MATHE 7:1 - Lacid Common Language Bible

¹ «Nanu" ri yooboo byid: dang: kho' zi ashau" baja"- subi" ri yooboo byid: dang: khoo' zi akoid: goo.

MATHE 7:1 ပူးပေါင်းရင်းမြစ်များ

ESAIA 66:5

Nyang: ri gyoug phoug" zi yo' tid dang: tam" gyo: da" bang: nanu" we"- Aseing tid ziri tam" gyoo: we'. «Nanu" ngoo ri jhug zug yoomo nanu" da" byu dayham" gi nanu" ri ngheing" wigi nanu" yo' ci: we' asen: da" khyo" koid loo goo" wa. Nyangnu" gi nanu" ri juang" wigi ‹Nanu" gau yi ziri ngoonu" shau" myang sho' Aseing gi nya: yoem: so' gyi: sheung: ziri ci: shug byid: wigi nanu" ri khyoid yu baja"› ga: tid ago". Nghoid loug we' nyangnu" nyang: ngi: yoem" ago".

MATHE 7:2

Khasu" wim gari Nangnu" nyang: yooboo byid: khyo" cang wigi nanu" ri we' yooboo byid: dang: kho' zi shau" goo" wa. Nanu" nyang: leig byid: kaid da" tang mo nanu" nyang: ri doem leig byid: wa.

MATHE 7:5

Akug void to" mo, we"- re" da" myojid" mo thang" tung" ri xang: shid" yu pyam' we' hau: thang: ri she' re" mang: nhung" pho, da" myojid" mo myo, vang ri yu pyam' byid: we'.

LUKA 6:37

Subi" ri joid tab yooboo afoin: goo"- houg: su" nghoid lang" Mangsoo gi nanu" ri joid atab yooboo afoin: loo: nyid wa. subi" ri gam vhoo: akhyo, goo"- houg: su" lang" she- Mangsoo gi nanu" ri gam vhoo: akhyoo loo: nyid wa zi nghoid. Subi" da" yooboo ri khyoid pyam byid: ge' houg: su" lang" she- Mangsoo gi nanu" da" yooboo ri kyoid pyam byid: wa.

LUKA 6:41

Nangnu" ciwim wigi nyang: nya: da" myojid" moo bo da" thang" toem zeing rigi amyang lho: mang: nhung" phoo da" myojid" moo bo da" phei" lhoug: ri myang go" lha".

YOHAN 8:7

Houg: bang: gi doem phoug myid myid koid; nyid boem. Houg: lang" Yesu gi to' yu" kaid lho: Nanu" mo ce: yooboo adab su: gi nyang: ri luggo, yo" xang: shed" du" ge' ga: amyeing" byid: kaid.

YAKU 3:1

Nga" da" mang nhung" yi we"- Sara koid mo, nanu" gi taraha" dang: phyed da" khyoo: byu gooje tho' moo je" shau" wa ziri se' nyid ge'. Houg: yoomo nanu" yug khang" moo" sara ade: koid nau nyid goo.