MATHE 5:25 - Lacid Common Language Bible

²⁵ «Nang ri jhen: dab goo" su: yo' dage" ayo, yoo" shi" uri myab myab sham: veing" goo" ge'. houg: su" anghoid ri jhen: boo su: gi nang ri tarha" agyi yung" moo ab pyam' ri" wa. Tarha" agyi gi nang ri dang: kho' da" ludaid' yi da" lo, moo ab pyam' wa nghoid wigi nang ri thung: khyo' pyam' zi shau" wa.

MATHE 5:25 ပူးပေါင်းရင်းမြစ်များ

YOBA 22:21

Yoba we"- Akhid"- nang Mangsoo yo' yug yoo za: nyid we' Houg: lho: nyang: ri gyivoo yhang: ti" zoem" khau: da" khyoo: ri to" pyam we' Nang hougsu" koid ri nyang: gi nang ri mainkaid byid: wa.

COUNG" NGHEI 32:6

Hougsu" nghoid yoomo re" da" dang: zung" bang: dangain" gi pang" thoug yu wa zi ca" nyid da" ayo, moo re" jang" moo: akyu" mho' ca". Yau: khe" khyoo: gi gye" thain: da" gyid ji: zoo" ti" tain" loo nghoid loug we' nyangnu" jang" moo: yo" ju" wa zi anghoid.

DANG: ZHOEM 25:8

Nang shau" myang da" daja" ja: khyoo: ri tarha" yung" khyoo: yhi: wa zi ahain:- re" thang: khyo" sagse: phoo gi nang tid zi ajoo, ga: tid nghoid ri nang khasu" koid wa.

MATHE 26:58

Petru gi vi" vi: mo Kayapha da: yhoem: vang" ju" sho'- Yesu thang: moo cang yhe lo". Hau: thang: ri vang" khoug: moo vang yhe: lo" lho: Yesu ri tarha" dang: kho' da" moozoo" gi khayoo: thang lo" ziri cang yu" wa da" shid re" zung" lhug bang: yi yo" dage" zhoung jo.

LUKA 18:3

Hau: lho: hau: voo moo cougmoo" myhi, dayug we' nyid. Nyang: gi tarha" agyi jang" moo yhe: lho: ngoo yo" sei: boo su: ri ung: sho' dang: kho" byid: we' ga: kau: to.

2~KORINTHU 6:2

Tam" gyoo: ge" - Mangsoo tid zigi Ngo nanu" ri jeju" byid: wa ayo, ju" loo lang" nanu" da" mho' yoid thui: ri ngoo tam" gyoo: byid bye. Ngoo nanu" ri khyoid yu wa da" bidnyid ju" lo uri Nanu" ri ngoo pang" thoug byid:- bye ga: wigi nyang: tid nyid. Mangso da" jeju" kham: yu wa zigi - akhid" lang" ge eung: da" ayo, nghoid bye- Yu" ge"-Akhid" lang" khyoid yu da" bidnyid nghoid nyid.

HEBRE 12:17

Nanu" nyang: se' nyid bye: ziyo' dakhyoo" ti"- thang: rigi nya: pho, jang" mo mainkaid byid: da" jeju" ri yo" yu noug nghoid loug we' nyang: ashau" yu loo. Khasu" wim gari nyang: koid shoid lid loo bye: da" khyoo: ri doem, so' nyheung koid wa shid re" ngoug byid' thu sho' phe: sho: yen" nghoid loug we' ashau" myang yu loo.

HEBRE 3:13

Nanu" mo dayug we' - youg: noo yoobo wigi mhau, mhed" jhu, phyo' zi shau" lho: nheigloem: thain: nyid da" byu yi abui" goo" baja"- Jhoem: mungdang: moo tid to" ziyo' dakhyoo" ti" - Akhid" nyid" ein: ngoonu" shid re" yo" tid nyid shi" da" ayo, bidnyid moo nyid" khang" moo" nyang: cang" nyang: pang" thoug go" nyid ge'.

HEBRE 3:7

Hougsu" nghoid yoomo hau: gyeungshang: da" Venyi tid ziyo' dakhyoo" ti"- Akhid" nyid" nanu" Mangso dang: shau" gyo: nghoid rigi