Hau: thang: Israela byumyu" yigi he: akyu" mho' dang: ri mho' ago". «Nang Aseing we"- nang dayug khyeing" za: Aseing nghoid da:. Nang gi mougkhung: joem yo' mougkhung: mo kyi: joem ri phain" so: phug to" da:. Nang gi myidgung yo' panglai: ri we' hau: joem moo bo da" ja: khang" moo" ri we' phain" so: to" da:. Nang gi dangain" bang: ri kangso' byid: da:. Mougkhung: mo yoem: so' joem gi nang ri goeb pid wigi nang ri coung" byid: ago".
MATHE 6:10 - Lacid Common Language Bible10 Re" mungdain: we' ju" loo baja". Mougkhung: tho' moo nang nheig deig nyid yhangti"- myidjang: tho' moo we' re" nheig deig jang: bue" loo baja". အခန်းကိုကြည့်ပါ။ |
MATHE 6:10
44 ပူးပေါင်းရင်းမြစ်များ
Hau: khokham yi da" apyaid moo mougkhung: mo Mangsoo gi khanham we' athang agoin da" mungdain: daloem: ri jo, loo nhang: wa. Hau: ziri khanham we' ayo" oung: pyam goo" wa. Nghoid loug we' hau: ze wigi koem' gi hau: mungdain: dangain" ri bain sho' phyo' shoin' pyam lho: hau: thang: hau: zigi apyaid atoo: moo geing: teing jo wa.
Mougmyid tho' moo mungdain: dangain" da" yoem: so' yo' gyi: sheung: ziri gyi: sheung: myhang: thang Mangso da" byumyu" yiri byid: pyam wa. Nyangnu" da" khokham yoem: so' gi khanham we' thang byug wa anghoid. Houg: lho: mougmyid tho' mo vhoebkhang" bang: dangain" gi nyangnu" ri coem' dei byid: ziyo' tid dang: gyo: loo: goo" wa.
Ziun mung" byu yi we" gye" gau yi ngei bu: nyid ge'. Yerusalem bang: we" yoid nyho: loo ngei bu we'. Yu" we'- re" da" khokham phoo gi re" jang" moo ju" re" da:. Nyang: gi ung: pui" oung: myug ziyo' ju" re". Nghoid loug we' nyang: gi nu" nham' lho: loo zei: tho' moo zhung: wigi re" bye:. Nghoid- Loo zei: nu" dadu: atho' moo zhung: lho: wigi re" da:.
Nanu" gi mougmyid asam" aved ri acang nyid goo" nanu" gi Mangsoo: ri nyang: tu: nya: da" nheigloem: xoug" bain' sho' thed' pyam' lho: nheigloem: ung: khoug: aseig khyo" kham: yu ge". - Hougsu" koid' lang" gi geda" khyoo: - Mangsoo: vho: da" khyoo: ce: yooboo foin: jang: ajo lo: da" khyoo: ga: da" Mangsoo: vho: da khyoo: gi ci nghoid ga: ziri nanu" yo" se' lo boem wa.
Houg: yoomo nanu" da" khyoo: ri shau" gyo: yu da" bidnyid mo wigi ngoonu" gi nanu" shid re" anoo: ayab, loo: za: akyu" mho' nyid boem bye- nanu" gi hau: gyeungshang: Venyi wigi byid: da" phajhi" byen- ya dangain" yo' Mangsoo myid vho: khyoo: ri yo" se' loo wa lasi, nanu" moo joeb, byeung" loo wa shid re" Mangso jang" moo ngoonu" akyu" mho' nyid boem.
Hau: thang: ri nyhed, yug ein: da" moug: lagyoo: gi nya: laboo" ri doem moid kaid' lang" moug: khung: mo thui: zeing myeung thu lo zigi mougmyid' ri vhoeb, khang" da" amyeing" gi ngoonu" da"Aseing: we' Meshia da" lo, khoug: khyoo: vang loo" bye: wigi apyaid' atoo: moo vhoeb khang" nyid wam: bye: o"- ga: tid.
Hau: thang: ri moug: khung: mo thui: zeing yo' tid nyid zigi " Akhid" Mangso khyoid yu khyoo: ju" ri" bye- Akhid" Mangsoo gi Khokham" yoem: so' ritoin" shid' bye- Akhid" nya:Meshia gi nya: amyeing" akhang" ri toin" shid' abye:- Khasu" wim gari ngoonu" da" mang: nhung" yi yo' ngoonu' da" Mangso shid' khoin" moo yab, jo, lho: nyid" ri nyen" ri yooboo foin: pyi: sho: nyid su: gi moug: khung: mo khaid khyo, pyam zi shau" bye.
Hau: thang: moo zhung: tang joem ri ngoo myang kaid- hau" zhung: tang tho' moo zhoung: jo, mo, gi dang: phyed wa da" amyeing" yem: so' yoo" mo, nghoid nyid boem. Hau" tho' mo gootu: Aseing Yesu da" sagsi: kham, yoomo we' Mangso mungdang: yoomo we' zain: said' zi shau" mo, yo' hau: da" akhyeung" da" goug: nyhoug ri we' nya: da" alhoo: ri we' abo no" mo, yo' nya: da" laxoem" nghab youg ri nyangnu" da" ngeilang: yo' lo, moo abo tab ci: mo, da" soo" byoo joem ri ngoo myang. Nyangnu" gi doem, dei lo boem wigi zain nyid dakhyeing" ju" sho' Khristu yo' dage" vhoeb khang" nyid boem wa zi nghoid.
ကြော်ငြာတွေ