MATHE 5:43 - Lacid Common Language Bible

⁴³ «‹Re" byumyu" ri te: jheddab lho: re" gyivoo yi rigi anoug angei koid we'› ga: da" dang: gi nanu" shau" gyoo: goo" wam: bye.

MATHE 5:43 ပူးပေါင်းရင်းမြစ်များ

COUNG" NGHEI 41:10

Aseing we" ngoo ri nheug khyeug yu lho: yang" zain" loo wa khyoo: ngoo ri doem kaid byid: we' houg: lang" nga" gyivoo joem ri latoo: doem yo" phug wa zi nghoid.

XOIN" NGEI" 19:18

Hang" ri we' latoo: aphug goo". Anghoid lang" nyang: ri angheing" nyid goo". Re" yhoem: kyoo" cang" ri nanya: gung yhang: ti" jheddab nyid we'. Ngoo Aseing nghoid.

MATHE 19:19

Myhi, phoo ri phau" myang: ge' re" yhoem: kyoo" cang" ri nanya: gung yo' dakhyoo" ti" jheddab we'» ga: tid kyo.

MATHE 5:21

«Nanu" byu ge said wa zi anghoid. Byu said su: gi yung" moo yooboo byid: moin: yi" ga: goonham mo, ri tid to" zigi nanu" shau" gyo: yu" boem bye.

MATHE 5:27

«Sube" myi: age lhoid' ga: zigi nanu" shau" gyo: yu" boem bye.

TARHA" TID POIN" 23:3

«Amon byumyu" anghoid lang" Moba byumyu" anghoid lang" nyangnu" da" amyed ashen yi hang" nghoid loug we' daxi: xeig ju" sho' Aseing da" byumyu" phung: moo age boo nghoid da:.

TARHA" TID POIN" 23:6

Nanu" gi byumyu" damyu" dabue" nyid nyid gi he: byumyu" yiri pang" yu wa ci: we' akoid goo". Nyangnu" nyid gi yab ge wa khyoo: ri ciwe' akoid goo".

TARHA" TID POIN" 25:17

«Nanu" Egutu mo thu lo uri Amaleg byumyu" yi nanu" ri cikoid ziri myid boin: ge'.

YAKU 2:8

Nanu" gi nanya: yhoem: kyoo" cang" ri nanya: gung yo' dakhyoo" ti"- jheddab goo" ge' ga: bo da" dang: ri cang lo" rigi ge zi nghoid.