MATHE 6:16 - Lacid Common Language Bible

¹⁶ «Nanu" zoo: noem zeung: nyid nghoid rigi ayid void ci: da" byu yi yhangti"- nanu" myonhoo: ashoo: goo" sube" shid khoin" moo nyangnu" zoo: noem yo" zeung: zi myang baja" ga: nyangnu" gi nyang nya: da" myonhoo: ri mhau: shoem nhang: ago". Houg: yoomo yoo" eung: da" akyu" ri nyangnu" yo" yu boem bye.

MATHE 6:16 ပူးပေါင်းရင်းမြစ်များ

2 SAMUELA 12:16

David gi hau: zooshang: ge loo wa shid re" Mangsoo jang" moo akyu" mho' bye:. Zooshug daja: ja: zoo: wa shid re" he: pyam wigi myen khang" myen nya: yab khyoo: vang lo" lho: phyang" gung moo jhang" to" wigi myen" ayo, ri lhid: kaid kaid koid nyid da:.

2 SAMUELA 12:21

Nya: gyizoug: yigi nyang: ri «He: moo" zoo" ngoonu" ase' gyoo: nghoid da:. Zooshang: kangso' dei nyid shi" uri gi zooshang: shid re" nang ngau da:- zooshug we' azoo: nghoid da:- nghoid loug we' nyang: shid: yo' dage" nang to' wigi zooshug we' zo: abye: da» ga: tid.

1 KHOKHAM 21:27

Elia dang: bain tid lang" Ahab gi nya: byimi ri lang: ceig khyoid pyam lho: jid: moo" byimi ri void ci: bye:. Nyang: gi zoo: noem azoo: looza jid: moo" byimi boem moo: yhoeb jo, da:. Nyang: gi nheigloem: thang ziyo' yoem: shoin: yen" da:.

NEHEMIA 1:4

He: gu: dangain" ri ngoo shoug" gyoo: lang" ngoo gi gyo" zhung: lho: ngoug bye:. Bidnyid myoo" sho' ngoo koug ngau lho: zoo: noem azoo:. Ngoo gi Mangso jhang

ESTHA 4:16

«Susa mo Yuda byu dangain" ri yhe: khe: zheing" too" we'. Zooshug jang" lho: nga" shid re" akyu" mho' byid: we'. Soem" nyid" soem" myen goin' ci: we' azoo: ashug goo". Nga" dei zoo: myiyi: nu" yi yo' ngoo we' hougsu" koid boem wa. Hau: thang: tarha" ri thougtheung zi bui" sho' nghoid loug we' khokham pho jhang ngoo yhi: wa. Hidsu" koid yoomo ngoo shid: ca" nghoid rigi ngoo shid: kham wa» ga: tid da:.

COUNG" NGHEI 109:24

Zoo: noem thang byug yoomo nga" da" poid lug yoem: nu: bye:- ngoo gi shooyoug: moo: shooyid te: lhoem" lo: su: ti" bue" lo" byug bye:.

COUNG" NGHEI 35:13

Nghoid loug we' ngoo gi nyangnu" no nyid uri ngoo gi kougshu: byimi ri void, ci: lho: zoo: noem zeung: nyid.

COUNG" NGHEI 69:10

Zoo: noem jang" lho: nga" gung ri ngoo khyo, nyhoem: nyid uri Meing: byu yigi ngoo ri aphoug" akhyoid koid nyid ago".

DANIELA 9:3

Houg: lho: ngoo gi zoo: noem jang"- jid: moo" byimi void pyam lho: myiyab boem" moo zhung: jo zoo" re Aseing Mangso jhang nheigloem: nyhoem: khyo' lho: myid boo tung" akyu" mho' nyid.

MALAKHI 3:14

Apyaid ato: Mangso moo" zei: nghoid loug we' ce: akyu" aboo- nyang: byid: to" da" tarha" ri cang lho: yoem: moo" bo da" Aseing Mangso shid moo khyo' nyhoem: lho: zei: so' nyid yab nghoid loug we' ce: noem jeju" boo wa lha".

MATHE 6:1

«Subi" myang baja" ga: nyangnu" shid khoin" moo nanu" myonhoo: sho: da" moo" ri azei: wa shid re" zed" nyid ge'. Houg: su" anghoid rigi Mougkhung: tho' moo nyid da" nanu" nya: pho, jang" mo aphoug" ri yo" yu goo" wa zi anghoid.

MATHE 6:2

«Nang alu: kaid nghoid rigi Subi" coung" byid: zi yo" yu baja" ein:- tarha" jung joem mo:- khyoo: kang" nooyoo moo we' ayid void da" byu yi yhangti"- re" shid khoin" moo laboo" amoid nhang. Nanu" ri ngoo jhug jhug tid zi gi houg: su" koid: mo, gi nyang: nya: aphoug" ri yo" yu boem bye.

MATHE 6:5

«Nanu" akyu" mho' nyid nghoid rigi ayid void da" byu yi yhangti" akoid: goo. Khasu" wim gari subi" nyanu" nyang: ri yo" myang goo" baja" ga: tarha" jung yi yo' khyoo: kang" shoem: moo cang yab' lho: Akyu" mho' wa zi nyangnu" vho: boem da. Nanu" ri ngoo jhug jhug tid ba- nyangnu" gi aphoug" yo" yu abye: go.

MARKU 2:18

Babtisma byid: su: Yohan da" thang: cang moo yo' Pharishe" gi joyoo daloem: moo zoo: noem zeing: kyu mho' boem. Hougsu" byu yi dayham" gi Yesu jhang re" lho: nyang: ri_ Babtisma byid: da" Yohan cangzoo: yi yo' Pharishe" yi da" cangzoo: yi gi zoonoem zeing: pyam ri re" cangzoo: yigi ciwim wigi zoo: noem azeing: pyam' lha"» ga: nyang: ri myid:.

LUKA 18:12

Ngoo gi labain daloem: khoug: moo-zoo: noem eig lheing: nyang: zeung: akyu" mho'- Hau: lho: yo" da" ziyoo daxi: boem mo daboem we ngoo nang ri byed.

ACTS 10:30

Houg: lang" Koneli gi lid lo" da" soem" nyid" koo: moo myenthang: soem" nayi: yo, ri ngoo gi yhoem: khoug: moo akyu" mho' nyid uri nyid' dain' tung" lo, lo, bang da" byimi, void, ci: da" - byu dayug gi nga" shid moo re" yab, jo, lho:

ACTS 14:23

Nya: eig yug gi phung khang" moo" moo phung: ludaid' yi ri zheung: cang nyheung to" lho: wigi zoo: noem, jang" pyam' lho: akyu" bain mho' lang" gi nyangnu" loem" jeung" nyid da" Aseing: lo, khoug: moo houg: bang: ri zheung: mho' ab, byid: bye.

1Korinthians 7:5

Nanu" gi shid mo wigi- akyu" mho' wa shid re"- daso, zoo: azoem" goo" loo: nyid wa shid re" myid veing" go" to" da" ayo, lid' lang" gi yhoem: seing: phoo, yhoem: seing: myhi' gung shoo" zoem" khoug: wa shid re"- ajang" pyam goo. akyu" mho' da" ayo, lid' lang" gi doem zoem" khau: nyid ge'. Hougsu" nghoid lang" gi nanu" da" gung doem: ri ayo" khang" yoomo satan gunglau" zi ashoug" goo" baja".

2~KORINTHU 11:27

Moozoo" yo" yau: khe" zi yhoeb, ashug" zo: zi myo" sho myen- zooyoid gyid shed shau" zi myo sho' lheung:- zookhoo: ayoo" loo- khau: nghi" jang: ajo- shoo" cen: doem: boi" lo shid: gyoin' joem ri sahu" nyid.

2~KORINTHU 6:5

Ngoonu" gi youg baid zi-thung" lhoung zi mung" byu yi lu: fu: khyoo:- shau". Moo" zei: jang" moo dougnoo: jang: ayo oo"- yhoeb' agyi: khyoo:- zoo: noem ashug" zo: zi thoung" shau" lo boem.