MATHE 6:5 - Lacid Common Language Bible

⁵ «Nanu" akyu" mho' nyid nghoid rigi ayid void da" byu yi yhangti" akoid: goo. Khasu" wim gari subi" nyanu" nyang: ri yo" myang goo" baja" ga: tarha" jung yi yo' khyoo: kang" shoem: moo cang yab' lho: Akyu" mho' wa zi nyangnu" vho: boem da. Nanu" ri ngoo jhug jhug tid ba- nyangnu" gi aphoug" yo" yu abye: go.

MATHE 6:5 ပူးပေါင်းရင်းမြစ်များ

COUNG" NGHEI 5:2

Nga" Mangsoo yo' khokham" phoo we" pang" thoug yu wa shid re" nga" da" mho' yoid thui: ri tam" gyoo: byid: we'. O" Aseing we" ngoo akyu" mho' nyid.

COUNG" NGHEI 55:17

Nab soin: ayo, nyid" khyoug ayo- myen" mo" ayo, joem moo nga" da" mho' yoid ziyo' nookyeing" thui: gi nya: jang" moo: kyang ju" do, lo" wigi nyang: gi nga" thui: ri tam" gyoo: byid: wa zi nghoid.

DANG: ZHOEM 15:8

Aseing gi byu gi yi akyu" mho' dang: ri vho: ngei nyid. Nghoid loug we' tarha" aci: bang: ci: re" da" xoin" du: joem ri nyang: gi ngheung" nyid.

DANG: ZHOEM 16:5

Nheigloem: myhang: nyid bang: dangain" mo, ri Aseing gi ngheung" nyid. Nyangnu" ri shen: yhen, khyoo: mo khanham we' Nyang: lhoid pyoin kaid wa zi anghoid.

ESAIA 1:15

«Nanu" lo, tu: wigi akyu" mho' boem uri nanu" ri ngoo ayu" wa. Nanu" khayhi' akyu" mho' mho' atam" gyoo: byid: wa. Ciwim gari nanu" lo, gi suid" za: nghoid ago".

YEREMIA 29:12

Houg: lang" nanu" ngoo ri yoid loo goo" wa. Nanu" nga" jhang re" wigi akyu" mho' loo goo" wa. Houg: lho: ngoo nanu" ri tu" byid: wa.

DANIELA 6:10

Hau: amyeing" ri lo, xoem" lhid" bye: ga: ziri Daniela shau" gyo: yu lang" yhoem: khyoo: lo da:. Nya: yhoem: tho' pyam: mo yab dayab moo Yerusalem shoid khyoo: shu: to" da" bangzoo: khoem" joem dab da:. Hau: joyoo moo nyang: khanham we' lhung koid nyid ziyo' dakhyo"- bang" jo, da" bangzoo: khoem" moo poid thug thug lho: danyid" ri soem" lheing: lheing: Mangso jhang akyu" mho' da:.

MATHE 21:22

Nanu" gi loem" jeung" da" nheigloem: e" myed yo"- Akyu" mho' nghoid ri mho' ja: dangain" yo" yu boem wa" ga: tid kyo.

MATHE 23:13

«Akug void da" tarha" sara: yi yo' Pharishe nanu" gi joem: loo" goo" wa. Subi" mougkhoung: mungdain: khyoo: vang loo" wa ga: soin' lo" da" uri nanu" gi khoem" myhid" byid: ago". Nanu" nyang: we' avang lo" boem. Vang loo" wa ga: yoem: kaid nyid mo, ri we' vang loo" wa da" akhang" abyid: boem zigi nanu" shid re" khayhi gyoug phyoo" nghoid.

MATHE 23:5

Nyangnu" koid: da" moozoo" dangain" gi mung" byu shid khoin" moo za: te: koid: shug boem. Nyang: nya: da" ngeilang: yo" lo, pu, moo tab ci: da" jhoem: dang: dab, du da" shooyid yho' ri je gyi: sho' koid: lho: void ci: boem ago". Byi: sheing: bain: byug thang: we' sheing" sheing: coeb' void to" ago".

MATHE 23:6

Pui" khang" moo Je reng: da" zhung tang yo"- Tarha" jung moo we' gootu: cen: nyheing to" da" joyoo ri nyangnu" vho: ago".

MATHE 6:1

«Subi" myang baja" ga: nyangnu" shid khoin" moo nanu" myonhoo: sho: da" moo" ri azei: wa shid re" zed" nyid ge'. Houg: su" anghoid rigi Mougkhung: tho' moo nyid da" nanu" nya: pho, jang" mo aphoug" ri yo" yu goo" wa zi anghoid.

MATHE 6:16

«Nanu" zoo: noem zeung: nyid nghoid rigi ayid void ci: da" byu yi yhangti"- nanu" myonhoo: ashoo: goo" sube" shid khoin" moo nyangnu" zoo: noem yo" zeung: zi myang baja" ga: nyangnu" gi nyang nya: da" myonhoo: ri mhau: shoem nhang: ago". Houg: yoomo yoo" eung: da" akyu" ri nyangnu" yo" yu boem bye.

MATHE 6:2

«Nang alu: kaid nghoid rigi Subi" coung" byid: zi yo" yu baja" ein:- tarha" jung joem mo:- khyoo: kang" nooyoo moo we' ayid void da" byu yi yhangti"- re" shid khoin" moo laboo" amoid nhang. Nanu" ri ngoo jhug jhug tid zi gi houg: su" koid: mo, gi nyang: nya: aphoug" ri yo" yu boem bye.

MATHE 9:38

Houg: yoomo hau: gug yhoem: seing: gi nya: gug shab moo" zei: byu nhang: kaid byid: baja"- Akyu" mho' nyid ge» ga: tid.

MARKU 11:25

Nanu" akyu" mho' yab, jo, uri nanu" ri shoid too" mo, da" yooboo ri khyoid byid: ge' Houg: lang" za: moug: khung: tho' mo Phoo, Mangsoo: gi nanu" shoid vhang: da" yooboo joem ri we' khyoid pyam byid wa nghoid.

MARKU 12:38

Houg: su" Yesu gi jhoug" byid: nyid zoore"-tarha" sara yi ri lhid ge' nyangnu" gi byi: sheung: ri void pyam lho: so" yen" noug mo, kid" vang" cang lhoem: phau" myang: wa zi vhoo: mo, nghoid.

LUKA 11:43

Pharishe yi nanu" gi joem: loo" goo" wa. Nanu" da" tarha" jung yi moo we' reng: da" joyoo moo we' zhung: nau. Kid" khoug: moo we' sube" wi- lhoem: phau" myang: wa ziri vho: ngei yen" ago".

LUKA 18:1

Hau: thang: ri Yesu gi nya: cangzoo: yi ri kha: uri we' yoem: ashoin: loo za: ayo, bain sho' moo akyu" mho' ca" da" khyoo: ri dangtu' daja: khyo" jhoug" byid: zigi

LUKA 18:13

Nghoidloug we' kheing" khyu: zo: su: gi vi" moo yab jo, lho: mougkhung: khyoo: lang" avoem" nghang yu" loo za: O" phoo Mangsoo we"- yooboo shoid vhang su: ngoori nheig khyeig yu shi" we' ga: nya: yanggang moo baid lho:-tid nyid.

LUKA 20:47

Cougmoo" myhi, yi da" yhoem: zi yoo khuid" joem ri we' atarha" khyo" lhoid yu lho: subi" gyo: loem" wa khyo" akyu" sheing: sheing: cang mho' yen" boem. Nyangnu" ri je no, thang da" yoobo dam byid: wam: bye: ga: tid.

LUKA 6:24

Nghoidloug we' Yoo" mo, jo, mo, nanu" gi joem: loo" goo" wa. Nanu" gi he: pyaid moo za: date: shau" pyo: nyid.

YOHAN 16:24

Akhid" ju" sho' nanu" gi nga" da" myeing ri lang lho: daja" we' amho, atid yu" boem shi". Nanu" da" ngei pyo: da" khyoo: byeung" byeung" yo" yu wa shid' re" Akyu" mho' nyid ge'. Nanu" mho' ziyo' dakhyoo" ti"- yo" yu boem wa zi nghoid.

Ephesu 6:18

Mangso jang" mo pang" thoug khyoo: yo" yu baja"- goeb khyo' akyu" mho' ziyo' he: khyoo: dangain" gu: ri zei: so' nyid ge'- gyeungshang: da" venyi vhu" she: ziyo' dakhyoo" ti"- ayo, khang" moo" moo akyu" mho' nyid ge'- he: gang mo nheigloem: soozoo: lheung: nyid ziyo' khanham we' asoem" akham' goo" Mangso byu yi shid re" khanham we' akyu" mho' nyid ge'.

1THESALONI 5:17

Anoo: atheing: loo: za: akyu" damho, nyid ge'.

YAKU 4:6

Nghoid loug we' ngoonu" gi Mangsoo byid: to" da" jeju" azeing ri je" wigi yoem: moo" bo nyid boem. Mangsoo gi nghoid boin: nyid mo, ri lang: khyo, pyam lho: nyhoem: khyo, nyid mo, ri jeju" byid: nyid ga: jhoem: mungdang: moo bo nyid ziyo' dakhyoo" ti" nghoid.