MATHE 5:8 - Lacid Common Language Bible

⁸ «Nheugloem: yung" mo, gi ngilho' boem wa. Khasu" wim gari nyanu" nyang: gi Mangsoo ri shau" myang boem wa.

MATHE 5:8 ပူးပေါင်းရင်းမြစ်များ

APOEM AYANG: 32:30

Yaku gi «Ngoo gi Mangsoo ri myojid" yo' nyang: myang bye:- houg: loug ngoo gi akhid" ju" sho' dadei nyid shi"» ga: wigi tid. Houg: yoomo nyang: gi hau: joyoo ri Pheniela ga: wigi myeing myheing bye:.

2 SAMUELA 22:27

Nang gi nheigloem: phyu: mo, ri nheigloem: phyu: khyo" koid. Nghoid loug we' akhyeing" mo, rigi gyi koid nyid.

COUNG" NGHEI 15:2

Ce ja: moo" zoo" we' Mangso dang: ri tam" gyo: lho: wigi deungmain" khyo" khanham we' koid su- ung: gyeung: lho: deingmain" da" dang: ri tid su.

COUNG" NGHEI 18:26

Nang gi nheigloem: phyu: mo, ri nheigloem: phyu: khyo" koid. Nghoid loug we' akhyeing" mo, rigi gyi koid nyid.

COUNG" NGHEI 24:4

Asam" aved ge lho: nheigloem: phyu: wigi soolhoo: joem ri ano" ziyo' ajo da" dangsoo" abyid: su: yo" loo" wa zi nghoid.

COUNG" NGHEI 51:10

O" Mangsoo we"- nga" da" akhoug: moo: younglho' da" nheigloem: ri phain" so: byid: lho: nheigloem: zung" khyoo: yo' soozoo: aseig ri nga" da" akhoug: moo: kaid byid: we'.

COUNG" NGHEI 51:6

Nang gi nheigloem: dain: ziyo' deingmain" khyoo: ri damho' nyid yoomo nga" ung: khoug: nheigloem: moo re" da" ung: yeug phajhi" yo' byeung" jo, nhang: we'.

COUNG" NGHEI 73:1

Mangsoo gi Israela byumyu" yi da" atho' moo gyeung" nyang: ge nyid su: nghoid- je" wigi nheigloem: phyu: yung" bang: da" atho' moo gi su: nghoid.

DANG: ZHOEM 22:11

Nheigloem: phyu: young" ziyo' nu" nham' tung" ji sang: khyoo: ri jheddab nyid ri we'. Khokham gi re" da" bidnoem bue" loo wa zi nghoid nyid.

ACTS 15:9

Mangsoo gi ngoonu" yo' Tungboug yi da" agyoo: moo gootu: akho' too" nghoid da- nyng: nu" we' loem" jeung" lo boem bye: yoomo Mangsoo gi nyangnu" da" yooboo dangain" ri we' khyoid pyam' byid: bye.

1Korinthians 13:12

Akhid" ngoo myang nyid zigi- bang teing moo- yoeb, yoeb, za: date: myang nyid. Thang: phyang" ngoonu" gi myo, moo: gyo' gyo' nyang: shau" myang goo" wa. Akhid" ngoo se' khyoo: gi ajoeb abyeung" za: danghoid- Hau: uri: gi Mangsoo ngoori: se' yhang: ti"- ngoo we' joeb, byeung" sho' se' wam: bye.

2~KORINTHU 7:1

Jheddab da" bidnoem yi we"- he: da" dang: soo" khoin" yi dangain" gi nyhang" ri byid: to" zi nghoid. Hougsu" nghoid yoomo nyhang" gi gung shoo" yo' Venyi ri anhyoin: athung" byui" nhang: da" aco' ajhoid khyoo: dangain" mo nyang: tu: nya: gungdu: ced" yung" ced" lhoo, nhang: lho: wigi Mangsoo ri gyoug phau" myang: zoo re" gyeungshang: thang khyo" kangso' dei nyid shang.

TITU 1:15

Nyang: tu: nyang: hougsu" gyeungshang: nyid bye: bang: shid re" zi jo, moo jo, gi young" shang: jo. Nghoid loug we' nyang: tu: nyang: agyeing" ashang: mo, yo' Aseing: yesu ri aloem" jeing" bang: shid re" koem gi ce" ja: we' agyeing" ashang: zi nghoid nyid. Khasu" wim ga: ri nyangnu" da" myid soin: khyoo: yo' nheigloem: ung: khoug: gi anyhoin: athoung" zi zheung: nghoid nyid boem.

HEBRE 10:22

Houg: su" nghoid yoomo ngoonu" gi yooboo yoo" boin: da" nheigloem: ung: khoug: joem ri ced" yung" ced' shang: pyam' lho: ngoonu" da" gung doem: ri we' gyeungshang: da" gyid yo' bain' ced" shang: pyam' lang" ashoid' avhang: loo:- jhug zug da" loem" jeung" nheigloem: yo' Mangso jhang khyoo: yu: tain" vang lo" boem shang.

HEBRE 12:14

Byu yug khang" moo" yo' ngei pyoo: tung" za: yo" zoem" khau: nyid sho' we' gyeungshang: da" kangso' dei khyoo: moo ju" loo" sho' we' cang sho: yoem: kaid nyid ge'. Khasu" wim gari hau: ja" jeju" yoem: vhoo" abo nghoid rigi hang" we' hau" Aseing: ri shau" myang wa zi anghoid.

HEBRE 9:14

Khristu da" suid" gi hau: tho' mo je" wigi yo" ced" yung" ced" lho, byid: zi anghoid goo" la". Khristu gi hau: apyaid' atoo: mo venyi yo' nya: da" gung du: ri ce" noo abo da" xoin" khyo" wigi Mangsoo ri ngei" byid: pyam bye. Dadei nyid da" Mangsoo ri ngoonu" yo" noku coung" nghei sho' Khristu da" suid" gi ngoonu" da" nheigloem: e" myed ri akyu" abo da" noku loem, khau: khyoo: moo cang lo" jang" mo yo" ced" yung" ced" shang: yu byid: bye.

YAKU 3:17

Nghoid loug we' tho' khyo" ju" gyoo" lo da" phajhi" ju yhi: koem gi xang: shid" re young" gyeung"- hau: thang: moo myenjham" ngei pyo: khyoo:-nu" nham, khyoo: young" du, nyeung veung" khyoo: ri bue" thu loo nhang:- hau: tho' moo gootu: nheig khyeug khyoo: yo' joeb byeung" wigi ge thang moozoo" ein: da" aboo" bo" lho: ashi" zei: loo nhang: se' nyid. hau: zigi myonhoo: ase' khyen:- nghoid boin: da" khyoo: aboo - akug ase' void.

YAKU 4:8

Mangso jhang yu: tain" ri" ge'. houg: lang" Mangsoo we' nanu" jhang khyoo: yu: tain" loo wa yooboo yoo" bang: we" nanu" da" lo, ri cid" pyam' ge' nheigloem: eigkoo, boo mo, we"- nanu" da" nheigloem: ri cid" shang: pyam ge'.

1PETERU 1:22

Nanu" gi deingmain" da" tarha" ri cang so" loo" yoomo nanu" da" nheigloem: ung: khoug: ri ced" yung ced" lho, wigi nanu" nyang: cang" we' nheigloem: ung: khoug: bain sho' yo' jheddab go" nyid ge'.

Pang Shug 22:4

Ngoonu" gi nya: da" myonhoo: ri yu" wigi nyangnu" da" ngeilang: joem moo nya: myeing ri lhid" tab to" boem wa.