MATHE 6:9 - Lacid Common Language Bible

⁹ Houg: su" yoomo nanu" gi hid: su" ein: akyu" mho' ge'. ‹Mougkhung: tho' mo ngoonu" da" phoo Mangsoo we'. Re" myeing re" khyang" gyeungshang: nyid baja".

MATHE 6:9 ပူးပေါင်းရင်းမြစ်များ

2 SAMUELA 7:26

Re" myeing khyang" gyi: sheung: lo wigi ayo, khang" moo" moo byumyu" yigi «Myhang: thang Aseing gi Israela byumyu" yi atho' moo nyid da" Mangsoo nghoid da» Nang gi nga" zhungtang ri apyaid atoo: lhoug zung" goin coung: nyid zi nghoid.

1 KHOKHAM 8:43

nya: akyu" mho' dang: ri tam" gyoo: byid: we' o". Mougkhung: mungdain: mo nang nyid joyoo mo nyang: ri tam" gyoo: byid: wigi koid wa shid re" nang ri mho' yoid lo da" ziri koid byid: we'. Houg: lang" mougmyid tho' mo byumyu" yi dangain" gi re" Israela byumyu" yi koid ziyo' dayhang: ti" nang ri se' lo wigi nang ri tam" gyo: loo goo" wa nghoid. Hau: thang: nyangnu" gi he: joyoo moo nang ri noku wa shid re" he: Noku Yhoem: Moo" ri ngoo koid too" bye: ziri si' go" wa zi nghoid.

1 KHOKHAM MHOOMYID: 17:24

Re" myeing gi gyi: sheung: loo wa. Byumyu" yigi «Yoem: moo" bo Aseing gi Israela yi da" Mangsoo nghoid da» ga: tid loo goo" wa. Houg: lho: nang gi ayo, khang" moo" moo: nga" khokham byuxeig ri zei ci: loo wa.

2 KHOKHAM MHOOMYID: 20:6

Thui: zeing yo' «O" ngoonu" phoug" phyid" yi da" Aseing Mangsoo we"- Nang gi mougmyid dang mo byumyu" dangain" ri mougkhung: tho' mo vhoeb nyid yug nghoid da:. Nang gi yoem: so' bo lho: yoem: moo" bo thang yug nghoid wigi hang" we' nang ri gyi ayo" koid nghoid ago".

NEHEMIA 9:5

Vhoo mo Levi byu yi nghoid da" Yeshua- Kadmiela- Bani- Hashabania- Sherebia- Hodia- Shebania- yo' Pethahia bang: gi noku coung" wa shid re" khe: yu shoug" bang: nghoid. Nyangnu" gi «To' yab lho: nanu" da" Aseing Mangsoo ri coung" byid: we'. Nyang: ri apyaid atoo: moo coung" ge'. Xangsu:- byu wigi coung" zi atham: nghoid loug we' Yugkhang" moo" gi nyang: da" phung gyi: myeing ri coung" byid: goo" baja"» ga: coung" ago".

COUNG" NGHEI 111:9

Nyang: gi nya: da" byumyu" ri lhoid pyoin kaid lho: nyangnu" yo' apyaid atoo: mo dang: theing thang" cab, ri koid too" bye:. Nyang: gi gyeung" shang: nyid ziyo' athang agoin yoem: moo" boo su: nghoid nyid.

COUNG" NGHEI 115:3

Ngoonu" da" Mangsoo gi mougkhung: tho' moo: nyid wigi ce" noem ri nghoid loug we' nyang: vho: khyo" dakoid nyid.

COUNG" NGHEI 72:18

Israela da" Mangsoo- Aseing ri coung" byid: ge'. Nyang: kyeing" za: he: da" mau" pho" moo" zoo" zeing ri zei: nyid su: nghoid.

ESAIA 37:20

Ngoonu" Aseing Mangsoo we"- akhid" ngoonu" ri Asuri byu yi lo, mo khyoid yu la o"- houg: lang" Aseing we" nang za: Mangsoo nghoid khyoo: ri mougmyid dang mo byumyu" mungdain: dangain" se' ri" goo" wa» ga: akyu" mho' da:.

ESAIA 57:15

«Ngoo gi myhang: wigi apyaid atoo: moo dei nyid da" gyeung" shang: Mangsoo nghoid. Ngoo gi myhang: da" joyoo yo' gyeung" shang: da" joyoo moo nyid su: nghoid. Nghoid loug we nyangnu" myid loem ziyo' myid byu ziri ngoo yo" doem nyeing kaid byid: wa shid re" nheigloem: nyhoem: khyo' wigi myid thid da" byu yi yo' we' dage" nyid da:.

ESAIA 6:3

Nyangnu" nyang: cang" «Gyeung" shang:- gyeung" shang:- gyeung" shang:- myhang: thang Aseing gi gyeung" shang: nya: phung" yoeb gi mougmyid tho' moo byeung" jo,» ga: tid nyid boem ago".

ESAIA 63:16

Nang gi ngoonu" da" nya: phoo nghoid. Ngoonu" da" phoug" phyid" Abraham yo' Yaku gi khanham we' khyoid yu su: ngoonu" nya: phoo nghoid da:.

ESAIA 64:8

Nghoid loug we' Aseing we"- nang gi ngoonu" da" nya: phoo nghoid da:. Ngoonu" gi myid vhu" nug yo' du wigi nang gi oug" koid su: yo' du da:. Nang ngoonu" ri phain" too" bye:.

ESAIA 66:1

Aseing tid zigi «Mougkhung: gi nga" zhungtang- myid jang gi nga" khyid: ki" tang nghoid da:. Houg ri ce: ja: yhoem: nang ngoo ri yo" koid byid: wa lha". Ngoo nyid wa nga" shid re" khate" joyoo nghoid lha".

EZEKIEL 36:23

Byumyu" yiri nyangnu" da" phung: moo nanu" ngi: yoem" nhang: pyam da" nga" gyeung" shang: gyi: sheung: da" myeing ri lho: shug lang" nyangnu" gi ngoo Aseing nghoid ziri se' loo goo" wa. Ngoo yoem: moo" bo Aseing tid too" bye:. Ngoo gyeung" shang: khyoo: ri byumyu" yiri ci: shug wa shid re" ngoo gi nanu" ri ci: yhung: wa.

EZEKIEL 38:23

Hid: su" khyo" wigi ngoo gi gyi: sheung: ziyo' gyeung" shang: yug nghoid ziri byumyu" dangain" ri ngoo ci: shug wa. Houg: lang" nyangnu" gi ngoo Aseing nghoid ziri se' loo goo" wa.

XOIN" NGEI" 10:3

Hau: thang: Moshe gi Arun ri «He: zigi Aseing nyang: dang: tid uri ‹ngoo ri shugbyid: bang: dangain" nga" da" gyeung" shang: ziri phau" myang: ca"- ngoo gi nga" byumyu" yiri nga" phung" yoeb ri pang shug wa nghoid› ga: tid da" dang: nghoid» ga: tid. Nghoid loug we' Arun gi sam zoo: tam" to" da:.

HABAKU 2:14

Nghoid loug we' panglai moo gyid yo' byeung" jo, ziyo' dakhyoo" ti" myid jang gi Aseing da" myonhoo: phung" yoeb ri se' da" lasi laleug yo' byeung" shoin: loo" wa nghoid.

ZEKHARIA 14:9

Hau: bidnyid moo Aseing gi moug: gyab goin' jang" moo khokham koid loo wa nghoid. Byu yugkhang" moo" gi Mangsoo ri kyeing" goeb noku lho: nya: myeing ri kyeing" dasi' loo: wa.

MALAKHI 1:11

Bid thu shoid mo zi bidvang shoid khyoo: ju" loo" sho' moo nyid da" nga" mung" byu ja: khang" moo" gi ngoo ri phoug" tab ngi: shab byid: lo boem wa joyoo khyi' khang" moo" moo nyangnu" gi ngoo ri nam pyo: da" shoem: nghe' ngei" byid: boem wigi nyangnu" xoin" joem dangain" ngoo ri phoug" tab ngi: shab byid: lo boem wa zi nghoid.

MATHE 10:29

Jookhyang eig du: ri theing" cen, eig cu' yo"- yo" qei anghoid goo" la". Nanu" nya: pho, amyeing" abo ri hau: jookhyang dadu: we' myidjang: moo age byed gyoo.

MATHE 23:9

He: mougmyid tho' moo hang" ri we' ‹phoo› we" ein: atid goo" goo. Nanu" nya: ‹phoo› gi mougkhung: tho' moo dayug kyeing" za: date: nyid.

MATHE 26:29

Nanu" ri ngoo tid nau da" zigi akhid" mo wigi nga" pho da" mungdain: moo nanu" yo" dage" zabyidd' aseig ri shau" shug da" bidnyid ju" sho' he: zabyidd" rigi ngoo shug loo: zi anghoid» ga: tid.

MATHE 26:42

Houg: mo Yesu gi da lheing: doem yhe: lho: «nga" phoo we" he: kyi" khyeug da" goem ri ngoo mo ayo" lhed: kaid lang" gi nang vho: khyo" za: nghoid baja"» ga: akyu" doem mho' nyid.

MATHE 5:16

Houg: su" wigi subi" gi nanu" da" ge moozoo" ri yo" myang lang" gi Mougkhung: tho' moo nyid da" nanu" da" nya: phoo ri yo" coung" nghei byid: goo" baja"- nyangnu" da" shid khoin" moo nanu" da" bidbang ri thoin" pang too" byid: ge" o".

MATHE 5:48

Houg: su" wigi Mougkhung: tho' moo nanu" da" nya: phoo gi joeb byeung" nyid ziyo' dakhyoo" ti"- nanu" we' joeb byeung" nyid ge'.

MATHE 6:14

«Khasu" wim gari sube" da" shoid' vhang: yooboo ri khyoid pyam' byid: nghoid rigi Mougkhung: mo nanu" da" nya: phoo we' nanu" shoid' vhang: da" yooboo ri khyoid pyam' byid: wa.

MATHE 6:6

Nang akyu" mho' nghoid rigi re" da" khoug: lhung yab khyoo vang lo" lho: khoem" ri we' myhed" pyam' wigi hang" we' amyang da" joyoo moo re" phoo ri mho' we' hang" we' amyang da" joyoo ri yo" myang da" re" phoo gi nang mho' ziri byid: wa zi nghoid.

MATHE 7:11

Houg: su" wigi nanu" lang" akhyeing" ashoeb nyid mo, nyang: nya: da" zoo: yi ri ge da" jhung: shug se' byid: nghoid rigi hau: tho' re" je ge da" mougkhoung: tho' mo nanu" da" nya: phoo gi nyang: ri mho' mo, ri ge da" jhung: shug abyid: wa ein: go" la".

LUKA 15:18

Ngoo nga" pho, jhang khyoo: doem lo" lho: ‹‹nga" phoo we"- ngoo gi Mangsoo: ri we' nga" phoo ri we' shoid vhang: bye.

LUKA 15:21

Nya: zoo: tid zigi nga" phoo we"- ngoo gi Mangsoo: ri we' nga" phoo ri we' shoid vhang: bye. Houg: yoomo phoo nya: zoo: ein: we' myheing wa amoin: yi" loo. Za: nya: zoo: tid.

LUKA 2:14

Mougkhung: moug: di moo Mangsoo gi myonhoo: phung" yoeb bo nyid baja"- Myidjang: tho' moo we' nyang: vho: ngei da" byu yi moo myen, jham" ngei pyo: khyoo: gi dajo, jo, baja" o"- ga: Mangso da" myeing khyang" ri coung" nghei boem ago".

YOHAN 20:17

Yesu gi ngoori azei: ci:- ngoo gi nga" pho jhang khyoo: ashau" do, loo" shi"- nghoid loug we' nga" mang nhung" be jhang khyoo: yhe: lho: nga" phoo ga: da" Nanu" da" nya: phoo- Nga" Mangsoo ga: da" nanu" da" Mangso jhang khyoo:- ngoo doem tau" loo" loo: wa da" khyoo: ri tid kyoo" ge' ga: tid.

Roma 1:7

Mangsoo: gi jheddab yoomo nya: byu yi bue" loo wa shid' re" khyen yu to" da" - Roma mo phung: byu dangain" mo jhang khyoo: he: mougsoug" ri lhid" foin: kaid'. Ngoonu" da" nya phoo Mangsoo: yo" - Aseing Yesu Khristu jang" mo je" ju" yo' myenjham" khyoo: ri - nanu" yo" yu boem baja" o".

Roma 8:15

Mangso: jang" mo nanu" yo" kham yu da" young" gyeing" da" venyi nanu" ri join, doid loo" nhang: zi anghoid. Gyoug da" nheigloem: ri kaid' bye: zi we' anghoid. Young" gyeing" venyi gi ngoonu" ri Mangso: da nya: zoo: yi yo" bui" nhang: yoomo ngoonu" gi Mangsoo: ri - Phoo we" - nga" phoo we" ein: yo" yoid da" akhang" yo" yu boem bye.

GALATI 1:1

Byu da" amyeing" yo' lagyo: aya: moo nyhed: to" zi we' nghoid- byu yi da" byu nyid byu yab khyo" cang lho: wigi nyheung to" da" lagyoo: we' anghoid. Yesu Khristu jang" mo we' nyang: ri shid: loo" bye: bang: mo-dei to'' loo nhang: da" Mangso amyeing" khyo" wigi lagyoo: nghoid nyid da" ngoo Polu gi

GALATI 4:6

Yuda byu yi da" toung: da" tarha" khoug: moo nyid loo bye. Akhid" nanu" gi Mangso nya: zoo: yi nghoid nyid boem ziri sagsi: toin" shid' wa shid re" phoo we" nga" phoo we",, ga: wigi se' yoid, da" nya: zo: venyi ri ngoonu" da" ung: khoug: nheigloem: moo nyid nyid nhang: bye.

1 TIMOTHI 6:16

Nyang: kyeing" za: ashid: abyug su: nghoid wigi nyang: gi hang" we' ayo" tain" tab yhe: da" bidbang moo loung" jo. hang" we' nyang: ri amyang yu" ziyo' hang" we' nyang: ri age myang. Nyang: moo myonhoo: phung yoeb, yo' apyaid' atoo: moo ashoem: apyang: zi dajo, jo, baja" o"- Amen.

1PETERU 1:17

Hau: tho' moo gootu: byu dangain" ri myonhoo: vhu" zung akhyen: loo za-nyangnu" da" moozoo" yo' dakhyoo" ti"- tarha" dang: phyed' byid: nyid da" Mangso jang" moo akyu" mho' nyid uri nanu" gi Mangsoo ri nga" phoo we" ga: mho' yoid nyid boem bye- Houg: yoomo mougmyid' moo dei nyid daloo gyoo: moo hau: Aseing: ri gyoug phau" nyid ge'.

Pang Shug 4:11

Ngoonu" da" Aseing: yo' Mangso- Nang gi jo, moo jo, ri phain" so: to" lho: wigi hau: gu: dangain" ri nang nyang: myid vho: khyo" dajo, jo, nhang: ziyo' kangso' dei nyid boem nhang: yoomo Nang gi phung" yoeb, myonhoo: yo" lho: phoug" tab ngi shab, byid: da" myonhoo: yoo" moin: nyid o"- ga: coung" nghei nyid boem ago".

Pang Shug 5:12

Nyangnu" tid boem zigi " Said pyam' zi shau" bye: da" yang nu" gi myonhoo: phung" yoeb, soid gain ziyoo- phajhi" juyhi: yo' yoem: so' yoem: vhoo" - myonhoo: ngilang: phoug" tab ngi shab, byid: moin: zigi coung" nghei byid: zi: kham: yu wa moin" yi" nyid o"- ga: thui: zeing thui: moo" yo' coung" nghei nyid boem ago".