19

Hougsu" nghoid yoomo nanu" nheugloem: ri thid' ge-Mangso jhang doem tau" loo ge'. Houg: lang" Nyang: gi nanu" da" yooboo joem ri khyoid pyam byid: wa zi nghoid.

Roma 9:22

Mangsoo: we' - houg: yo" dakhyoo" ti" koid. Mangsoo: gi - yo: phoin: myo nhoo: toin" shid' lho: nya yoem vhoo" phung" ri se' lo boem wa shid' re" - vho: ngei nyid. Nghoidloug we' nheig yo: zi thoung" shau" lho: byo yoin" shid: joem: loo" moin: mo ri gye kham zeing: yau: nyid.

2~KORINTHU 4:4

He: da" mougmyid tho' mo akhyeing" ashoeb da" - Mangsoo ga: da" yu satan phoo gi nyangnu" da" neig loem: ri mougcoid, yo' nghoeb too" byid: bye: yoomo nyangnu" aloem" ajeung" boem loo. myo, jed too" nhang" bye. Nyhang" gi Mangso da" veddu, gungdu nyang: nghoid nyid nghoid loug we' Khristu da" phung" yoeb da" khyoo:- hau: ngeibu: ludang: mo thu' lo da" bidbang ri amyang nhang: loo: nghoid da.

2~KORINTHU 6:17

Houg: su" nghoid yoo mo Aseing: gi Nanu" gi nyangnu" ri to" pyam' kho' wa ziyo' nyangnu" mo nanu: da" gungdu: ri goo" zu: xen' gam, gang: goo" loo: ge'. Anyhoin: athoug" zi ce" ja: ri we' azang" thung" go". Houg: lang:" she, ngoonanu" ri lhoem: kham: yu wa zi nghoid.

GALATI 5:24

Khristu Yesu yo' sen: bang: koem gi nyang: tu: nya: gung sho" nheigloem: yo' aco' ajhoid khyoo: ri vhoo: boo myo, no, khyoo: yo' dage" pyang" zeing moo bo baid' jen" too" bye.

PHILIPI 3:19

Houg: bang: gi ngarai mung" moo nyangnu" da" khyoo: lo" thang wa zi nghoid-khasu" wim gari houg: bang: da" Mangsoo gi nyangnu" da" voem: doug: ein: da" gung sho" vhoo: boo myo, no, da" khyoo: nghoid nyid nyangnu" gi asho' ashid: da" khyoo: ri myonhoo: sho: phau: khuang nyid boem ziyo' he: mougmyid mo da" zi yoo joem riza:- nheig tei" nyid boem ago".

1YOHAN 5:19

Moug: myid gyab, goin" gi hau: akhyeing" su: vhoeb khang" nyid da" akhoug: moo bo jo,- Nghoid loug we' ngoonu" gi Mangsoo yo' sen: mo, nghoid ziri ngoonu" nyang: se' nyid boem.

Pang Shug 12:9

Moug: myid gyab, goin" zirishu" mhau' fain" vo, nyid su- main: yu- anghoid lang" satan: ga: myeing yoo" su- goonham, mo main, jung: ni, zeing ri nya: moug: lagyoo: yi dangain" yo" dage" myid jang: tho' khyoo: du" khyo' kaid' zi shau" abye:.

Pang Shug 13:8

Said' pyam' shau" bye: yang nu" da" kangso' mougsoug" pug moo moug: aphain" myid aphain" shi" mo nyang- myeing bo jo, bang: mo gootu- mougmyid moo nyid da" xang: su: byu yi dangain" bang: gi hau: akhyeung" gougnyhoug zeing ri coem noku boem wa zi nghoid.

Pang Shug 20:15

Kang: so' mougsoug" pug moo myeing aboo mo, hang" we' hau" myimi: thoem" moo du" zei, pyam zi shau" nyid.

Pang Shug 20:3

Mouglagyoo: gi hau: yug ri zain' nyid dakhyeing" zain lid loo" sho' mung" byu yi ri ayo" mhoug: loo: baja" ga: hau: no, athang da: duang: khuang" khoug: khyoo:- nyang: rikhyo, kaid' to" wigi hau: duang: khuang" ri myhed" to" ziyo' hau" atho' moo dazid' ri baid' to. Hau: zain nyid dakhyeing" zain lid loo" lang" gi nyang: ri daso' zoo: doem phoid: kaid' wa zi nghoid.