MATHE 5:29 - Lacid Common Language Bible

²⁹ Houg: su" nghoid yoomo re" lo, yo' myojid" nang ri yu" shoid nhang: nghoid rigi hau: myojid" ri kyung" thoid pyam' we' re" da" gung goin" ngarai" mung" moo gyoo" lo" tho' moo re" gung daja: te: yoin" zigi je ge nyid.

MATHE 5:29 ပူးပေါင်းရင်းမြစ်များ

MATHE 10:28

Hau: lho: daja: gi gung shoo" ri za: te: yo" said' pyam' lho: nheigloem: Venyi: ri ayo" said' pyam' mo, ri agyug goo"- gung du: yo" Venyi: ri dalheing: dam- ngarai" mung" moo yo" shoin pyam' su: Mangsoo ri je gyoug nyid ge'.

MATHE 11:6

Ngoo yoomo nheigloem: aleing mo gi ngi lhoo wa"» ga: tid kyo" kaid.

MATHE 16:26

Byu ein: zigi Mougmyid gyab goin" ziri yo" vhoeb zeing to"- yhi' nghoid loug we' nyang: nya: da" kangso' soem" lo" rigi ce: noem akyu" se boo wa lha". nyang: nya: da" kangso' ri ce: noem yo, yo" khyoid yu loo: wa lha".

MATHE 17:27

Houg: su" nghoid loug we' nyangnu" da" nheigloem: moo anoo nhang: wa da" shid re" Nanu" gi gyid thoem" khyoo yhe: lho: ngoo: myhed' ge'. Xang: shid" shau" myhed' yu da" ngoo: ri nhoid' lang: fo, yu" ge" Dingga" ngei dakyab' ri shau" yu goo" wa. Hau: da" ngei ri yu lho: nang nyang: yo" nga" shid re" houg: bang: ri byid: pyam we'» ga: tid.

MATHE 19:12

Byu yi deung khu: ayo" qei" da" zigi khyoo: daja: ja: yoomo nghoid. Byu dayham" moo gi khu: lo bidnyid mo nyang:- deung khu: qei" wa da" yoem: abo boem. dayham" gi hau: deung khu: qei" wa da" yoem: ri shain: pyam boem yoomo deung khu: ayo" qei" boem. Dayham" gi Mangso da" Mungdain: shid re" ab noung" pyam yoomo deung khu: aqei" loo: nyid. He: da" jhoug" myeing" ri yo" lhoem: yu mo hang" we' lhoem: yu goo" baja".»

MATHE 23:15

«Akug void da" Tarha" sara: yi yo" pharishe - nanu" gi joem: lo" nyid abye: go. Nghi: zain mo byu dayug ri Yuda noku byu dayug khyo" yo" fang yu wa shid re" Nanu" gi gyid mung" gu:- tung: gung lid loo" sho' pyi" kyang: su" kyo' yen" ago". Phung: yo" fang too" bye: su: ri lang" gi nanu" nyang: mo, eig boem je myoo: sho' ngarai mung" yo" moin: yi" da" byu bui" nhang: pyam boem rigi nanu" shid re" khayhi gyoug: phoo" nghoid.

MATHE 23:33

Myu joem yo" lhang: myu nya: myid nya: zoo: yi we"- nanu" gi ngarai mung" moo kham: zo: wa da" dam mo khasu" koid: se' loid lo" boem wa lha".

MATHE 5:22

Ngoo nanu" ri tid da" zigi nya: mang: nya: nhung" ri nheig yoo: su: hang" nghoid loug we' yooboo byid: wa zi moin: yi" nyid bye. Nya: mang: nya: nhung" ri yooboo hoeb' ga: tid su: we' hau: ludaid phung: mo dang: khoo' gi" bye. Hau: lho: koo" dau: he: zi ga: tid su: gi ngarai" myi: yo' moin: yi" nyid bye.

MATHE 5:30

Re" da" lo, yo lo, nang ri shoid' nhang: nghoid rigi hau: lo, ri jab khyo' pyam' we' gung goin" ngarai mung" moo gyoo" loo" wa tho' moo re" gung daja: te: yoin" wa zi gi je ge nyid.

MARKU 8:36

Hau: lho: byu yi gi mougmyid goin" ziri yo" seung: ci: nghoid loug we' nyang: nya: kang: so' soem" lo" byug nghoid ri gi ce: akyu" boo wa lha".

LUKA 12:5

Nanu" gyoug moin: su: ri ngoo toin" shid ba. Gung shoo" ri said thang: ri nanu" ri ngarai mung" moo yo" khyo kaid su: ri gyoug nyid ge'. Nanu" ri ngoo tid. Hau: Aseing: ri je: gyoug nyid ge'.

Roma 6:6

Hau: tho' moo gootu: ngoonu" da" byu xoug" nheigloem: ri Khristu yo" dage" pyang" zeing moo baid jen" said' pyam' nhang: bye: da" khyoo: - hidsu" baid jen" said' pyam' nhang: da" khyoo: gi yooboo da" yoem: so' da" byuxoug" nheigloem: ri phyo' koid pyam' khyo" wigi yooboo join pyaid mo lhoid' byoin loo" nhang: wa zi nghoid da" khyoo: ngoonu" se boem.

Roma 8:13

Gyeing" nyang: nanu" gi nyang: nya: gungshoo" vho: da" khyo" za cang lho: kangso' dei nyid rigi shid: lo" boem wa. Nghoidloug: we' nanu" gi nyang: nya: da" akhyeing" ashoeb' da" asam" aveid ri Venyi wigi bo pang" thoug khyo" bain' sho' she: pyam' boem nghoid rigi dei da" kangso' yo" boem wa.

1Korinthians 9:27

Ngoo gi byu gootu: ri gei shi, goo" wa pui" bain' khi: lang" gi nga" gungdu: sugab, amyhi: wigi- khyen: khyo' pyam zi ashoug" wa shid re" ca" jang" moo: yo" ci: yhung: wa shid re" ngoo nyang: ung ri ngoo- yoem: kaid thoung" nyid ziyo'- bain sho nyang: khang" zeung: ci: bye.

GALATI 5:24

Khristu Yesu yo' sen: bang: koem gi nyang: tu: nya: gung sho" nheigloem: yo' aco' ajhoid khyoo: ri vhoo: boo myo, no, khyoo: yo' dage" pyang" zeing moo bo baid' jen" too" bye.

KOLOSE 3:5

Houg: yoomo nanu" da" akhoug: moo bo da" aved, avhu: moo"- myo, jang anyau, da" moo"- nyam, da" moozoo"- akhyeing" ashoeb, khyoo: yo' vhoo: boo loug gyi: da" khyoo: gi soolhoo: no" da" khyoo: daja: nghoid- hau: ziri said' pyam' boem ge'.