MATHE 5:6 - Lacid Common Language Bible

⁶ «Mangsoo vho: da" khyoo: ri vho: ngei nyid mo, gi ngilho' boem wa. Khasu" wim gari nyanu" nyang: vho: da" khyoo: ri we' Mangsoo wigi jhoeb pyeing byid: wa zi nghoid.

MATHE 5:6 ပူးပေါင်းရင်းမြစ်များ

COUNG" NGHEI 107:9

Nyang: gi gyid shed bang: ri gyid shoin: jhoug lho: zooyoid shoug" bang: ri ge da" zoo: noem yo' gyi: nhang:.

COUNG" NGHEI 145:19

Nyang: ri gyoug phoug" bang: da" ca" yo, nyid khyoo: joem dangain" ri nyang: jhoeb, byeing byid: nyid wigi nyangnu" da" mho' yoid thui: ri shau" gyo: lho: nyangnu" ri khyoid yu bye:.

COUNG" NGHEI 17:15

Nghoid loug we' ngoo koem gi ce" yooboo we' ashoid yoomo nang ri shau" myang wa zi nghoid. Ngoo yhoeb so" re" uri nang nyid lang" wigi ngoo ri: gau yi khyoo: yo' byeung" loo nhang: wa zi nghoid.

COUNG" NGHEI 63:5

Nga" da" soozoo: gi cau: main' da" zoo: noem ri shoug" zo: yhang: ti" nheugshid: zi shoug" wa nghoid wigi ngoo nang ri coung" nghei da" gau yi jikhoin" joem ri khoin" nyid wa nghoid.

COUNG" NGHEI 65:4

Nang khyen: yu lho:- re" da" gyeung" shang: joyoo mo: nyid wa shid re" nang shu" loo mo, gi ngilho' nyid. Re" da" gyeung" shang: Noku Yhoem: Moo" mainkaid jeju" joem- re" da" yhoem: mo ge lho, khyoo: joem yo' ngoonu" gi nheugshid: nheugdeug nyid boem wam: bye:.

COUNG" NGHEI 84:2

Hau: joyoo moo: ngoo khayhi' nyid nau nyid la". Re" da" Noku Yhoem: Moo" khoug: moo shau" nyid wa ziri ngoo nheug nhei: nyid. Nga" gungdu: nheigloem: dangain" yo' dadei nyid da" Mangsoo ri ngoo gau yi jikhoin" khoin" nyid.

DANG: ZHOEM 10:24

Deingmain" da" byu yigi nyangnu" nyang: vho: ngei nyid da" ziyoo joem ri yo" yu nyid boem. Akhyeung" bang: gi gye" gyoug pho" thang da- khyoo: ri yo" yu boem wa zi nghoid.

DANG: ZHOEM 21:21

Nheig khyeug shoomyen: lho: nheigloem: zung" zung" za: nyid we' Houg: lang" nang kang: sheing: wa zi nghoid. Subi" gooje wigi nang ri phau" myang: lho: tarha" nyeung veung" khyo" zoem" khau: lo boem wa zi za: nghoid.

SHOLUMON JIKHOIN" 5:1

Nga" nheig tei" nga" myhiseig we"- nga" khyam: khyoo: ngoo vang yhi: bye:. Nga" da" Mura yo' nam pyo: ja: ngoo khyau" zheing" too" bye:. Ngoo gi nga" byoo: yhid: yo' byoo: yho' ri zo: nyid bye:. ngoo gi nga" zabyid yhid: yo' nunoug" ri shoug nyid bye: zi nghoid. Jheddab bang: we" zoo: ge'. Nanu" gi jhed myid yo' yed: sho' shug nyid ge'.

ESAIA 25:6

Myhang: thang Aseing gi mougmyid dang mo byumyu" dangain" shid re" zoo: noem gi zabyid yhid: gi yo' he: Ziun boem tho' moo zooshug pui" zeing daloem: soin' too" wa.

ESAIA 41:17

«Nga" byumyu" yi gyid vhoo: yoomo gyid sho: boem uri gyid shed yoomo nyangnu" khyung" kyug boem uri Ngoo Aseing gi nyangnu" akyu" mho' dang: ri tam" gyoo: byid: wa. Ngoo Israela da" Mangsoo gi khanham we' nyangnu" ri ashe: pyam wa.

ESAIA 44:3

«Ngoo gi gyid shed da" mougmyid ri gyid byid: wa. Kyug hei' da" myidgung moo gyid zoo: gyung: yau nhang: wa. Ngoo gi re" zooshang: yi adang moo nga" Venyi: foid shoin" byid: wa. Re" amyed ashen yi adang mo nga" mainkaid jeju" foid shoin" byid: wa.

ESAIA 65:13

Houg: yoomo ngoo ri noku wigi tid dang: gyo: da" mo, gi agoin agoo" shau" zoo: shau" shug loo goo" wa. Nghoid loug we' nanu" gi zooyoid gyid shid loo goo" wa. Nyangnu" ngei pyo: loo goo" wa. Nghoid loug we' nanu" gi ngi: yoem" goo" wa.

ESAIA 66:11

Zooshang: gi nya: myhi' yanggang moo ngei bu: ziyo' dayhang: ti" nanu" gi nya: jonu" moo ngei bu: nyid loo goo" wa.

YEREMIA 31:25

Myung: bang: ri ngoo yoem: doem lung: byid: wa. Zoo yoid bang: yugkhang" moo" ri zoo: noem wigi nheugdeug nhang: wa.

LUKA 1:53

Zoo yoid gyid shed mo, ri cau: ngham" da" zoo: noem gam zho.

LUKA 6:21

Akhid" uri zooyoid gyid shed nyid mo, nanu" gi ngi lho, bye. Nanu" gi voem: gyi: da" ayo, ju" loo wa. Ngau nyid mo, nanu" gi ngi lho, bye. Nanu" gau yi da" ayo, ju" loo wa.

LUKA 6:25

Akhid" uri gyi" gyi: shau" zo: nyid mo, nanu" gi joem: loo" goo" wa. Nanu" da" zooyoid gyid shed da" ayo, ju" loo wa. Akhid" uri gau yi nyid mo, nanu" gi joem: loo" goo" wa. Nanu" gi myid myoo: ungloug: lho: koug ngau nyid da" ayo, ju" loo wa.

YOHAN 4:14

Nghoidloug we' ngoo byid: wa da" gyid shug mo, hang" we' khanham we' gyid doem shed loo: wa zi anghoid. Hau: ngoo byid: da" gyid shug su: gi nya: da" akhoug: moo gyid bug dalang bue" loo wa. Hau: zigi nya: da" shid' re" Kangso' gyid bue" wigi nyang: ri apyaid ato: kangso' byid: wa zi nghoid.

YOHAN 6:27

Boeb' yoin" loo" se' da" zoo: noem shid' re" yoem: akaid goo. Apyaid ato: kangso' yoo" nhang: da" aboeb ayoin" loo" se' da" zoo: noem shid' re" yoem: dakaid nyid ge'. Phoo Mangsoo gi byu da" nya: zoo: ri nyang: vho: ngei da" sag si nyang: moo byid: too" bye. Houg: yoomo byu da" nya: zoo: gi hau: da" zoo: noem nanu" ri byid: wa zi nghoid ga: tid.

YOHAN 7:37

Hau: pui" zeing: da" lo" thang ziyo'- yhoug gyen: tang da" bidnyid moo Aseing: Yesu gi yab jo, lho: nyang tid zigi Gyid shed' su: hang" nghoid loug we' nga" jang" mo re" shug yu ge'.

Pang Shug 7:16

Nyangnu" gi thang: phyang" khanham we' zooyoid gyid shed ziyo' bid lhab, nge" loung zi we' shau" loo: goo" wa zi anghoid loo.